2 Samuel 14:27 - Dios Iwene

²⁷ Ja̧danö i̧tji̧munöbi 'yaebinobe Absalonma, ömadönö wamedukwanöbi, itjiju bakwujunöbi. Ja̧danö Absalon itjijuma Tamar jimikwinobe, jwiinö otiwuju.

2 Samuel 14:27 ပူးပေါင်းရင်းမြစ်များ

2 Samuel 11:2

Ja̧danö, jobe Jerusalennö ö̧jonö, baikwö baledinobe: Ju'wi möle aba̧lajo̧, yi̧benakwö la'aka luwo̧ Davidma a̧la̧ibö kweachinobe, ejutjö mö ba̧ba̧lawobema. Ja̧danö, kweachonö, mötjö edinobe jojosuju jejutjö ojwe ibujunö, jwiinö otiwujunö.

2 Samuel 13:1

Bakwuju David itjiju Tamar mikwuju jö̧jinobe, David itji̧ Absalon öjawuju, jwiinö otiwujuma. Ja̧danö ina i̧so̧kwö jö̧kuju jö̧jinobe Tamarma. Ja̧danö, David itji̧ Amnon mikwo̧ma, öjawuju Tamar mikwujunö ösödinobe, otiwuju, isujunö 'da̧towe jö̧ba̧lö. Kabatökönö jobujukwö ö̧jobö omukwatinobe, dakwö chöjawujukwö chö̧jakwajö jö̧ba̧lö, ja̧tjö 'dö̧achi̧ baibenanö kabatö.

2 Samuel 18:18

Damötjö̧, Absalon ina 'yaba̧lo̧ ö̧jayi, itji̧mu debö ja̧nö, la'aka luwo̧ wabeko ötjabobe inawa nöawa, iteda imi laebawa ujuninobe. Ja̧wa junö yöa̧linobe, —Chitji̧ dea, ö'wö batibaja̧ okobe jojodö chimi tjomukwatibobö, jo̧kwajabetjö biwa chujunobe, ba̧kwelöjatebö ötjönö tjo̧mukwatobö, —jö̧ba̧lö. Ja̧danö, babe mölebi, jawa ina Absalonnö omukwatakwawa inawa jö̧ba̧lö ötjabobe.

Isaías 14:22

Jau, isabenö Dios lȩebakobe Babilonia jojodönö, baikwö laebobe Isabenö Jo̧, Okobe Jwiinö Juluwo̧ Dios yöawi̧ma: —Ötjöma a̧la̧ibö jobadönö chölakwabikwawakwo̧sa, ja̧danö babe Babilonia comunidad imi a̧ja̧kwö, –Inesö juluwadö tjö̧jemi, –jö̧ba̧lö tjomukwatijayonö, imi söbebö lotajobedanö ja̧kobe, bakobe Babilonia jojodö tjujulu söbebö lotakobetjö̧, ja̧danö ji̧badö deinö jobadönö söbebö lotakobetjö̧. Jau, jobe ju̧kwadö tji̧tjimunöbi, tji̧tji̧mu tupadanö jojodönöbi söbebö lotocha, Babilonia comunidadma bakobe ji̧badö deinö ja̧kobetjö̧.