2 Samuel 15:25 - Dios Iwene

²⁵ Jobadöbi la'aka luwo̧ Davidkwö tji̧'yobö jö̧tja̧linobe, jo̧kwaijayonö Davidma Sadocnö yöa̧linobe, —Ökwödöma Dios iteapjo tjekataduwo, Jerusalenbe Dios ejubema. Isabenö Jo̧ Dios ötjönö lȩlöinö editjö̧ma, ötjöbi Jerusalenbe chȩwa̧jobö pjaatakwo̧, Dios ejubi, bipjo Dios iteapjobi chedobö.

2 Samuel 15:25 ပူးပေါင်းရင်းမြစ်များ

2 Samuel 6:17

Ja̧danö, Jerusalenbe ichibajadö, löwöte i̧sȩdo̧tjö otikwöte okwa tjujuninobe. Tjichejebakwa̧ abönö, Davidma tjujunakwöte otidinobe, ja̧danö jöte okwa Isabenö Jo̧ iteapjo tjujuninobe. Ikenama, isapjo junajo̧, Davidma Diosnö iyawa jwiinö ubinö iyawabi, ju'wi Dioskwö ösökwö ja̧kwawa iyawabi Isabenö Jo̧nö iyinobe. Ikenama, iyajo̧, Isabenö Jo̧ Okobe Jwiinö Juluwo̧ Diosnö aebinobe, israel jojodönö pjaatobö.

2 Samuel 7:2

Davidma omukwatö yöa̧linobe Dios yöawi̧ yöbawo̧ Natan mikwo̧nö: —Natan, ötjöma beju otiweju, cedro towi ötebiyatjö otikwejunö otiwanö chö̧jobe, ¿jö̧tö? Jau, otiwejunö chö̧jobe, jo̧kwaijayonö otiwejunö chö̧jonö, Chuluwo̧ Isabenö Jo̧ iteapjoma otiwejunö jo̧kobe, löwötenöda, sabana'wotjö otikwejunöda jo̧be Chuluwo̧ iteapjoma. Chedemi sula, ötjö otiwejunö chö̧jonö, chuluwo̧ iteapjo sulabejunöda jo̧böma, —jö̧ba̧lö yöa̧linobe Davidma Natannö.

Éxodo 15:13

Ja̧danö, Isabenö Jo̧, ökwödönö kwösödi̧ma balewachökönö ökibajabe ökwödönö, döpöjojodötjö dö̧jibinö pjakatajawö̧nöma. Ja̧danö, ökwödönö kwujulunö öbibö kwi̧'yobe ökwö wainö kwujuninemi niji jobekwö.

Éxodo 33:12

Ja̧danö, Moisés yöba̧lijetö Isabenö Jo̧nö: — Ökwöma weköbijatö ötjönö bidö Israel jojodönö belö labebö öbibö chi̧'yobö jelobe, kwi̧sebakwemima. Ja̧danö, yöka̧lijatö, Moisés chöwaisa ökwönöma, omudawö chujunökweja, jö̧ba̧lö, jö̧ba̧lö. Jejenö yöka̧lijayonö ötjönö pjabatö i̧'yobö weköbökwema ¿tida? Yöka̧lijökötö.

Éxodo 33:13

Jo̧kwaobetjö̧ ökwönö ateba: Isabenö ötjönö edö, otiwanö omukwato̧, jö̧ba̧lö, kwösöditjö̧ma ja̧köbakwa̧ kwomukwati̧ma yöbawitjö, ökwönö chöwaisemitjö̧ bajalekwönönö chöwaisakobetjö̧. Ja̧danö, ba̧kwȩlö̧jatebö kwösödi̧danö otiwanö omukwatö chö̧jakobetjö̧ yöbawitjö ja̧köbakwa̧ kwomukwati̧ma. Ja̧danö, omukwati: Ökwödö Israel jojodöma ökwöda omudawö kwujuninawö̧sa, ökwöda kwömöledö badibanö— yö̧ba̧lijetö Moisésma Isabenö Jo̧nö.

Isaías 38:22

Ja̧danö ö̧bibajakwa̧ yöawiökwe, abebö a̧ja̧kwinobe Ezequiasma, —Taji baledakwa̧ edö chöwaisakwa̧da, isabenö chö'wöchi̧tjö bi̧bajo̧, isabenö yemidanö Isabenö Jo̧ ejube chi̧'yakwo̧sa, —jö̧ba̧lö, ja̧danö abebö a̧ja̧kwiökwe, möle ja̧wo̧ ökömakwö kweachobö weinobe Diosma.