2 Reyes 9:34 - Dios Iwene

³⁴ Jemi ikenama, Jezabelnö kwabö lobajo̧, o̧do okwa tebachö, kwanöbi ukwinobe, ja̧danö owöbi owinobe Jehuma. Ikenama, kabatajo̧, ömöayedönö weinobe Jehuma, —Isu Dios lȩebajoko jojosuju Jezabel jiteba'o e'ewö, kwo̧tja̧duwojö. Jau, jobujuma inesö la'aka luwo̧ itjiju, jo̧kwajabetjö̧ jiteba'o otiwanö kwo̧tjaduwobö jo̧be, —jö̧ba̧lö.

2 Reyes 9:34 ပူးပေါင်းရင်းမြစ်များ

1 Reyes 16:31

Jeroboan sulabenö ja̧i̧nadanö sulabenö jainobe Acabma, jo̧kwaijayonö ja̧damaökö, jemi bajalekwönönö jwiinö sulabenö jainobe Acabma, Jeroboan sulabenö jainama, sule ja'yubeda sulabenö jainobedanö ichejekwenanö baibanö. Baikwö laebobe Acab inesö sulabenö jaina wenema: Acabma sidonio jojodötjö la'aka luwo̧ Et Baal mikwo̧ itjiju Jezabel mikwujunö eminobe, ja̧danö jobujunö emajo̧, Acabma o̧'wo jawa tjösödökwe Baal wei̧ ja̧bö ö̧jobö isakwinobe, ja̧danö Baalnö bȩbachibö ösödinobe.

1 Reyes 18:41

Jemi ikenama, Eliasma Acabnö weinobe, —Ida̧ökö ojwiyo labinö o̧bakwa̧ ökwöi̧ cha̧ja̧kwa, jo̧kwajabetjö̧ ba'ali kwukwajo, ja̧danö kwowajo, —jö̧ba̧lö.

1 Reyes 21:25

Isabenö jwaikwöda sulabenö ja̧bö ji̧na Acabma. Jo̧batjö ajayinö ji̧nadö la'aka luwedötjö bajalekwönönö jwaikwöda Isabenö Jo̧ öpöjödi̧ jawa ja̧obö isakwinobe. Ilekwo Jezabelma tupakwönönö sulabenö ja̧obö webö jö̧jinobe, ja̧danö weji̧danö jwaikwöda sulabenö ja̧bö ö̧jinobe Acabma.

2 Reyes 9:33

Tjediökwe, —Nijakwö ikwijö, —jö̧ba̧lö weinobe, ja̧danö weawö̧, Jezabelnö do̧batö, mötjö nijakwö tjikwinobe Jezabelnö. Ja̧danö tjikwajoko, nijinö mejenama, jökwösobu dödeibinobe, o̧do tjöekwemibi, kabayudönöbi, ja̧danö Jezabel jiteba'o tjö̧jatinobe Jehu ajwimu kabayudöma.

2 Reyes 9:35

Jo̧kwaijayonö, weawö̧, tjo̧tjo̧tö jö̧ba̧lö latjebenama, jiteba'o tjöbadekwajinokobe, sule juusöseda, ja̧danö jömasapiyada, ja̧danö jömamijuda tjöbadekwajinobe. Ju'wi jiteba'o jawama tjöbadekwajinokobe.

Proverbios 10:7

Ja̧danö, ju'wibi yötawa: Dios wei̧ a̧ja̧kwö ji̧abina debö i̧'yajabe okobe jojodöma tjo̧'wo̧nö omukwatabinö omukwatadö jo̧banöma, otiwanö ji̧abina, jö̧ba̧lö. Jobekwö tjo̧mukwatokobe sulabenö omukwatö ji̧abinanöma. Sulabenö omukwatö ji̧abina debö i̧'yajabe okobema jojodöma jo̧banöma tjo̧mukwatokobe, juluwanö tjo̧'wo̧ sötjibökwe.

Isaías 65:15

Isabenö jwiinö usula kwemawaduwinö lȩtebakwawö̧ja, ökwödönö söbebö lotenanö baibanö. Jau, jwiinö ökwödönö söbebö lotobetjö̧, jojodö tjöpöjojodönö lȩtebakwa̧ atjebenama, ökwödönö wanedö atjebakwedö, —Jobadönö lȩkebinadanö döpöjojodönöbi lȩkebo, —jö̧ba̧lö. Jo̧kwaijayonö isabenö chömöayedöbedönö, 'yayi tjimi ötabikwawö̧, jwiinö otiwanö jobadönö pjatatobetjö̧.

Mateo 25:41

Jemi ikenama wajwitobekwöchobe ju̧kwadönö yötawocha: Ökwödö sulabedöma chö̧jelö labebaduwi. Dios Awetjanöbi, iteda ömöayedönöbi lȩebobö Dios otidö ujuninola ökwöla nöolabe 'ya̧duwi, jobetjö Dios lȩebi̧tjö kwemaduwo jö̧ba̧lö.