2 Samuel 15:23 - Dios Iwene

²³ Jejenö tjöbaledonö, jobe ju̧kwadö jojodöma labinö tjubudekwinobe tjuluwo̧ Davidnö, ja̧danö la'aka luwo̧ Davidbi, jo̧bakwö 'ya̧döbi Cedron mikwödö pebibö, jojodö deobekwö tji̧'yinobe.

2 Samuel 15:23 ပူးပေါင်းရင်းမြစ်များ

2 Samuel 15:22

Yöa̧lökwe, —Jau, otiwa. Kwatjö̧ma ökwödöbi kwöbaledaduwo, —jö̧a̧linobe Davidma. Jo̧kwajabetjö̧ Gat jojo Itaybi, okobe deinö ömöayedö ölakwabikwawa jojodöbi, tjömöledöbi David öba a'o tjöbaledinobe.

2 Samuel 15:28

Ja̧danö, ötjöma ojwe peikwena jojodö deobe chiteada̧locha, baledi̧ wene cha̧ja̧kwobö. Jo̧kwajabetjö̧, baledi̧ kwöwaisena, jobe yöbawadönö weköbo, ja̧danö ötjöma jobe chiteada̧locha, weköbakwa̧ wene cha̧ja̧kwenanö kabatö, —yöa̧linobe Davidma Sadocnöbi, Abiatarnöbi.

2 Samuel 16:2

Jejenö ichibiökwe, Davidma Sibanö abebö a̧ja̧kwinobe, —Bi̧ya, ¿dai e'ewö kwi̧'ya? —jö̧ba̧lö. Abebö a̧ja̧kwökwe, Siba atadinobe, —Bidö bu̧lu̧döma, ökwö la'aka chuluwo̧ kwömöledö tjöwanobö chichejebejabe, ja̧danö pan öpji̧yabi, higo waji̧bi, kwömöayedö tjukwobö chichebajabe, ja̧danö ubasobuma, jojodö deobe kwekachaduwonö me'dawadö tjowobö chichejebajabe, —jö̧ba̧lö atadinobe Sibama.

1 Reyes 15:13

Ju'wibi, Asa a̧'do̧ Maca mikwujuma ajayinö la'aka luwuju jö̧jinajayonö, inesö la'aka luwuju jö̧jemitjö jwibatö ujuninobe Macanö, inesö suli̧ jawa, tjösödoko Asera mikwujunö ösödakwawa'o sulabenö jotidinobetjö̧. Ja̧danö, ju'wibi jotidina Aseranö ösödakwawa'o jubö loinobe Asama, jadanö jubö lobajo̧, Cedron wabekotjö juwö loinobe.

1 Reyes 2:37

Jau Simi, belö labebö, Cedron wabeko baledö, tupakwö kwi̧'yitjö̧ma, isabenö ö'wö bakibakwo̧ja, ja̧danö ja̧ ö'wö bakibakwa̧ma, ökwöda jawa ja̧kobe, —jö̧ba̧lö yöalinobe Salomonma.

Mateo 3:1

Jemi tupakwö baikwö baledinobe, Juan Ojwenö Bu̧dato̧ ötjabökwema jojodö deobe kwebachö yöawinobe:

Mateo 3:3

Damötjö Dios yöawi̧ yöbawo̧ Isaías yöawinama jo̧ba Juannö badekwachinobe, baikwö laebi̧ma: Jojodö deobetjö bakwo̧ jwöeba̧lakobe, Duluwo̧ma juluwanö ichakwo̧. Jo̧ba ichakwa̧ma mana dotidaduwo, jweinö ichakobetjö̧, jö̧ba̧lö laebobe.

Lucas 1:80

Juanma otiwanö öda̧peachinobe, ja̧danö o̧'wo̧ luwo̧nö ujuluwachibanö ö̧jinobe, ja̧danö jojodö deobe ö̧jinobe, Israel jojodö tjöba a'otjö yöawakwa̧ möle badekwachenanö kabatö.

Juan 18:1

Jesúsma Abe'donö aebaja̧ ikena iteda öba̧ja̧di̧ waisachadökwö ojwe öibajinena pebibö i̧'yinobe. Jödöma, Cedrón mikwödö. Pebibajadöma batjonö tjichibinobe.

Romanos 12:15

Ja̧danö ju'wedö tjo̧'wo̧ ösöwanö tjö̧jenama, jobadökwö kwo̧'wo̧ ösöwanö ösödö kwö̧jaduwo, ja̧danö ju'wedö o̧'wo̧ tjo̧achö tjubudekwenama, jobadökwö kwubudekwaduwo.