2 Reyes 6:19 - Dios Iwene

¹⁹ Ja̧danö, jobadö tjöbajale tjewawadönö yöa̧linobe Eliseoma: —Ö'öbönö kwichaduwajabe, bimanö kwichaduwoko jö̧ka̧laduwajabe, ja̧danö bemi comunidadbe kwichaduwoko jö̧ka̧laduwajabe. Jo̧kwaijayonö chökömanö kwichaduwitjö̧ma, ökwödönö ötibocha, kwisakwaduwökwe öba a'o kwichibaduwakobetjö̧, —jö̧ba̧lö. Ja̧danö, yöba̧lajo̧, jobadönö öbibö i̧'yinobe, Samaria comunidadbe.

2 Reyes 6:19 ပူးပေါင်းရင်းမြစ်များ

2 Reyes 6:18

Jemi ikenama, Siria jojodö Eliseonö metjibotö jö̧ba̧lö tjichenama, Eliseoma Isabenö Jo̧ Diosnö aebinobe: —Chuluwo̧ Isabenö Jo̧, bidö Siria jojodö tjöbajale tjewawadö batjibanö kwaköbobö atebakwö, —jö̧ba̧lö. Ja̧danö, aebökwe, Eliseo aebaja̧danö weinobe Diosma, Siria ölakwabikwawa jojodö tjöbajale tjewawinö.

2 Reyes 6:20

Ja̧danö, Samaria comunidad okwa tetjachibenama, juluwanö aebinobe Eliseoma, —Chuluwo̧ Isabenö Jo̧, babe bidö tjöbajalebiya po̧kebobö atebakwö, yemidanö otiwanö tjedakobetjö̧, —jö̧ba̧lö. Aebökwe, yemidanö tjedobö weinobe Isabenö Jo̧ma, ja̧danö edö tjöwaisachibinobe, —Ayö, Samaria comunidad ö'wejenö dö̧jobeta, —jö̧ba̧lö.

Mateo 16:24

Ikenama Jesúsma iteda öba̧ja̧di̧ waisachadönö yöawinobe: —Chömöledö, baikwö wanedö yötawa: Bakwo̧ ötjö chöba̧ja̧di̧ waisacho̧ baibobö ösöditjö̧ma, iteda ösödi̧ jawa junibö, iteda woakwa'o towisa'o kabebö, ötjö chökömanö ichobö jo̧be.

Marcos 8:34

Ikenama Jesúsma jwöbijetö okobe deinö ichajadönöbi, iteda öba̧ja̧di̧ waisachadönöbi iteda ö̧jobekwö tjichobö. Ichajadönö jö̧ba̧lijetö: —Chömöledö baikwö wanedö yötawa: Bakwo̧ ötjö chöba̧ja̧di̧ waisacho̧ baibobö ösöditjö̧ma, iteda ösödi̧ jawa junibö, iteda woakwa'o towisa'o kabebö, ötjö chökömanö e'ewobö jo̧be, Aaa, wotapji jö̧ba̧lö chi̧'yökena, jö̧ba̧lö, omukwatökönö— yöbawijetö—.

Lucas 24:16

jo̧kwaijayonö jo̧banö edö bitema Jesúsda jö̧ba̧lö tjöwaisachibapji jö̧ba̧lö jo̧banö wajwitjobö ja̧inobe Jesúsma.

Lucas 9:23

Jesúsma jojodönö yöawinobe: —Chömöledö, baikwö wanedö yötawa: Bakwo̧ ötjö chöba̧ja̧di̧ waisacho̧ baibobö ösöditjö̧ma, iteda ösödi̧ jawa junibö, iteda woakwa'o towisa'o kabebö, ötjö chökömanö e'ewobö jo̧be, Aaa, wotapji jö̧ba̧lö chi̧'yökena, jö̧ba̧lö omukwatökönö.