2 Reyes 9:9 - Dios Iwene

⁹ Ja̧danö, Acab ömöledönö baledobö ja̧takwo̧sa, ajayi la'aka luwo̧bina Jeroboan ömöledönö baledinadanö, ja̧danö la'aka luwo̧ Basa ömöledönö baledinadanö, israel nijitjö itji̧mu tupadanö jojo bakwo̧bi deakobetjö̧.

2 Reyes 9:9 ပူးပေါင်းရင်းမြစ်များ

1 Reyes 15:29

Ja̧danö, inesö la'aka luwo̧ baibaja̧ ikenama, juluwanö okobe deinö Jeroboan ömöledönö kwabawö loinobe Basama, okobe deinö Jeroboan ömöledötjö ina 'yaba̧ladönö kwabawö loinobe, ji̧bo̧ bakwo̧bi deinö. Ja̧danö, ja̧ jobadönö kwabawö loinama, Dios yöawi̧ yöbawo̧, Silonita jojo Ahias yöawinadanö baledinobe. Jeroboanma jwiinö sulabenö ja̧bö ö̧jinobe, ja̧danö ju'wibi, ömöayedö Israel jojodönö sulabenö ja̧tjobö weinobe, isabenö jwaikwöda Israel jojodö tjösödökwe Isabenö Jo̧ Dios öpöjödi̧ jawa sulabenö ja̧inobe, Isabenö Jo̧ma jwiinö Jeroboannö ödameakwawenanö baibanö. Ja̧danö, jejenö sulabenö ja̧iökwe, Jeroboannö lȩbebö Isabenö Jo̧ma weinobe, okobe deinö Jeroboan ömöledönö Basa kwabawö loobö.

1 Reyes 21:22

Jau Acab, chödameakwinö jaköbajabe, jadanö israel jojodö sulabenö ja̧tjobö weköbajabe, jo̧kwajabetjö ökwönö lȩbebö söbebö lotocha, baikwö yötawa: Ökwötjö ajayinö ji̧nadö la'aka luwedö Jereboanbi, Basabi tjömöledö deinö batjibanö lȩtebinadanö, ökwötjö tupadanö jojodönöbi söbebö lotocha, ji̧bo̧ bakwo̧bi deinö, —jö̧ba̧lö Dios yöawi̧ yöawinobe Eliasma.

2 Reyes 10:11

Ja̧danö, jobekwö yöba̧lajo̧, okobe deinö ju'wedö Acab ömöledötjö ina Jezreel comunidadnö ju̧kwadönö kwabawö loinobe Jehuma. Ja̧danö ömöayedö juluwadönöbi, yöne ömöledönöbi, ömöayedö ö'weje pjabatadönöbi kwabawö loinobe, Acab ömöledöbinadötjö bakwo̧bi deenanö baibanö.