2 Reyes 9:18 - Dios Iwene

¹⁸ Weiökwe, bakwo̧ kabayunö wa̧nö ö'öakwawinobe tjichobekwö, ja̧danö tjöba a'o ichibajo̧, —La'aka luwo̧ Joramma abebö a̧ja̧kwa, –Wene jwiinö, dösölö̧jinö kwichaduwiji̧? —jö̧ba̧lö. Aebökwe, —Wene jwiinö chichojobö jö̧ba̧lö, ökwö jawamaökö, jalachibö chökömanö ichi, —jö̧ba̧lö atadinobe Jehuma. Ja̧danö ja̧ baledi̧ ödötjö edinobe teada̧lö eda̧lo̧ma, ja̧danö yöawinobe, —Wedajökwe tjöba a'o ichibajayonö, yöbawö tjebachajö̧kö̧, —jö̧ba̧lö.

2 Reyes 9:18 ပူးပေါင်းရင်းမြစ်များ

2 Reyes 9:17

Ja̧danö, Jezreel comunidadtjö, teada̧lö eda̧lo̧ma, möakanö ja̧nö eda̧linobe, ja̧danö Jehu ömöayedökwö ichobe ödötjö edinobe. Edö yöawinobe, —Ölakwabikwawadö baikwö tjichobe chedajabe, —jö̧ba̧lö. Yöawiökwe, Joramma weinobe, —Bakwo̧nö webaduwi, kabayunö wanö tjichobekwö ö'öakwawobö, ja̧danö jobadökwö ichibenama, abebö a̧ja̧kwo, –Wene jwibö, dösölö̧jinö kwichaduwiji̧? —jö̧ba̧lö.

2 Reyes 9:19

Yöawiökwe, jelo̧nöbi weinobe Joramma, ja̧danö jo̧babi abebö a̧ja̧kwinobe, —La'aka luwo̧ Joramma abebö a̧ja̧kwa, –Wene jwiinö, dösölö̧jinö kwichaduwiji̧? —jö̧ba̧lö. Aebökwe jo̧banöbi atadinobe Jehuma, —Wene jwiinö chichojobö jö̧ba̧lö, ökwö jawamaökö, jalachibö chökömanö ichi, —jö̧ba̧lö.

2 Reyes 9:22

Ja̧danö, Jehunö tjöbadekwajenama, —Jehu, wene jwiiji̧? —jö̧ba̧lö abebö a̧ja̧kwinobe Joramma. Abebö a̧ja̧kwökwe, —Wene jwibö dö̧joböma jwiobe la'akatjöda. Kwojo'do Jezabel jwaikwöda sulabenö diosböködönö ösödö jö̧jonö, ja̧danö jwaikwöda mea bobö jö̧jonö, dakwö wene jwiinö dö̧jobö? —jö̧ba̧lö atadinobe Jehuma.

2 Reyes 9:31

Ja̧danö, Jehu apjude teachenama, jo̧banö yöja̧linobe, —Ökwö kwuluwo̧nö kwabö lobo̧ Zimri, wene jwibö kwichaji̧? —jö̧ba̧lö.

Isaías 48:22

Ja̧danö ju'wibi yöawobe Isabenö Jo̧ma, —Sulabenö ja̧bö ju̧kwadöma, la'akatjöda otiwanö wene jwiinö tjö̧jökakwedö, —jö̧ba̧lö yöawobe.

Isaías 59:8

Ökwödöma wene jwiinö jojodökwö dösölö̧jinö ja̧kwawa wajwibadöja chömöledö, okobe jwiinö ja̧bö kwö̧jaduwi̧ma Dios wei̧ a̧ja̧kwökönö ja̧döja. Isabenö suli̧ waedadöja ökwödö israel jojodöma, baikwö wanedö yöta̧la: Mana kwotidaduwenama, jweinö otidökönö, wi̧su̧amada otidadöja, ja̧danö okobe deinö kwotidaduwaja̧ mananö kwebachadöma, la'akatjöda wene jwiinö otiwanö tjö̧jö̧kakwedö.

Romanos 3:17

Ja̧danö jobadö tjö̧ji̧ma, tjo̧'wo̧ söinöma jö̧ködö, sule ölakwabikwawöda ju̧kwadö.