2 Reyes 7:6 - Dios Iwene

⁶ Ja̧ jojodö deobe labebö loawama baikwö laebobe: Isabenö Jo̧ma weinobe, Siria ölakwabikwawa jojodö ju'wedö ölakwabikwawa jojodö tjichobe tja̧ja̧kwobö, kolukiyakwöbi, kabayudökwöbi, inesö ba̧jȩkwaso ölakwabikwawa jojodö tjichobema. Jobekwö a̧ja̧kwö, yötja̧lakwawinobe idödada: —Ayö, Israel la'aka luwo̧ma imidajabe, hitita jojodötjö la'aka luwedönöbi, Egipto la'aka luwo̧nöbi, ökwödönö metjibakobetjö̧, —jö̧ba̧lö.

2 Reyes 7:6 ပူးပေါင်းရင်းမြစ်များ

2 Samuel 10:6

Amonitas jojodöma tjöwaisachibinobe, —Ayö, ömöayedönö sulabenö ja̧diökwe, Davidma jwiinö ökwödönö öpöjödachibajabe, ökwödönö lȩbebö ölakwabikwawö ichakobe, —jö̧ba̧lö. Jejenö omukwatö, ju'wedönö wetjinobe Siria luwedönö tjimidobö, tjömöayedö ölakwabikwawa jojodö pjatjatobö. Ja̧danö, tjimidawö̧, ba̧jȩkwadö Siria jojodöma pjabatö tji̧'yinobe, Bet Rejob nijitjöbi Soba nijitjöbi, veinte mil jenanö ölakwabikwawa jojodö tji̧'yinobe, ja̧danö Maca niji la'aka luwo̧ma, ömöayedö milbedökwö i̧'yinobe, ja̧danö Tob nijitjö, doce milbedö tji̧'yinobe, amonitas jojodönö pjatjatobö, David jobadönö ujuluwapji jö̧ba̧lö.

2 Samuel 5:24

Jobe ichibajo̧, kwiteada̧lo̧, balsamo towi wa̧pekwowitjö ökwöakwa̧ kwa̧ja̧kwenanö kabatö. Towi wa̧pekwowitjö, ba̧jȩkwadö ölakwabikwawadö kwetjachobedanö ökwöakobe, ja̧danö ja̧ ökwöi̧ kwa̧ja̧kwenama, jenada filisteo jojodönö mekibobö ja̧kobe, kwöwaisakobetjö̧, –Isabenö Jo̧ma ida̧ökö chabönö filisteo jojodönö kwabawö i̧'yajabe jö̧ba̧lö, —yöawinobe Isabenö Jo̧ma, Davidnö.

1 Reyes 20:20

Ja̧danö, labebajadö Siria jojodö tjö̧jobekwö ichibö metjibenama, okobe deinö bakwo̧nökwena siria jojodönö mebibö, tjöpöjojokwena kwabawö lotjinobe. Jejenö balediawö̧, ju'wedö siria jojodöma dötjibajinobe, jadanö israel jojodöma jobadönö mebibö lutjinobe. Ba̧jȩkwadö siria jojodönö kwabawö lotjinobe, jo̧kwaijayonö siria jojodötjö inesö la'aka luwo̧ Ben-adadma, ajwi kabayunö wanö, ju'wedö kabayunö wanö ölakwabikwawa jojodökwö döbibajö ö̧jibinobe.

2 Reyes 19:7

Baikwö yöta̧lakwö baledakwa̧ma: Asiria la'aka luwo̧ omukwati̧ balewö lotocha, ja̧danö ju'wedö yötja̧li̧ a̧ja̧kwobö wetocha. Ja̧danö yötja̧li̧ a̧ja̧kwajo̧, iteda itebobe ȩwa̧ja̧kwo̧. Jemi ikenama, iteda itebo nijinö ö̧jonö, ju'wedö dȩdȩbö lotjökwe ö'wö baibobö wetakwo̧sa, –jö̧ba̧lö Isabenö Jo̧ yöawi̧ yökawaduwo kwuluwo̧duwi Ezequiasnö, —jö̧ba̧lö yöawinobe Isaiasma.

2 Reyes 7:5

Jobekwö yöba̧lakwawajadö, yi̧ibena jenanö tja̧la̧ibinobe, Siria jojodö tjabekwobekwö tji̧'yobö. Ja̧danö, tjabekwobe ö'öbö tjichibenama, tjöbajale jalaka baibanö jojodö deobeda tjöbadekwajinobe.

Diosnö ösödo̧ Job mikwo̧ usula emawina jawa 15:21

Jobadöma kabatökönö yetjaibanö ökwöi̧ a̧ja̧kwadö, ja̧danö otiwanö tjö̧jemi ja'ötjö, wene jwia jö̧ba̧lö tjomukwatemi ja'ötjö, söbebö lobadö ichibö jobadönö tjujuluwobe.

Isaías 31:1

Ayö, isabenö usula tjemawakwedö, Egipto niji jojodö pjatjatakwa̧ tjo̧'wo wana̧ladöma. Jobadöma Egipto nijibe 'ya̧dö, —Isabenö otiwanö pjatjatakwedö Egipto jojodöma, —jö̧ba̧lö. Ja̧danö ju'wibi kabayudönö tjo̧'wo wana̧lö tjö̧jobe, —Egipto jojodöma nöinö ölakwabikwawa jawa kolukiya tjujuna̧lobetjö̧, ja̧danö jobadötjö kabayudönö wa̧nö ölakwabikwawadöma juluwadötjobetjö̧, dö̧jibinö pjatjatakwedö, —jö̧ba̧lö tjomukwatobe. Isabenö tjo̧'wo tjöwana̧lo jö̧tja̧lökwema, Israel jojodö tjösödökwe Sulabe Jwibo̧ Diosda. Abebö tja̧ja̧kwo jö̧tja̧lökwema, Isabenö Jo̧ Diosda, jo̧kwaijayonö jo̧banö omukwatökönö, wajwibö Egipto jojodönöda tjo̧'wo wana̧ladö, sulabenö.

Isaías 36:9

Jo̧kwaijayonö chedemi kwömöayedötjö dos milbedö kabayudönö wanö ölakwabikwawadö deobe Ezequias, jo̧kwajabetjö̧ ökwödökwö kwölakwabikwawobö juluwö̧kö̧ja. Jau, chuluwo̧ ömöayedö ölakwabikwawa luwedötjö, ju'wedötjö baikwönönö juluwö̧kö̧nöbi kwujuluwobö jwibo̧ja. Ja̧danö, –Egipto jojodöma kolukiyanö ölakwabikwawadönöbi, kabayudönö wanö ölakwabikwawa jojodönöbi wetjakwedö, –jö̧ba̧lö kwo̧'wo kwöwana̧lobö jwiobe, isabenö ökwödötjö kwö̧jibobö jwibo̧ja.

Apocalipsis 9:9

Ja̧danö, jobadö ma̧la̧ka̧yö̧ma tjomukonö 'diöse tjöeba̧lawö̧, 'bötjabikwawakwedö tjomuko tjöeba̧linö 'dutjawi̧danö. Ja̧danö, jobadöma kötja̧lenama labinö ökwöinö köba̧ladö, tjo̧wa̧ja̧pi̧yatjö ökwöi̧ma. Yelösöda, ka̧ba̧yu̧dö ba̧jekwadö 'bötjabikwawakwedö kolukiyanö a̧jadönö töbö, juluwanö ö'ötjakwawi̧ ökwöi̧danö labinö ökwöinö köba̧ladö, tjo̧wa̧ja̧pi̧yatjö ökwöi̧ma.

Jueces 7:21

Okobe deinö Gedeon ömöayedöma, mebibökönö jenada tjö̧jamatinobe, jo̧kwaijayonö okobe deinö madianitas jojodöma jwöbeba̧liabö dötjibajotö jö̧ba̧lö ö'ötjakwawinobe.

1 Samuel 14:15

Ja̧danö kwabawö lotjiawö̧, jemi filisteo tjabemi ju̧kwadöma tjö̧bawö yetjaibinobe, ja̧danö mejenö ju̧kwadöbi tjö̧tja̧winobe, ja̧danö okobe deinö filisteo jojodö yebaibö, tjö̧tja̧winobe. Filisteo tjabemi ju̧kwadöbi, tjabelö labebö Israel jojodönö tjujuluwobö 'ya̧jadöbi tjö̧bawö yetjaibinobe. Ja̧danö Diosma niji̧bi tjö̧awobö weinobe, okobe deinö filisteo jojodö jwiinö yetjaibanö, —Dakwö ja̧dakwajö, —jö̧ba̧lö.

1 Samuel 26:6

Edajo̧, Davidma ömöayo̧ heteo jojo Ahimelecnöbi, Sarvia jitji̧ Joab öjawo̧ Abisai mikwo̧nöbi yöa̧linobe, —Ökwödötjö diteda ötjökwö Saul abobe yutubajö i̧'yakwo̧ma? —jö̧ba̧lö. Aebökwe, Abisaima atadinobe, —Ötjöma ökwökwö yutubajö chi̧'yocha, —jö̧ba̧lö.