2 Samuel 11:21 - Dios Iwene

²¹ Tebes comunidadtjö baledina wene kwomukwatibaduwo jö̧ka̧linaduwobe, Gedeon itji̧ Abimelec ö'wö baibina wenema. Jau, tjöekwemi ö'öbö ichibioko, jemi jojosujuda tjöekwemi wa̧pekwobetjö harinaso̧pja̧ otikwawa inawa ikwö jo̧banö kwabö lojinobe, ja̧ wene omukwatö yö̧ne kwichibaduwoko jö̧ka̧laduwajabe, –jö̧ba̧lö dameakwö yöa̧lena la'aka duluwo̧ Davidma. Ja̧danö, jejenö yöa̧litjö̧ma, baikwö yökawo, –Kwömöayo̧ hitita jojo Urias mikwo̧bi debö i̧'yajabe, —jö̧ba̧lö weinobe Joabma, baledaja̧ wene yöawakwo̧nö.

2 Samuel 11:21 ပူးပေါင်းရင်းမြစ်များ

2 Samuel 11:17

Ja̧danö, comunidad jojodö labebö tjölakwabikwawinobe Joab ömöayedökwö, ja̧danö tjölakwabikwawonö, David ömöayedö ju'wedö debö tji̧'yinobe, ja̧danö hitita jojo Urias mikwo̧bi debö i̧'yinobe.

2 Samuel 11:20

Ja̧danö, dömöledötjö ju'wedö debö tji̧'yaja̧ yökawiökwe, duluwo̧ Davidma ödameakwena, ja̧danö dameakwö abebö a̧ja̧kwena, –Tajawedö comunidad tjöekwemi yö̧ne ichibö kwölakwabikwawaduwaja̧da? Kwomukwataduwajökiji̧, tjöekwemi mötjö 'bötjena jö̧ba̧löma?

2 Samuel 11:22

Jejenö weökwe, yöbawo̧ma Jerusalenbe 'ya̧nö, okobe jwiinö Joab weaja̧danö yöawinobe Davidnö.

2 Samuel 3:27

Yötjawökwe, Hebronbe tjeachajinobe Abnerma, ja̧danö comunidad apjudebe ichibenama, Joabma jo̧banö öbadekwajinobe. Ja̧danö, badekwajo̧, —Ichi, jojodö tja̧ja̧kwokonö yöda̧lakwawo, —jö̧ba̧lö, apjude ö'öbökwö öibinobe Abnernö. Jo̧kwaijayonö, yöda̧lakwawo jö̧ba̧lö yöa̧lajayonö, kwölöte'onö doinobe Abnernö, ukwa'wonö. Ajayinö Abner Joab öjawo̧ Asaelnö kwabö loiökwe, balekwa mikwa Abnernö kwabö loinobe Joabma, ja̧dano jobe ö'wö baibinobe Abnerma.

2 Samuel 3:34

Abner, ökwöma sulabo̧danöma ichejekwö̧kö̧ja ö'wö bakibaja̧ma. Sulabedönö, tjö̧mamijubi, tjömasapiyabi nu'yö di̧batö kwabö lotjawö̧, jo̧kwaijayonö ökwöma kwömamijubi, kwömasapiyabi di̧tjatökökwe ö'wö bakibajabe. Jau Abner, ö'wö bakibaja̧ma, otiwo̧kö̧bijayonö, ömadö sulabedöma sulabenö kwabö lotjinobe ökwö chömöledöso̧ otiwo̧nö, chömöledöso̧ Abnerwe, —jö̧ba̧lö lo̧awa lo̧inobe Davidma, Abnernö budekwö. Ja̧danö okobe deinö jojodöbi Abnernö tjubudekwinobe.

Isaías 14:10

Okobe deinö jobadöma ökwönö obö yötja̧lakwedö: –Ökwöbi dujulu jwibadö dö̧ji̧danö, bakwainö kwujulu jwibo̧ bakibajabe.

Jueces 6:32

Ja̧danö, jejenö, —Tjöeba̧lo jö̧ba̧lo̧ma Baalda, —jö̧ba̧lö yöa̧lobetjö̧, jemi tupakwö Gedeonnö tjimidinobe, Yerubaal jö̧ba̧lö, —Iteda iyawemi söbebö loiökwe, tjöeba̧lo jö̧ba̧lo̧ma Baalda, —jö̧ba̧lö.

Jueces 7:1

Jemi ikenama, Yerubaal ötjabökwe Gedeonbi, okobe deinö ju'wedö israel jojodötjö ölakwabikwawa jojodö Gedeonkwö ju̧kwadöbi yȩayi a̧la̧ibö, Jarod ojwese'dobe tji̧'yinobe, jobetjö tjabekwobö. Ja̧danö, tjöpöjojodö madianitas jojodö tjabakwemima, jobetjö u'dakwöchobe tjö̧jinobe, wabeko More mösa'o badeibösekonö.