2 Reyes 9:24 - Dios Iwene

²⁴ Ja̧danö, öba a'o döibajiökwe, Jehuma okobe jwiinö ujulunö 'böpö sedatö Joramnö 'böinobe, ja̧danö nayunu 'böajanuma, Joram öböbe'o ö'wejenö söibinobe, omajade okwa söibinö. Jobekwö söibiökwe, iteaka koluka okwa mebö ö'wö baibinobe Joramma.

2 Reyes 9:24 ပူးပေါင်းရင်းမြစ်များ

1 Reyes 19:17

Ja̧danö, baikwö yötawakwö Israel jojodönö lȩtebakwa̧ma, Siria luwo̧ ö̧jakwo̧ Jazaelma, ba̧jȩkwadönö kwabö loakwo̧, ja̧danö jo̧ba kwabö loaja̧tjö ju̧kwibajadönö, Jehuma kwabö loakwo̧, ja̧danö Jehu kwabö loaja̧tjö ju̧kwibajadönö Eliseoma kwabö loakwo̧.

1 Reyes 21:29

—Chöba a'otjö Acab –Mikwawö̧kö̧sa, –jö̧ba̧lö i̧sebaja̧ kwedaji̧? Baikwö yötawakwö, lȩtebakwa yötawajökwe, chöba a'otjö, –Mikwawö̧kö̧sa, –jö̧ba̧lö, o̧'wo tjo̧achi̧ i̧sȩbö jo̧, ja̧danö jejenö ö̧jobetjö̧, iteda ina 'ya̧alayima ömöledönö lȩtebökakwo̧sa, itji̧da la'aka luwo̧ ö̧jenada, okobe deinö ömöledönö söbebö lobö lȩtebocha, —jö̧ba̧lö yöawinobe Isabenö Jo̧ma, Eliasnö.

1 Reyes 22:34

Ja̧danö, tjölakwabikwawonö, 'böawa jojodötjö bakwo̧ a̧dekwanö 'böinobe, sule a̧dekwanö 'böböda. Ja̧danö, jejenö 'böenama, israel la'aka luwo̧ Acabnö öjamatekwinobe, tjöekwa̧do 'dieba jawa 'da̧de söibinö. Jejenö 'böökwe, iteda iteaka koluka jwebeba̧lo̧nö weinobe, —Inia tötinö 'diinö 'bötjajökwesa, jo̧kwajabetjö̧ jalachibö, dölakwabikwawelö labebitjö, —jö̧ba̧lö.

1 Reyes 22:35

Ja̧ möle baledibanö, 'diinö tjölakwabikwawinobe israel jojodöbi, siria jojodöbi, ja̧danö siria jojodö tjö̧jemi badeibö, la'aka luwo̧ Acabma iteaka kolukanö öwinobe. Acab ömöayedöma tjuluwo̧nö tjöbeba̧lö tjöwaninobe, meapji jö̧ba̧lö, ja̧danö jobe wanö, 'bötjökwe ökwösobu ku̧kwobetjö, ökwösobu okwinobe koluka okwa, ja̧danö yi̧ibena jenanö, ö'wö baibinobe Acabma.

2 Reyes 10:4

Iwȩyudiawö̧, jwiinö yetjaibinobe Samaria jojodöma, ja̧danö yötja̧lakwawinobe, —Ayö, du̧ju̧taja la'aka luwedö Jorambi, Ocoziasbi ite Jehu öba a'o tjö̧jobö jwibinadö, jo̧ba öba a'o ö'wö batjibinobe. Jobekwö baledinobema, ökwödöma dakwö öba a'o ja̧nö dölakwabikwawobö, waekwena, —jö̧ba̧lö.

2 Reyes 10:9

Ja̧danö, ikena möle dewachenama, labebö jojodö tjöba a'o jamatö yöa̧linobe jojodönö: —Chömöledö, ökwödöma kwuluwo̧mine Joram wei̧ kabatibinöködöja, ötjödasa chuluwo̧nö katatibobö omukwatinasa, ja̧danö omukwatajo̧ jo̧banö kwabö lobinasa̧. Jo̧kwajabetjö̧ Joramnö kwabö loawama, ökwödö jawamaökö, ja̧tjö wene jwibadöja. Jo̧kwaijayonö, ötjöma bidö ju'wedö Acab itji̧munö kwabö lobinö̧kö̧sa, tida bidönö kwabö lobinama?

Proverbios 21:30

Ja̧danö, ju'wibi yötawa: Isabenö Jo̧ma ökwödö domajadenö domukwati̧ma waiso̧. Ja̧danö, ökwödö jojodöma yöda̧lena, Ökwödöma jweinö omukwatadösa̧, ja̧danö, di̧ya sulojobö jö̧ba̧lö, di̧ya otiwojobö jö̧ba̧lö waisadösa, ja̧danö, baledakwa̧ma ajayinö omukwatadösa, jö̧ba̧lö. Jobekwö domukwatijayonö Isabenö Jo̧ma ökwödö domukwati̧ öpöjöditjö̧ma weena domukwati̧danö badekwachinö waekwobö. Isabenö ¿dakwö badekwachoböda ökwödö domukwati̧danö Isabenö Jo̧ma öpöjöditjö̧ma? Badekwachokobe.

1 Tesalonicenses 5:3

Jojodö, Aaa, wene jwia, yedaboböma jwia jö̧ba̧lö tjomukwatelö ja'ötjö, juluwanö baibakobe jobadönö lȩebakwa̧ma. Jau chömöledö, ja̧ baibakwa̧ma wanedö yötawa, jitji̧nö jemakwujuma, jo̧'wo̧ söba̧lö jö̧jelö ja'ötjö, juluwanö niatibobe, ¿jö̧tö? Jejenö baibakobe jojodönö lȩebakwa̧ma, ja̧danö döibajakwa̧ma jwiakobe.