2 Samuel 13:36 - Dios Iwene

³⁶ Ja̧danö, juluwanö jejenö yöawaja̧ ikenama, yöawaja̧danö David itji̧mu tjichibinobe, ja̧danö ichibö, labinö ökwöinö tjubudekwinobe. Ja̧danö la'aka luwo̧ Davidbi, okobe deinö ömöayedöbi, nöinö tjo̧'wo tjo̧achö tjubudekwinobe Amnonnö.

2 Samuel 13:36 ပူးပေါင်းရင်းမြစ်များ

2 Samuel 12:21

Jejenö balediawö̧, tajijö jö̧ba̧lö tjedinobe David ömöayedöma, ja̧danö jo̧banö abebö tja̧ja̧kwinobe: —Duluwo̧, ja̧köbaja̧ma, wajwida, Tajawedö jejenö ja̧köbajobejö jö̧ba̧lö. Baikwö abebö da̧ja̧kwakwö: Tjemu ina 'yaa̧layi, ö̧töchö, budekwabinö kwö̧bijatö, jo̧kwaijayonö debö i̧'yaja̧ ikenama, –Davidma ajayitjö bajalekwönönö o̧'wo tjo̧achö ö̧jakwo̧, –jö̧ba̧lö domukwatijayonö, debö i̧'yaja̧ wene a̧ja̧kwö a̧la̧ibö kwakwawa kwukwajabe. Tajawedö jejenö ja̧köbaja̧da duluwo̧, döwaisachibökö, —jö̧ba̧lö abebö tja̧ja̧kwinobe Davidnö.

2 Samuel 13:15

Ikenama, öjawujunö 'da̧bö kabatajo̧, Amnonma jwiinö öpöjödachibinobe öjawuju Tamarnö. Ajayinö ösödaja̧tjö bajalekwönönö jwiinö öpöjödachibinobe. Jobujunö öpöjödö, —A̧la̧ibö da̧ji, —weinobe.

2 Samuel 13:35

Ja̧danö, edaja̧ yöawiökwe, Jonadabma la'aka luwo̧ Davidnö yöawinobe, —Jau chuluwo̧, yötawaja̧danö jo̧be, edi, kwi̧tji̧muma ina 'yaba̧ladö tichibobe, —jö̧ba̧lö.

2 Samuel 13:37

Ja̧danö, jemi tupakwö lekwe möle i̧tji̧ Amnonnö o̧'wo tjo̧achö ubudekwinobe Davidma. Öpöenö kwabö lobajo̧, Absalonma ju'wedö tjitebobe döibajinobe, ojo'do jitebö Guesur niibe. Absalon a'dö Talmay mikwo̧ma ja̧ niji la'aka luwo̧ ö̧jinobe, ja̧danö jobe wapötakwa o̧biya baledibanö a'dö Talmaykwö ö̧jinobe.

2 Samuel 18:33

Jejenö yöawökwe, jwiinö o̧'wo tjo̧achinobe Davidma, ja̧danö o̧'wo tjo̧achö, apjude wamesȩko̧be budekwö önöchinobe. Ja̧danö 'ya̧nö, —Chitji̧ Absalonwe, chitji̧ Absalonwe, ökwö 'yaba̧lo̧ kwö̧jonö ötjöda ö'wö batibatjö̧ma, otiwo jö̧a̧lajena, chitji̧we, chitji̧we, —jö̧ba̧lö o̧'wo tjoachö ubudekwinobe Davidma.