2 Samuel 1:26 - Dios Iwene

²⁶ Isabenö cho̧'wo tjoachobe ökwönö yö̧ne chömöledöso̧ Jonatan, isabenö ile nitebökweja Jonatan. Isabenö otiwanö ötjönö ile nikebinobe Jonatan, ile nikebinama, ya̧dö ile nitjȩbi̧tjö bajalekwönönö otiwanö ile nibebinaja.

2 Samuel 1:26 ပူးပေါင်းရင်းမြစ်များ

2 Samuel 1:27

Jobadö juluwadöwe, ölakwabikwawö debö tji̧'yajabetija, ja̧danö jobadö ölakwabikwawa jawama, suli̧ waekwajabetija, —jö̧ba̧lö lo̧inobe Davidma, Saulnöbi Jonatannöbi.

Proverbios 18:24

Ja̧danö, ju'wibi yötawa: Bakwo̧ma yö̧a̧lena ökwönö, chömöledöso̧, jö̧ba̧lö. Jobekwö yöa̧lijayonö omöna yöba̧lo̧, isabenö kwömöledöso̧bö̧kö̧. Jo̧kwaijayonö jelo̧ma isabenö kwömöledöso̧ ö̧jobe. Jo̧ba isabenö kwömöledöso̧ma yö̧ne kwömöledö pjatjati̧tjö bajalekwönönö pjabato̧ ökwönöma ba̧kwȩlö̧jatebö.

1 Samuel 19:2

Jo̧kwajabetjö̧ Jonatanma Davidnö yöawinobe, —Chabe'do Saulma ökwönö kwabö loobö isakwobe, jo̧kwajabetjö̧ ö'wiyakwawönö kwöjo. Itekwai yȩayi, jelobe ka̧putjö ju̧kwawö kwö̧jo.

1 Samuel 20:17

Ja̧danö Jonatan jwiinö iteda ösödakwawi̧danö Davidnö ösödobetjö̧, Davidbi isabenö dösölö̧jinö ösödabikwawö ö̧jakwa̧ wene yöbawö ujunobö aebinobe, Jonatannöbi, i̧tji̧mu tupadanö jojodönöbi ösödabikwawö ö̧jakwa̧ wenema, ja̧danö aeba̧ja̧danö Davidbi yöbawö ujuninobe.

1 Samuel 20:41

Ikenama, tjemu ȩwa̧jaja okobema, Davidma inawiya o̧penö uju̧kwawajelö labebö, Jonatan ö̧jobekwö 'ya̧wibö, Jonatan öba a'ö öba nijakwö wapötakwanö bȩbachibö ja̧inobe. Ja̧danö, ösödabikwawö du̧batö, tjubudekwinobe, jo̧kwaijayonö Jonatan ubudekwi̧tjö bajalekwönönö nöinö ubudekwinobe Davidma.

1 Samuel 23:16

Ja̧danö, Horesnö ö̧jono, Saul itji̧ Jonatanma David ö̧jobekwö Davidnö edö i̧'yinobe, ja̧danö jo̧banö ujuluwachibanö pjaatinobe, —Isabenö Diosma ökwönö pjaatakobe, —jö̧ba̧lö.