2 Samuel 14:22 - Dios Iwene

²² Yöa̧lökwe, la'aka luwo̧ David öba a'otjö Joabma öba nijakwö öbamatinobe, isabenö chuluwo̧ja jö̧ba̧lö, ja̧danö Davidnö yöa̧linobe, —Chuluwo̧, Dios ökwönö pjaatobö ateba. Babe öwawinö chedobe, isabenö otiwanö ötjö kwömöayo̧nö kwösödobe jö̧ba̧lö, atebaja̧danö baledobö weköbajabetjö̧, —jö̧ba̧lö.

2 Samuel 14:22 ပူးပေါင်းရင်းမြစ်များ

Génesis 47:7

Ikenama Joséma abe'do Jacobnö tebatijetö faraón ö̧bȩkonö, faraón öba a'otjö ujunobö. Jacob, tebachajo̧ faraónnö yöba̧lijetö, Diosnö ateba ökwönö ösödinö pjaatobö, jö̧ba̧lö.

Génesis 6:8

Jejenö jö̧a̧lijayonö bakwo̧, Noé mikwo̧nö ösödö lȩlö̧jinö edijetö Isabenö Jo̧ Diosma.

2 Samuel 14:21

Ikenama la'aka luwo̧ Davidma Joabnö yöa̧linobe, —Akebaja̧danö ja̧tocha, Absalon ȩwa̧jobö wetocha. Jo̧kwajabetjö̧ Guesurbe 'ya̧nö, öbibö ichejebinö chitji̧ Absalonnö, —jö̧ba̧lö.

2 Samuel 14:23

Ikenama, David weaja̧danö, Joabma Guesurbe i̧'yinobe, Absalonnö isakwö, ja̧danö jo̧banö öbibö ȩwa̧jinobe Jerusalenbe.

2 Samuel 14:4

Weoko, Tecoa jojosujuma Joab weaja̧danö ja̧jinobe, ja̧danö David öba a'o ichibö, jöba nijakwö jöbamatinobe, inesö la'aka chuluwo̧ja jö̧ba̧lö. Ja̧danö, David öba a'o bamataju, ajebinobe, —La'aka chuluwo̧, pjabatitjö, —jö̧ba̧lö.

2 Samuel 19:39

Ikenama okobe deinö jojodöbi, la'aka luwo̧ Davidbi Jordan mikwödö petjibinobe. Ja̧danö pebibajo̧, Davidma Barzilaynö du̧atinobe, yöne chömöledöso̧ja jö̧ba̧lö, ja̧danö Diosnö aebinobe Barzilaynö pjaatobö. Ikenama Barzilayma itebobe ȩwa̧jinobe.

Diosnö ösödo̧ Job mikwo̧ usula emawina jawa 29:11

Ja̧danö yötawi̧ tja̧ja̧kwenama, otiwanö a̧ja̧kwö tjösödinobe, –Jobma otiwanö jweinö yöbawo̧, –jö̧ba̧lö, ja̧danö okobe deinö ötjönö edadöma, otiwanö yötja̧linobe ötjönö.

Diosnö ösödo̧ Job mikwo̧ usula emawina jawa 31:20

chajwimu obejadö tji̧sȩdo̧tjö chiyökökwe, bakwo̧bi, –Sulabenö iyö̧kö̧ Jobma, –jö̧ba̧lö yöawobö ji̧tjö̧ma, Dios lȩebobö jȩna.

Proverbios 31:28

Ji̧tji̧mu̧ma jobujunö jwiinö ösödö, dojo'doma jwiinö otiwanö omukwatuju, jö̧ba̧lö, yötja̧loko. Ja̧danö, jilekwebi jobujunö ösödö, otiwanö omukwatuju chilekwoma, jö̧ba̧lö, yöa̧loko.

1 Samuel 20:3

Atadiökwe, Davidma yöa̧linobe, —Isabenö yötawakwö Jonatan, kwabe'doma isabenö ötjönö kwabö loobö isakwo̧. Ja̧danö ökwönö yöbawökönö isakwi̧ma, baikwö yöta̧la, kwabe'doma ötjönö kwösödi̧ wene öwaisobe, yö̧ne dömöledödanö ösödabikwawö dö̧jobe jö̧ba̧lö. Ja̧danö jejenö öwaisobetjö̧, ötjönö kwabö loobö isakwi̧ma yöbawö̧kö̧, –Jonatannö yötawitjö̧ma o̧'wo tjo̧achena, –jö̧ba̧lö. Jau Jonatan, ökwönö yöawököjayonö, isabenö ötjönö kwabö loobö isakwo̧ kwabe'doma, baikwö yöta̧la: Duluwo̧ Isabenö Jo̧ Dios yaba̧lo̧ ö̧ji̧ wenema isabenö wene, ja̧danö ökwö yaba̧lo̧ kwö̧ji̧ wenebi, isabenö wene Jonatan, ¿jö̧tö? Ja̧danö ja̧ wene isabenö ji̧danö, ju'wibi yötawakwö isabenö woto jö̧ta̧lobe, wanedö yötala bakwo̧ ömasapa bakwötanö ö̧ja̧ti̧danö wobalema yö̧neawobe, —jö̧ba̧lö yöa̧linobe Davidma.