2 Reyes 9:27 - Dios Iwene

²⁷ Juda niji la'aka luwo̧ Ocoziasma ja̧ baledobe edinobe, ja̧danö edajo̧, iteda iteakanö döibajinobe, Bet-hagan comunidad jo̧bekwö. Ja̧danö jo̧banöbi luinobe Jehuma, ja̧danö ömöayedönö weinobe, —Ocoziasnöbi 'böbaduwinö, —jö̧ba̧lö. Ja̧danö, iteaka kolukanö a̧jonö Ocoziasnö 'bötjinobe, Ibleam comunidad pjeanö, nöchawemi Gur ötjabemi nöchawemi ja'ötjö. 'Bötjökwe, tupakwö döibajinobe, Meguido comunidadbe, ja̧danö jobe Meguido comunidadtjö ö'wö baibinobe Ocoziasma.

2 Reyes 9:27 ပူးပေါင်းရင်းမြစ်များ

1 Reyes 21:2

Acabma Nabot öbatjo edö ösödinobe, iteda ujuna̧lobö, ja̧danö Nabotnö yöa̧linobe: —Nabot, ökwö kwöbatjo ötjönö kwiyobö chösöda, cheju ö'öbösayuobetjö̧. Jau Nabot, jobetjö kwakwawa batjo baibanö chotidakobetjö̧ kwiyotjö. Ja̧yu ötjönö kwiyitjö̧ma balekwayu ja̧tjö bajalekwönönö otiwayu chiyakwo̧sa, ja̧danö jeleyu öpöjödö, platada chimidobö kwösöditjö̧ma, kwöbatjo mikwawi̧danö plata jawa chimidocha, —jö̧ba̧lö.

1 Reyes 4:12

Ajilud itji̧ Bana mikwo̧ma, Tanac comunidadbi, Meguido comunidadbi, okobe jwiinö Saretan ö'öbö Betsean ötjabobe niji̧bi, Jezrel wabekotjö a̧li̧kwö Betsean comunidadtjö, Abel Mejola comunidadbe baibanö nijibi, Jocmean comunidad tupakwö baibanö nijibi la'aka luwo̧ ö̧jinobe.

2 Reyes 10:4

Iwȩyudiawö̧, jwiinö yetjaibinobe Samaria jojodöma, ja̧danö yötja̧lakwawinobe, —Ayö, du̧ju̧taja la'aka luwedö Jorambi, Ocoziasbi ite Jehu öba a'o tjö̧jobö jwibinadö, jo̧ba öba a'o ö'wö batjibinobe. Jobekwö baledinobema, ökwödöma dakwö öba a'o ja̧nö dölakwabikwawobö, waekwena, —jö̧ba̧lö.

2 Reyes 11:1

Jehu ajayinö Israel la'aka luwo̧ Joramnö kwabö loenama, Juda la'aka luwo̧ Ocoziasnöbi kwabö loinobe. Ja̧danö, Ocozias ojo'do Atalia jitji̧ ö'wö baibaja̧ jöwaisachibenama, isuda la'aka luwuju jö̧jobö jomukwatinobe. Jo̧kwajabetjö̧, okobe deinö jitji̧mine itji̧munö kwabö lojobö jisakwinobe, isudada la'aka luwuju jö̧jakobetjö̧.

2 Reyes 12:1

Jehu israel la'aka luwo̧ ö̧jayi, ida̧ökö jelemutjö dötölataja o̧biya baledibanö webö ö̧jenama, Joas mikwo̧ma Juda la'aka luwo̧ baibinobe, ja̧danö cuarenta o̧biya baledibanö Jerusalentjö webö ö̧jinobe. Joas ojo'doma, Beerseba comunidad jojosuju Sibia mikwuju.

2 Reyes 12:21

Jobadö Joasnö kwabö lobinadöma, yöne ömöayedö Simeat itji̧ Josacar mikwo̧bi, Somer itji̧ Jozabad mikwo̧bi. Ja̧danö ö'wö babibajo̧nö tjo̧tjinobe a'dödökwö, a'dö David itebo comunidad ötjabena. Ja̧danö, Joas la'aka luwo̧ öjinemi, itji̧ Amasiasma la'aka luwo̧ baibinobe.

2 Reyes 14:19

Amasias ö'wö baibina wene baikwö laebobe: Amasias ömöayedö Jerusalennö ju̧kwadötjö ju'wedö jo̧banö kwabö lotjobö omukwatö tjujuninobe, ja̧danö jo̧banö kwabö lotjakwa̧ öwaisachibajo̧, Laquis comunidadbe döibajinobe Amasiasma. Jo̧kwaijayonö, ju'wedönö wetjinobe, Amasiasnö lubö, Laquis comunidadbe tji̧'yobö, ja̧danö Laquis comunidadtjö Amasiasnö kwabö lotjinobe.

2 Reyes 21:23

Ja̧danö, Amon ömöayedöma tjuluwo̧nö kwabö lotjakwa̧ omukwatö tjujuninobe, ja̧danö iteda ejunö ö̧jonö, la'aka luwo̧ Amonnö kwabö lotjinobe.

2 Reyes 8:29

Jo̧bekwö Siria luwo̧ Hazaelkwö ölakwabikwawonö, Ramot de Galaad comundiadtjö Siria jojodö inia tjöinö ja̧tjökwe, Israel la'aka luwo̧ Joramma Jezreel comunidadbe ȩwa̧jinobe, jobetjö inia tjö̧i̧tjö̧ ö̧bibajobö. Ja̧danö, Jezreel comunidadtjö, Joram inia tjöbö ö̧jiökwe, Juda la'aka luwo̧ Ocoziasma Jezreel comunidadbe i̧'yinobe, la'aka luwo̧ Joramnö edobö.

Proverbios 13:20

Ju'wibi yötawa: Bakwo̧ ba̧kwȩlö̧jatebö jweinö omukwatadökwö ko̧ko̧kwö ö̧jitjö̧ma jo̧babi jweinö omukwato̧ ö̧jakwo̧. Jobekwö ö̧jokobe omukwatöködökwö ko̧ko̧kwö jo̧ma. Omukwatöködö ba̧kwȩlö̧jatebö ko̧ko̧kwö jo̧ma usula emawö ö̧jakwo̧.

2 Corintios 6:17

Jo̧kwajabetjö̧ Dios wei̧danö ja̧dobö jo̧be chömöledö, baikwö laebobe Dios iwene: Duluwo̧ wei̧ma baikwö laebobe: ötjönö öpöjödadö tjö'da̧detjö labebaduwi, ja̧danö jobadötjö 'da̧bachibaduwi. Jobadö tjujuna̧li̧ suli̧ jawa mabökönaduwi, ja̧danö ökwödönö chösödocha,

Josué 17:11

Ja̧danö, Aser niji okwabi, Isacar niji okwabi, Manases jojodöma tjitebo comunidad tjujuna̧linobe, Betsean comunidadbi, Ibleam comunidadbi, Dor comunidad ju'wi imi Nafot comunidadbi, Endor comunidadbi, Tanac comunidadbi, Meguido comunidadbi. Ja̧ comunidadbiyabi, ö'öbö pjei̧ comunidadbi̧yabi, jeleso niji okwa ji̧najayonö, Manases jojodö tjitebo comunidad ji̧nobe.

Jueces 1:27

Manasessaso jojodöma tjitebo niji ju̧kwadönö a'dewö lotjo jö̧tja̧linobe, jo̧kwaijayonö Betsean comunidad ju̧kwadönöbi, Tanaac comunidad ju̧kwadönöbi, Dor comunidad ju̧kwadönöbi, Ibleam comunidad ju̧kwadönöbi, Meguido comunidad ju̧kwadönöbi a'dewö lotjinokobe. Ja̧ comunidadbiya ju̧kwadönöbi, ö'öbö ji̧ pjei̧ comunidad ju̧kwadönöbi a'dewö lotjinokobe, jo̧kwajabetjö̧ a'dewö lotjo jö̧tja̧lijayonö, cananeos jojodöma ina jobe tjö̧jinobe.

Jueces 5:19

Döpöjojodö cananeo jojodötjö la'aka luwedöma, ichö ökwödönö tjujuluwotö jö̧ba̧lö tjölakwabikwawinobe, Meguido ojwese'do o'obö Tanactjö ökwödökwö tjölakwabikwawinobe, jo̧kwaijayonö tjujuluwinokobe, ja̧danö ditea plata jawa tjeminokobe.