2 Samuel 12:25 - Dios Iwene

²⁵ ja̧danö Dios yöawi̧ yöbawo̧ Natannö weinobe, Davidnö yöawobö, —Isabenö Jo̧ ösödökwe kwitji̧nöma, —jö̧ba̧lö. Jo̧kwajabetjö̧ ju'wi imi Jededias jö̧ba̧lö imidinobe, Isabenö Jo̧ ösödökwe jö̧ba̧lö.

2 Samuel 12:25 ပူးပေါင်းရင်းမြစ်များ

2 Samuel 12:24

Jemi ikenama, Davidma ilekwo Betsabe jitji̧nö jo̧'wo tjo̧achajatjö söawobö pjaatinobe, ja̧danö jobujukwö ö̧jinobe, metu'wo bajibanö. Ja̧danö, jitji̧nö jeminobe, ja̧danö Davidma itji̧nö imidinobe, Salomon jö̧ba̧lö. Ja̧danö, Isabenö Jo̧ma nöinö ösödinobe Salomonnö,

2 Samuel 12:26

Ja̧ jawa baledonö, Joabma David ömöayedö ölakwabikwawa jojodökwö ölakwabikwawinobe Amonitas jojodökwö, Raba comunidad jȩna. Ja̧danö, jo̧be ölakwabikwawö, amonitas jojodö tjuluwo̧ 'diinö tjöbebö otidinemi ujuluwinobe.

2 Samuel 7:4

Jo̧kwaijayonö, o̧do otidobö otiwa jö̧ba̧lö Natan omukwatijayonö, i̧yada yö̧teda Isabenö Jo̧ma iteda yöawi̧ yöawinobe Natannö, Davidnö yöawobö, baikwö:

1 Reyes 1:11

Jejenö baledobetjö̧, Dios yöawi̧ yöbawo̧ Natanma Salomon ojo'do Betsabenö yöalinobe: —La'aka duluwo̧ David wajwionö, itji̧ Adoniasma inesö la'aka luwo̧ baibajabe, ja̧ baledaja̧ wene kwa̧ja̧kwajökiji̧?

1 Reyes 1:23

Ichibiawö̧, la'aka luwo̧ David ömöayedöma Davidnö yötjawinobe, —Duluwo̧, Dios yöawi̧ yöbawo̧ Natanma ökwönö yöbawö ichajabe, —jö̧ba̧lö. Ja̧danö, Natan la'aka luwo̧ David öba a'o teachenama, öba nijakwö bȩa̧chibinobe, —Chuluwo̧ja, —jö̧ba̧lö.

1 Reyes 1:8

Jo̧kwaijayonö, Abiatarbi, Joabbi Adoniasnö pjatjatinajayonö, Diostjö jojodötjö ö'weje pjabato̧ Sadocbi, Davidnö tjöbeba̧ladö la'aka tjuluwo Benaiasbi, Dios yöawi̧ yöbawo̧ Natanbi, Simibi, Reguibi, ju'wedö David ömöayedötjö inesö juluwadö ölakwabikwawadöbi, Adoniasnö pjatjatinokobe.

1 Reyes 4:5

Natan itji̧ Azarias mikwo̧ma, gobernadorbedötjö la'aka luwo̧ ö̧jinobe. Natan itji Zabud mikwo̧ma, Diostjö jojodötjö ö'weje pjabato̧ ö̧jinobe, jadanö ju'wibi la'aka luwo̧ waisanö omukwatobö pjabato̧ ö̧jinobe.

1 Crónicas 22:9

Jo̧kwaijayonö, ökwöma kwitji̧nö kwujunala̧kwo̧ja, ö'wö bakibaja̧ ikena la'aka luwo̧ baibakwo̧ma. Ja̧danö, ökwö ölakwabikwawö kwö̧jinadanöma ö̧jökakwo̧ kwitji̧ma. Jo̧banö pjabatö wetocha, israel niji ö'öbötenia ju̧kwadö tjöpöjojodöma, jo̧bakwö ölakwabikwawökönö dösölö̧jinö tjö̧jobö. Jau, kwitji̧ma Salomon imikwakwo̧, wene jwiobe jö̧ba̧lö, ja̧danö jo̧ba webö ö̧jena baledibanö, israel jojodö wene jwiinö ölakwabikwawökönö tjö̧jobö wetocha.

1 Crónicas 3:5

Ja̧danö Jerusalen comunidadnö ö̧jenama, ju'wedö David itji̧munöbi tjeminobe, bidö: David ilekwo Amiel itjiju Betsabe mikwujuma Simea mikwo̧nöbi, Sobab mikwo̧nöbi, Natan mikwo̧nöbi, Salomon mikwo̧nöbi jeminobe.

Mateo 17:5

Pedro ina jejenö yöa̧lonö, ojwiyo'wo dewinö dejata'wo jobadö tjöwamenö öwawachinobe, ja̧danö ja'wotjö̧ iwene ökwöinobe baikwö ökwöi̧ma: —Bitema ötjöda chösödökwe chitji̧, cho̧'wo̧ ösöwanö chedobe jo̧banö. Jo̧banö kwa̧ja̧kwaduwo— jö̧ba̧lö iwene ökwöinobe.

Mateo 3:17

Ja̧danö, mölejȩbetjö Dios iwene ökwöinobe, baikwö ökwöi̧ma: —Bitema ötjöda chösödökwe chitji̧. Cho̧'wo̧ ösöwanö chedökwe bitema— jö̧ba̧lö ökwöinobe.

Deuteronomio 33:12

—Ja̧danö Benjaminsaso jojodönö baikwö yöta̧la: Isabenö Jo̧ ösödawö̧ Benjaminsaso jojodöma, ja̧danö otiwanö jobadönö tjöeba̧lobe. Ba̧kwelöjatebö jobadönö tjösawinö tjöeba̧lobe, ja̧danö jobadönö a̧pjö̧alö iteada̧lobetjö̧, otiwanö tju̧ju̧kwobe Benjaminsaso jojodöma.