2 Reyes 7:9 - Dios Iwene

⁹ Jemi ikenama yötja̧lakwawinobe, —Bejenö ja̧di̧ma otiwökö. Babe mölema, otiwa jawa wene ji̧ möle, isabenö ju'wedönöbi yödawobö jo̧be. Wi̧inö ja̧nö, yȩayi dewachenanö baibanö diteada̧litjö̧ma, isabenö Dios lȩebena. Jo̧kwajabetjö̧, juluwanö a̧la̧ibö yödawaduwo, israel la'aka luwo̧ ömöledönö, —jö̧ba̧lö.

2 Reyes 7:9 ပူးပေါင်းရင်းမြစ်များ

2 Reyes 5:4

Jobekwö yöja̧liökwe, Namaanma uluwo̧ inesö la'aka luwo̧ ö̧jobekwö ichibö yöawinobe, —Israel jojosujuma baikwö yöjawajabe, —jö̧ba̧lö.

2 Reyes 7:10

Jo̧kwajabetjö̧ a̧la̧ibö, comunidad apjude teada̧lo̧ ö̧jobekwö tji̧'yinobe, ja̧danö jo̧banö jwöbö yötjawinobe, —Siria jojodö tjabekwobe dichibenama, bakwo̧nöbi dedökötö, ja̧danö bakwo̧nöbi da̧ja̧kwökötö. Jo̧kwaijayonö, jojodö deijayonö, kabayudönöbi, buludönöbi jobe di̧batö junawobe döbadekwatö, ja̧danö sabana'wotjö otikwejubiyama, ina jojodö tjuju̧kwobedanö döbadekwatö, —jö̧ba̧lö.

2 Reyes 7:3

Ja̧ möle ö'wejemubedö lepratjö 'dö̧bachadöma tju̧ju̧kwinobe, Samaria apjude a'o. Ja̧danö, jobe ba̧nö yötja̧lakwawinobe: —Tajawedö benada ba̧nö, a̧wi̧chitjö ö'wö badibobö? Jelobekwö ladebo, dö̧jibakobetjö̧.

2 Reyes 7:6

Ja̧ jojodö deobe labebö loawama baikwö laebobe: Isabenö Jo̧ma weinobe, Siria ölakwabikwawa jojodö ju'wedö ölakwabikwawa jojodö tjichobe tja̧ja̧kwobö, kolukiyakwöbi, kabayudökwöbi, inesö ba̧jȩkwaso ölakwabikwawa jojodö tjichobema. Jobekwö a̧ja̧kwö, yötja̧lakwawinobe idödada: —Ayö, Israel la'aka luwo̧ma imidajabe, hitita jojodötjö la'aka luwedönöbi, Egipto la'aka luwo̧nöbi, ökwödönö metjibakobetjö̧, —jö̧ba̧lö.

2 Reyes 7:8

Jo̧kwajabetjö̧, lepra 'dö̧bachadö tjabekwobe ö'öbö tjichibenama, bakweju sabana'wotjö otikweju okwa tebachö, kwanöbi tjukwinobe, ja̧danö owöbi tjowinobe. Jemi ikenama, plata jawabi, oro jawabi, kamiji̧do̧bi tje'ewinobe, ja̧danö tojö tjujuninobe. Ikenama, jeleju okwa tebachö, jobe ji̧bi tje'ewinobe, ja̧danö ja̧bi tojö tjujuninobe.

Proverbios 24:16

Ja̧danö chitji̧, yötawakwö: Ökwöma otiwanö omukwatadö tjö̧ji̧danö kwö̧jo. Wanedö yötawakwö: Otiwanö omukwatadöma yemidanö yemidanöbi, jelemutjö dötölatajanö metjijayonö ba̧kwȩlö̧jatebö tja̧laiba̧lakwedö. Ja̧ jö̧ba̧löma, labi jawa jobadönö baledijayonö katjatibökakobe, jwaikwöda tji̧'yakwedö, wanekwachobe. Jobekwö baledokobe sulabenö ja̧badö metjena. Sulabenö ja̧badöma metjena yemidanöma ala̧iböködö, tjujulu jwitjobetjö̧. Ja̧ jö̧ba̧löma, labi̧ jawa sulabenö ja̧badönö baledena juluwanö söbekwö lotjakwedö jö̧ba̧lö wanekwachobe.

Isaías 41:27

Ötjödasa ja̧ baledakwa̧ yöbawinama, ötjöda Sion mösa'onö ju̧kwadönö yötawijatö, —Babeda tjichiba, —jö̧ba̧lö. Ja̧danö ötjöda Jerusalennö ju̧kwadönö yöbawo̧nö webo̧sa, otiwa jawa wene yöawobö.

Isaías 52:7

Ayö, otiwa jawa wene yötjawakwedö tjichi̧ma jwiinö otiwobe, mösa'ijutjö tjömasapiya edö, —Jwiinö otiwobe, —jö̧ba̧lö edadösa. Jau, wene jwiinö dö̧jakwa̧ wene yöbawö ichadö, do̧'wo ösöwachibanö ja̧kwawa jawa yöbawö ichadö, otiwanö dö̧ji̧bakwa̧ jawa yöbawö ichadönö edö ösödadösa. Jau, Sion mösa'o ju̧kwadönö yöbawadö, —Kwuluwo̧ Diosma webö jo̧, —jö̧ba̧lö, ja̧danö ja̧ wene yöbawadö tjichi̧ma do̧'wo ösöwachibanö edadösa.

Lucas 2:10

Jo̧kwaijayonö, jejenö yetjaibiökwe, ángelma jobadönö yöawinobe otiwanö pjabatö: —Yebabökönaduwi. Ötjöma otiwa jawa wene ökwödönö yöbawö chichajabe. Ja̧ wenema okobe deinö jojodö tjo̧'wo̧ ösöwachibobö ji̧ wene,

Filipenses 2:4

Ja̧danö, kwömöledöduwinö kwomukwataduwo, jobadönö pjakataduwobö. Jau chömöledö, sule ökwödöda jawama omukwatökönaduwi, ju'wedönöbi kwomukwataduwo, jobadönö pjakataduwobö.