2 Samuel 12:18 - Dios Iwene

¹⁸ Jejenö jelemutjö̧ dötölataja möle baledibanö, itji̧nö abeba̧lö nijinö ö̧binobe Davidma. Jemi ikenama, tjemu jelemutjö dötölataja möle 'dö̧achaja̧ ikenama, ö'wö baibinobe David itji̧ma. Jejenö ö'wö baibiawö̧, Davidnö yötjawobö yetjabinobe, ja̧danö tjo̧'omanö yötja̧lakwawinobe baikwö: —Ayö, tjemu ina 'yaa̧layi, yöda̧li̧ atadökönö itji̧nö o̧'wo tjo̧achö atadinokobe Davidma. Jo̧kwajabetjö̧, itji̧ ö'wö baibaja̧ wenema, dakwö jo̧banö yödawakwa̧da? Ina 'yaa̧layi jejenö o̧'wo tjoachatjö̧ma, ö'wö baibaja̧ wene a̧ja̧kwö dakwö ja̧akwajö, itedada suli̧ waedakwawena, —jö̧ba̧lö yötja̧lakwawinobe.

2 Samuel 12:18 ပူးပေါင်းရင်းမြစ်များ

2 Samuel 12:17

Jejenö nijinö ö̧biawö̧, David ömöayedötjö luwedöma, yöne ja̧nö, ujuluwachibanö pjatjatotö jö̧ba̧lö a̧la̧ibobö atjebinobe, jo̧kwaijayonö a̧la̧ibinokobe, ja̧danö jobadökwö kwakwawa ukwinokobe. Jwaikwöda ö̧töchö, nijinö ba̧nö aeba̧linobe Diosnö, itji̧ ö̧bibajobö.

2 Samuel 12:19

Jejenö yötja̧lakwawiökwe, Davidma edinobe ko̧ko̧kwö tjo̧'omanö yötja̧lakwawi̧ma, ja̧danö edö, abebö a̧ja̧kwinobe, —Tjemu ida̧ökö ö'wö baibaji̧? —jö̧ba̧lö. Abebö a̧ja̧kwawö̧, —Jau, ö'wö baibajabe, —tjatadinobe.