2 Samuel 1:15 - Dios Iwene

^15-16 Isabenö yekabo jö̧ka̧linobe. Babe ö'wö bakibakwa̧ma ökwöda jawa, ökwöda yökawajabetjö̧, –Ötjöma Isabenö Jo̧ omudawö ujuninökwe Saulnö kwabö lotajabetija, –jö̧ba̧lö yökawajabetjö̧, —jö̧ba̧lö yöa̧linobe Davidma yöbawö ichibajo̧nö. Ja̧danö Davidma iteda ömöayedötjö bakwo̧nö weinobe, —Bite sulabo̧nö kwabö lobinö, —jö̧ba̧lö. Ja̧danö weökwe, David ömöayo̧ma jo̧banö kwabö loinobe.

2 Samuel 1:15 ပူးပေါင်းရင်းမြစ်များ

1 Reyes 2:25

Ikenama, yöba̧lajo̧, Benaiasnö weinobe, ja̧danö weaja̧danö, Benaiasma Adoniasnö kwabö loinobe.

1 Reyes 2:34

Jejenö weökwe, Benaiasma Joab ö̧jobekwö 'ya̧nö, jo̧banö kwabö loinobe, ja̧danö kwabö lobajo̧, Joabnö tjo̧tjinobe, iteda ejunö. Joab ejuma israel nijitjö jojodö deobe ji̧nobe, ja̧danö jobe jo̧banö tjo̧tjinobe.

1 Reyes 2:46

Ikenama, jö̧ba̧lajo̧, Salomonma Benaiasnö weinobe, ja̧danö weökwe, Siminö kwabö loinobe. Jobekwö laebobe Salomon öpöjojodönö ujuluwina jawama. Ja̧danö, Salomonma israel jojodö la'aka tjuluwo̧ ja̧nö, otiwanö 'diinö ö̧jinobe, isabenö Salomonda la'aka luwo̧ ja̧nö weinobe.

Diosnö ösödo̧ Job mikwo̧ usula emawina jawa 5:12

—Ja̧danö ju'wibi, suli̧ tjöwaedotö jö̧ba̧ladö suli̧ tjöwaedakwa̧ waisanö omukwatö tjujunijayonö, otiwanö tjöbeba̧lö pjabato̧ Diosma, omukwatö tjujunaja̧ badekwachinö suli̧ tjöwaedapji jö̧balö.

Proverbios 11:18

Ja̧danö, ju'wibi yötawa: Sulabenö ja̧bo̧ma balada nöinö ujuna̧lobetjö̧, ötjöma ba̧kwȩlö̧jatebö otiwanö chö̧ja̧kwo̧sa, jö̧ba̧lö omukwato̧. Jobekwö omukwatijayonö jweinö omukwatokobe, u̧kwa baladama ba̧kwȩlö̧jatebö ujuna̧lö̧kakwo̧obetjö̧, 'dö̧ibakwa̧ jawa. Jo̧kwaijayonö Dios wei̧ a̧ja̧kwo̧ma jo̧ba otiwanö ö̧ji̧ mikwa baibanö Isabenö Jo̧ma jo̧banö ba̧kwȩlö̧jatebö otiwanö iyakwo̧. Ja̧danö, Isabenö Jo̧ iyi̧ma 'dö̧ibajökönö jawa.

Jueces 8:20

Ja̧danö, yöbalajö̧, Gedeonma iteda itji̧ abönö pöe Jeter mikwo̧nö weinobe, —Jobadönö kwabö lobi, —jö̧ba̧lö. Jo̧kwaijayonö, weijayonö, Jeterma yeabinobe, ina möayo̧ ö̧jobetjö̧, ja̧danö kwölöte'o do̧a̧linokobe, jobadönö kwabö looböma.