2 Samuel 15:27 - Dios Iwene

²⁷ Tukwakwö yöa̧linobe la'aka luwo̧ Davidma tjö̧'da̧de pjabato̧ Sadocnö: —Sadoc, ökwöma tupakwö baledakwa̧ yöbawo̧ja, ¿jö̧tö? Jo̧kwajabetjö̧ baikwö atebakwö, wene jwiinö Jerusalenbe kwȩwa̧jo, kwitji̧ Ajimazkwöbi, Abiatar itji̧ Jonatankwöbi.

2 Samuel 15:27 ပူးပေါင်းရင်းမြစ်များ

2 Samuel 15:34

Jo̧kwaijayonö, Jerusalenbe kwȩwa̧itjö̧ma, isabenö pjakatobö jȩna. Jau Husay, ȩwa̧jö, Absalonnö yökawo, –La'aka chuluwo̧, kwabe'do Davidnö waisakwawa jawa lȩbebö pjatatinadanö, ökwö kwömöayo̧ ja̧nö ökwönöbi pjatatocha, –jö̧ba̧lö. Jejenö, Ajitofel waisanö yöa̧li̧ Absalon a̧ja̧kwapji jö̧ba̧lö pjakatena.

2 Samuel 15:36

Sadoc itji̧ Ajimazbi, Abiatar itji̧ Jonatanbi jobadökwö tjö̧jobe, ja̧danö jobadönötjö̧ okobe jwiinö kwa̧ja̧kwaja̧ wene weköbo, chöwaisobö, —jö̧ba̧lö weinobe Davidma, Husaynö.

2 Samuel 17:17

Tjö̧'da̧de pjabatadö tji̧tji̧mu Ajimazbi, Jonatanbi Jerusalen comunidad okwa tetjachobö jwiinobe, tetjachena Absalon ömöayedö jobadönö tjedapji jö̧ba̧lö, jo̧kwajabetjö̧ jobadöma Enroguel comunidadnö tjiteada̧linbe, wene tja̧ja̧kwena, tupakwö la'aka luwo̧ Davidnö yöbawö tji̧'yobö. Ja̧danö, omukwatö tjujuninobe, Sadocbi Abiatarbi baledi̧ wene tja̧ja̧kwenama, bakwuju tjömöayujunö wetjobö, Jonatannöbi, Ahimaznöbi wene yöjawobö, yöjawaja̧ tupakwö Davidnö yötjawobö.

2 Samuel 18:19

Ja̧danö, ölakwabikwawö katjatibajabema, Sadoc itji̧ Ajimazma Joabnö aebinobe, —La'aka luwo̧ Davidnö baladaja̧ wene yötawobö webitjö, öpöjojodötjö ö̧jibinö Isabenö Jo̧ma pjaatajabe jö̧ba̧lö, yötawobö, —aebinobe Ajimazma.

2 Samuel 24:11

Gad mikwo̧ma, Dios yöawi̧ Davidnö yöbawö ö̧jinobe, ja̧danö jemi ikena möle, David yȩayi a̧la̧ibenama, Isabenö Jo̧ma iteda yöawi̧ weinobe Gadnö, Davidnö yöawobö, baikwö:

1 Reyes 1:42

Ina abebö a̧ja̧kwemi ja'ötjö, ö'weje pjabato̧ Abiatar itji̧ Jonatan mikwo̧ma ichibinobe. Ichibiökwe, Adoniasma jo̧banö yöa̧linobe, —Tebachi chömöledöso̧, ökwöma isabenö otiwanö tjomukwatökweja, otiwa jawa wene yöbawö kwichaji̧? Yöbawi, —jö̧ba̧lö.

1 Reyes 4:15

Salomon itjiju Basemat jilekwe Ajimaz mikwo̧ma, Neftalisaso niji la'aka luwo̧ ö̧jinobe.

1 Crónicas 25:5

Okobe deinö jobadöma, la'aka luwo̧ David ömöayo̧ Dios yöawi̧ yöbawo̧ Heman itji̧mu tjö̧jinobe. Diosma isabenö otiwanö Hemannö omukwatinobe, ja̧danö otiwanö omukwati̧ i̧sȩbö, itji̧mu ömadönö catorcebedönö 'yaebobö iyinobe, ja̧danö itji̧mu ya̧dönö wamedukwanö 'yaebobö iyinobe.

1 Crónicas 6:8

Ahitobma Sadoc mikwo̧ abe'doinobe. Sadocma Ahimaas mikwo̧ abe'doinobe.

1 Samuel 9:6

Jöa̧lökwe, Saul ömöayo̧ma atadinobe, —Jejenömaökö chuluwo̧, teada̧li, bai bi̧ya comunidadnö bakwo̧ ö̧jobe, Dios ömöayo̧ma, jojodö –Jweinö yöba̧lo̧, –jö̧ba̧lö otiwanö tjo̧mukwatökwema. Jo̧bama isabenö jweinö yöbawo̧, okobe jwiinö tupakwö baledakwa̧ jawa yöawi̧ma, isabenö yöawaja̧danö baledajiobe. Jo̧kwajabetjö̧, dȩwa̧jakwa̧ abönö, jo̧banö abebö da̧ja̧kwaduwajo, jweinö disakwakwa̧ yöawojobö jö̧ba̧lö.

1 Samuel 9:9

Atadökwe, Saulma, —Otiwa, jo̧banö abebö da̧ja̧kwajo, —jö̧ba̧lö, jobe comunidad Dios ömöayo̧ ö̧jena comunidadbe abebö aja̧kwö tji̧'yinobe. Ja̧ möle, Dios yöawi̧ yöbawadönö babe ötjabi̧danöma ötjabinokobe. Babe, —Dios yöawi̧ yöbawo̧, —jö̧ba̧lö ötjabawö̧nö, ajayinö, —Tupakwö baledakwa̧ edo̧, —jö̧ba̧lö ötjabinobe.