2 Samuel 12:20 - Dios Iwene

²⁰ Ikenama, yötjawiökwe, Davidma a̧la̧ibinobe, ja̧danö ojwe ibö, omewi̧sobu duawinobe, ja̧danö ökamiji̧do̧ balekwado̧ 'duawinobe. Ikenama, Isabenö Jo̧ eju tebachö, Isabenö Jo̧nö ösödinobe. Ikenama, ösödajo̧, ejube ȩwa̧jinobe. Ja̧danö ejube ichibö, kwakwawa aebinobe, ja̧danö tjiyenama, ukwinobe.

2 Samuel 12:20 ပူးပေါင်းရင်းမြစ်များ

2 Samuel 12:19

Jejenö yötja̧lakwawiökwe, Davidma edinobe ko̧ko̧kwö tjo̧'omanö yötja̧lakwawi̧ma, ja̧danö edö, abebö a̧ja̧kwinobe, —Tjemu ida̧ökö ö'wö baibaji̧? —jö̧ba̧lö. Abebö a̧ja̧kwawö̧, —Jau, ö'wö baibajabe, —tjatadinobe.

2 Samuel 12:21

Jejenö balediawö̧, tajijö jö̧ba̧lö tjedinobe David ömöayedöma, ja̧danö jo̧banö abebö tja̧ja̧kwinobe: —Duluwo̧, ja̧köbaja̧ma, wajwida, Tajawedö jejenö ja̧köbajobejö jö̧ba̧lö. Baikwö abebö da̧ja̧kwakwö: Tjemu ina 'yaa̧layi, ö̧töchö, budekwabinö kwö̧bijatö, jo̧kwaijayonö debö i̧'yaja̧ ikenama, –Davidma ajayitjö bajalekwönönö o̧'wo tjo̧achö ö̧jakwo̧, –jö̧ba̧lö domukwatijayonö, debö i̧'yaja̧ wene a̧ja̧kwö a̧la̧ibö kwakwawa kwukwajabe. Tajawedö jejenö ja̧köbaja̧da duluwo̧, döwaisachibökö, —jö̧ba̧lö abebö tja̧ja̧kwinobe Davidnö.

2 Samuel 14:2

Jo̧kwajabetjö̧ weinobe, Tecoa comunidadtjö bajwuju waisuju jichobö. Ja̧danö, ichibajunö weinobe, —Tjö̧möledö wotjiawö̧ budekwadödanö kwichejekwinö ja̧bi, budekwadö 'dutjawa̧do̧ 'dubawö. Ja̧danö, budekwuju, jömöledö debö tji̧'yioko lekwe möle budekwuju kwichejekwi̧nö, omewasobu dubawökönö ja̧nö,

2 Samuel 19:24

Ikenama Saul ö'dö̧ Mefibosetma la'aka luwo̧ Davidnö edö ichinobe. Jo̧ba Mefibosetma, David Jerusalentjö laebinelö, yemidanö wene jwiinö ȩwa̧jenanö kabatö ömasapiyabi dichawökönö, ja̧danö ajesa'ye jwobawö lobökönö, ökamiji̧do̧ dichökönö ö̧jinobe, la'aka chuluwo̧ Davidnö cho̧'wo tjo̧acha jö̧ba̧lö.

2 Samuel 6:17

Ja̧danö, Jerusalenbe ichibajadö, löwöte i̧sȩdo̧tjö otikwöte okwa tjujuninobe. Tjichejebakwa̧ abönö, Davidma tjujunakwöte otidinobe, ja̧danö jöte okwa Isabenö Jo̧ iteapjo tjujuninobe. Ikenama, isapjo junajo̧, Davidma Diosnö iyawa jwiinö ubinö iyawabi, ju'wi Dioskwö ösökwö ja̧kwawa iyawabi Isabenö Jo̧nö iyinobe. Ikenama, iyajo̧, Isabenö Jo̧ Okobe Jwiinö Juluwo̧ Diosnö aebinobe, israel jojodönö pjaatobö.

2 Samuel 7:18

Jejenö yöawiökwe, la'aka luwo̧ Davidma Dios eju okwa tebachö, Isabenö Jo̧ öba a'o öbamatinobe. Ja̧danö, bamatajo̧, yöa̧linobe, —Chuluwo̧ Isabenö Jo̧ Dios, ötjöma mikwawö̧kö̧sa, ja̧danö chömöledöma mikwawöködö, ida̧ökö pjakataja̧danö pjakatoböma. Isabenö pjakato jö̧ka̧li̧tjö jwiinö bajalekwönönö pjakatajabe ida̧ökö chuluwo̧.

Diosnö ösödo̧ Job mikwo̧ usula emawina jawa 1:20

Jejenö yötjawiökwe, Jobma jwiinö o̧'wo tjoachinobe, ja̧danö a̧la̧ibö ö̧kamijido̧ kȩ'ekwö loinobe, ja̧danö öwö'ye jwobawö loinobe, jwiinö o̧'wo tjo̧acho̧sa, jö̧ba̧lö. Ja̧danö, Dios öba a'o mebö bamatö, Diosnö ösödinobe,

Diosnö ösödo̧ Job mikwo̧ usula emawina jawa 2:10

Jobma ilekwonö atadinobe, —Sulabenö yöka̧la chilekwo. Jejenö yöba̧lö, ya̧dö wajwibadö yötja̧lidanö yöba̧lujuja chilekwo, baikwö yötawa: Dios ökwödönö otiwa jawa iyenama, demobö ösödadösa, otiwa jö̧ba̧lö, jö̧tö? Ja̧danö, Dios otiwa jawa iyi̧tjö demobö ji̧tjö̧ma, Dios suli̧ jawa iyi̧tjöbi demobö jwienaji̧? Isabenö Dios suli̧ jawa iyi̧tjöbi öpöjödökönö demobö jo̧be chilekwo, —jö̧ba̧lö atadinobe Jobma. Ja̧danö, okobe jwiinö ja̧ usula emawinö baledi̧ jawa baledonö, sulabenö yöa̧linokobe Jobma, ina jwaikwöda Diosnö ösödö ö̧jinobe.

Proverbios 3:7

Ju'wibi yötawakwö chitji̧: Kwomukwatoko, ötjöma jwiinö waiso̧sa, jö̧ba̧lö. Jobekwödanömaökö chitji̧. Isabenö Jo̧nö yebabinö omukwatö kwö̧jo. Ja̧danö, suli̧ jawa öpöjödö kwö̧jo.

Mateo 6:17

Jau chömöledö, jobadö ja̧tji̧danöma ja̧köbaduwa. Ökwödö Diosnö omukwatö ö̧tö̧chö kwö̧jaduwenama, kwöwö'ye so̧bekwö, kwöba dichawö ja̧köbaduwo.

Lucas 7:46

Ja̧danö, ötjönö otiwanö kwomukwati̧ i̧sebö, olivo o̧te tokebökötö chuunö, jo̧kwaijayonö bisuma ötjönö otiwanö jomukwati̧ i̧sebö, nöinö mikwawi̧ omewi̧ jawa tojebajabe chömasapanö.

1 Samuel 15:25

Jo̧kwaijayonö, sulabenö ja̧tajayonö, ökwönö budekwödanö atebakwö, sulabenö ja̧taja̧ söbebö lobö, jojodö tjö̧jobekwö ötjökwö kwichobö, Isabenö Jo̧nö bȩbachibö chösödakobetjö̧, —jö̧ba̧lö.

1 Samuel 15:31

Aebökwe, Samuelma Saulkwö jojodö tjö̧jobekwö i̧'yinobe, ja̧danö Saulma Isabenö Jo̧ öba a'otjö bȩbachibö ösödinobe.