2 Reyes 9:17 - Dios Iwene

¹⁷ Ja̧danö, Jezreel comunidadtjö, teada̧lö eda̧lo̧ma, möakanö ja̧nö eda̧linobe, ja̧danö Jehu ömöayedökwö ichobe ödötjö edinobe. Edö yöawinobe, —Ölakwabikwawadö baikwö tjichobe chedajabe, —jö̧ba̧lö. Yöawiökwe, Joramma weinobe, —Bakwo̧nö webaduwi, kabayunö wanö tjichobekwö ö'öakwawobö, ja̧danö jobadökwö ichibenama, abebö a̧ja̧kwo, –Wene jwibö, dösölö̧jinö kwichaduwiji̧? —jö̧ba̧lö.

2 Reyes 9:17 ပူးပေါင်းရင်းမြစ်များ

2 Samuel 13:34

Öpöenö kwabö lobajo̧, Absalonma ju'wedö tjitebobe döibajinobe, ja̧danö öja̧wo̧döma Jerusalenbe döbibajö tjȩwa̧jinobe. Ja̧danö, Jerusalentjö tjöbeba̧lö eda̧lo̧ma pöbamö edinobe, Joronayin comunidadbe ya̧kwawamabenö, ja̧danö ba̧jekwadö mösa'o ö'öbönö ichadönö edinobe.

2 Samuel 18:24

Jobadö ö'ötjakwawonö, Davidma comunidad apjude a'o teada̧lö ö̧binobe. Apjude dö'delataja ji̧nobe, okwasadebe, a̧petukwöchobesadebi, ja̧danö Davidma 'da̧de ö̧binobe. Ja̧danö, jejenö ö̧bonö, tjöbeba̧lö eda̧lo̧ma apjude pjeanö mö önöchinobe, edobö. Ja̧danö, edö, bakwo̧ ödötjö ö'öbakwawo̧nö edinobe, jo̧dawa'ye ö'öbakwawo̧nö.

1 Reyes 2:15

Wejökwe, —Kwöwaisa Betsabe, abönö pöe chö̧jobetjö̧, ötjöda la'aka luwo̧ batibobö ji̧nobe, ja̧danö okobe deinö israel jojodöma ötjönö tjomukwatinobe, –Adoniasda inesö la'aka luwo̧ baibakwo, –jö̧ba̧lö. Jo̧kwaijayonö, la'aka luwo̧ chö̧jo̧ jö̧ta̧lemima, chöjawo̧nöda baledajabe, Isabenö Jo̧ Dios jo̧banöda la'aka luwo̧ baibobö weinobetjö̧.

2 Reyes 7:14

Ja̧danö, yöa̧laja̧danö weinobe. Du̧ju̧taja kabayudönö wa̧nö ölakwabikwawadönö weinobe, Siria ölakabikwawa jojodönö tjisakwobö, —Isabenö deojobö jö̧ba̧lö, isakwö 'ya̧duwi, —jö̧ba̧lö.

2 Reyes 9:11

Jemi ikenama, ju'wedö iteda uluwo̧ ömöayedö ölakwabikwawa luwedö tjö̧jobekwö ȩwa̧bijinobe Jehuma, ja̧danö ichibiawö̧, abebö tja̧ja̧kwinobe: —Wene jwiiji̧? Ite o̧'wo jwibo̧ma, tajawedö ökwönö yöa̧lobö ichaja̧da? —jö̧ba̧lö. Abebö tja̧ja̧kwökwe, —Omöna. Ökwödöma kwöwaisaduwa, jo̧baja̧yo̧ yöa̧li̧ma, —jö̧ba̧lö atadinobe.

2 Reyes 9:16

Ikenama, iteaka koluka a̧ji̧bö, Jezreel comunidadbe i̧'yinobe Jehuma, Joramma jobe ö̧bibajotö jö̧ba̧lö ö̧bobetjö̧. Ja̧danö ju'wibi, Juda la'aka luwo̧ Ocoziasma Juda nijitjö ichajo̧, jobe Joramnö edö ichajo̧ ö̧jinobe.

2 Reyes 9:18

Weiökwe, bakwo̧ kabayunö wa̧nö ö'öakwawinobe tjichobekwö, ja̧danö tjöba a'o ichibajo̧, —La'aka luwo̧ Joramma abebö a̧ja̧kwa, –Wene jwiinö, dösölö̧jinö kwichaduwiji̧? —jö̧ba̧lö. Aebökwe, —Wene jwiinö chichojobö jö̧ba̧lö, ökwö jawamaökö, jalachibö chökömanö ichi, —jö̧ba̧lö atadinobe Jehuma. Ja̧danö ja̧ baledi̧ ödötjö edinobe teada̧lö eda̧lo̧ma, ja̧danö yöawinobe, —Wedajökwe tjöba a'o ichibajayonö, yöbawö tjebachajö̧kö̧, —jö̧ba̧lö.

2 Reyes 9:19

Yöawiökwe, jelo̧nöbi weinobe Joramma, ja̧danö jo̧babi abebö a̧ja̧kwinobe, —La'aka luwo̧ Joramma abebö a̧ja̧kwa, –Wene jwiinö, dösölö̧jinö kwichaduwiji̧? —jö̧ba̧lö. Aebökwe jo̧banöbi atadinobe Jehuma, —Wene jwiinö chichojobö jö̧ba̧lö, ökwö jawamaökö, jalachibö chökömanö ichi, —jö̧ba̧lö.

Isaías 56:10

Jau, wene jwiinö kwujuluwaduwobö jo̧be, israel jojojodötjö eda̧lö tjöbeba̧ladöma tjöbajale tjewawadö tjö̧jobetjö̧, ja̧danö bakobe wajwibadö tjö̧jobetjö̧. Jau, jobadöma awi̧li̧dö wi̧ibedö, luböködödanö ichejekwadö, labidö tjichiawö lutjo jö̧tja̧lijayonö, luböködö. Jau, eda̧lö tjöbeba̧lökönö, bakobe bamatö, abibö tji̧'wi̧dikwobö ösödadö.

Isaías 62:6

Chitebo comunidad Jerusalen, eda̧lö tjöbeba̧la̧dönö chujunajabe, tjöekwemi ja̧nö, Diosnö atjebakobetjö̧. Jau Jerusalen, mölebi, yö̧tebi baledibanö, wi̧inö jö̧könö, kabatökönö Diosnö abebö tjö̧jakwedö. Isabenö Jo̧ma Jerusalennö ju̧kwadönö pjaatakwa̧ jawa yöbawö ujunajabe, jo̧kwajabetjö̧ ökwödö jo̧banö abebadöma, ö'wachökönö, jwaikwöda yöbawö ujunina jawa omukwatibobö akebaduwo.

1 Samuel 16:4

Yöa̧lökwe, Isabenö Jo̧ weaja̧danö ja̧inobe Samuelma, ja̧danö 'ya̧nö, Belenbe ichibinobe. Jejenö ichibiawö̧, Belen jojodötjö luwedöma yetjaibinobe, —Wene dujuna̧liökwe ichibajena, —jö̧ba̧lö, ja̧danö tjö̧bawö Samuel ö̧jobekwö 'ya̧nö abebö tja̧ja̧kwinobe, —Wene jwiinö kwichaji̧, —jö̧ba̧lö.

1 Samuel 17:22

Ja̧danö, Davidma ichejebaja̧ kwakwawa tea teada̧lo̧ iteada̧lobö iyinobe, ja̧danö iyajo̧, öpöedö isa'banö tjö̧jobekwö ö'öbakwawö, dokwa aebinobe.