2 Reyes 8:18 - Dios Iwene

¹⁸ Ja̧danö, Yoram webö ö̧jenama, Israel la'aka luwedö sulabenö ja̧bö tjö̧jidanö ja̧bö ö̧jinobe, Acab ömöledö sulabenö ja̧bö tjö̧jidanö. Jau, Yoramma Acab itjijunö eminobe, ilekwo bajibanö, ja̧danö jobujunö emajo̧, öjaba Acab sulabenö ja̧bö ö̧jinadanö, Isabenö Jo̧ öba a'otjö sulabenö ja̧bö ö̧jinobe Yoramma.

2 Reyes 8:18 ပူးပေါင်းရင်းမြစ်များ

1 Reyes 21:25

Isabenö jwaikwöda sulabenö ja̧bö ji̧na Acabma. Jo̧batjö ajayinö ji̧nadö la'aka luwedötjö bajalekwönönö jwaikwöda Isabenö Jo̧ öpöjödi̧ jawa ja̧obö isakwinobe. Ilekwo Jezabelma tupakwönönö sulabenö ja̧obö webö jö̧jinobe, ja̧danö weji̧danö jwaikwöda sulabenö ja̧bö ö̧jinobe Acabma.

1 Reyes 22:44

Ja̧danö, Josafatma israel la'aka luwo̧kwö ölakwabikwawökönö, wene jwiinö ö̧jinobe.

2 Reyes 16:3

Acaz ja̧bö ö̧jinama, israel la'aka luwedö sulabenö ja̧bö tjö̧ji̧danö ja̧bö ö̧jinobe. Isabenö jwiinö sulabenö ja̧inobe Acazma. Israel nijinö ajayinö ji̧nadö, Israel jojodö tjöba a'otjö Isabenö Jo̧ a'dewö loinawö̧ma, idöda tji̧tji̧munö kwabö juwö iyiatjinobe, ja̧danö jobadö sulabenö ja̧tji̧nadanö, Acazbi o̧'wo jawa ösödö, iteda i̧tji̧nö kwabö juwö iyinobe.

2 Reyes 21:13

Jau, kwöwaisa Samaria comunidadbi, israel la'aka luwo̧ Acab ömöledönöbi söbebö lotjakwa̧ omudawö chujuninama. Ja̧ söbebö lotjakwa̧ma, teada̧lönö ba̧ja̧dö chedijatö, bakobe söbebö lotjakobetjö̧, jö̧tö? Ja̧danö, jobekwö Jerusalen comunidad söbebö lotjakwa̧bi teada̧lönö ba̧ja̧dö chedajabe, ja̧danö Jerusalen comunidad baledakwa̧ baikwö wanedö yötawa: Jojo deja'do̧ okwa ji̧ 'do̧bö lobajo̧, mu'dudö ujuni̧danö, Jeruselen comunidad ju̧kwadönö söbebö lotjobö wetocha.

2 Reyes 21:3

Jau, isabenö sulabenö ja̧bö ö̧jinobe Manasesma, baikwö laebobe sulabenö ja̧bö ö̧jina jawama: Abe'do Ezequias möemitenia otiwanö söbebö loinajayonö, ja̧ söbebö loinemi yemidanö otidinobe Manasesma. Ja̧danö ju'wibi, Israel la'aka luwo̧ Acab sulabenö ja̧inadanö, Manasesbi Baal ötjabökwenö ösödö iyawemibiya otidö ujuninobe, ja̧danö Asera ötjaboko jo̧'wo jawa otidö ujuninobe. Ju'wibi okobe deinö mölȩjȩnö löjadönö bȩbachibö ösödinobe, —Chösödawö̧ chuluwedöja, —jö̧ba̧lö.

2 Reyes 8:26

Ocoziasma veintidos o̧biya juna̧lo̧ la'aka luwo̧ baibinobe, ja̧danö o̧ba bakwaba Jerusalen comunidadtjö webö ö̧jinobe. Jo̧ba Ocozias ojo'doma, Atalia mikwuju, israel la'aka luwo̧mine Omri ö̧'du̧ju.

2 Reyes 8:27

Ja̧danö, Acab yö̧ne ömöledöso̧ ö̧jobema, Ocoziasbi Acab sulabenö ja̧bö ö̧jinadanö, Isabenö Jo̧ öba a'otjö sulabenö ja̧bö ö̧jinobe.