2 Reyes 4:8 - Dios Iwene

⁸ Ja̧danö, ju'wi möle Eliseo jelobe kwebachö i̧'yenama, Sunem comunidadbe ichibinobe. Ja̧danö, jobe ichibioko, jobe ju̧ju̧ nöinö juna̧lujuma, Eliseonö ja̧debinobe, jejutjö ukwobö. Ja̧danö, jemi ikenama, jelobekwö kwebachö, Sunem comunidadbenö öbaledenama, ba̧kwelöjatebö jejube tebachö ukwiainobe.

2 Reyes 4:8 ပူးပေါင်းရင်းမြစ်များ

Génesis 19:3

Jejenö jö̧tja̧lijayonö Lotma labinö yöa̧liawö̧, Chejube kwabaduwo tebachaduwi, jö̧ba̧lö jo̧bakwö 'ya̧nö ejube tebachijadötö ángelesdöma Lotkwö. Ikenama Lotma kwakwawa otidijetö tjukwobö, pan 'ye'yeachökönö balö. Iyajawö̧ma kwijadötö.

2 Samuel 19:32

Jo̧ba Barzilayma jwiinö pöe, ida̧ökö ochenta o̧biya ujuna̧linobe. David Majanayin comunidad ö̧jonö, nöinö pjaatinobe Davidnö, Barzilayma nöinö tea luwo̧ ö̧jinobe, ja̧danö okobe jwiinö David jwibö ö̧jinama, iteatjö 'da̧batö Davidnö iyinobe.

1 Reyes 1:3

Yötja̧liökwe, ösödinobe Davidma, jo̧kwajabetjö̧ israel niji ba̧kwemeachibanö ömöayuju bajibakwujunö tjisakwinobe, möayuju jwiinö otiwujunö tjöbadekwajobö. Jejenö isakwajadö, Sunem comunidad jojosuju Abisag mikwujunö tjöbadekwajinobe, ja̧danö badekwajadö, la'aka luwo̧ David ö̧jobekwö öbibö tjichejebinobe.

2 Reyes 4:18

Sunem jojosuju jitji̧ma öda̧peachinobe, ja̧danö ju'wi o̧ba baikwö baledinobe. Tjemu abe'doma ömöayedökwö batjo wa̧ji̧ emö otidinobe, ja̧danö tjemubi tjotidobekwö labebö i̧'yinobe.

Diosnö ösödo̧ Job mikwo̧ usula emawina jawa 1:3

Ju'wibi ba̧jȩkwadö a̧jwi̧munö ajikwinobe Jobma, obejadönö siete milbedönö ajikwinobe, ja̧danö camellodönö tres milbedönö ajikwinobe, ja̧danö pakayadönö milbedönö ajikwinobe, ja̧danö buludönö, quinientasbedö ya̧dönö ajikwinobe. Ju'wibi yelösöda ba̧jȩkwadö iteda ömöayedönö ujuna̧linobe Jobma. Okobe deinö jawo̧ laebobekwö ju̧kwadötjö, Jobda ju'wedötjö bajalekwönönö luwo̧ ö̧jinobe, isabenö nöinö ujuna̧linobetjö̧.

Diosnö ösödo̧ Job mikwo̧ usula emawina jawa 32:9

Jau chömöledö, waisanö omukwatadöma, sule damödamaökö, ja̧danö sule damödamaökö, okwa jawa waisachibajadö, otiwanö ja̧awa waisadöma, Dios o̧'wo luwo̧ ö̧ba̧jadawö̧da.

Proverbios 7:21

Ja̧danö, jobekwö obö yöja̧liökwe, ötjökwö ichi kwö̧jo, jö̧ba̧lö, möayo̧ma chi̧'yo, jö̧ba̧lö, omukwatinobe. Ja̧danö, ösödö yöja̧liökwe jo̧ba möayo̧ma jobujukwö i̧'yobö ösödinobe.

Mateo 25:17

Dos mil iyajökwebi ja̧danö, dos mil ujuna̧linatjö, waisanö otidobetjö̧ cuatro mil baibanö otidinobe.

Lucas 1:15

kwitji̧ma isabenö Dios öba a'otjö juluwo̧ ö̧jakobetjö̧. Ja̧danö, kwitji̧ma Dios wei̧da ja̧bö ö̧jakobetjö̧, la'akatjöda ubasobu o̧'dobubi, ju'wi nio ojwiyobi owöbi owökakwo̧. Ja̧danö ojo'do jukwa'wo okwa ina a̧jayi, Dios O̧'wo̧ Luwo̧ma jo̧bakwö ö̧jakobe.

Lucas 14:23

Yöawiökwe, uluwo̧ma atadinobe: Comunidad tupakwöbi isakwö 'ya̧wi, ja̧danö kwetjachama nöamabi, tebo ö'öbö la̧mabi okobe deinö kwedawö̧nöma yöbawö kwa̧debo, cheju isabenö su̧'bȩ baibakobetjö̧.

Lucas 24:29

ja̧danö jejenö ichejekwiawö̧, jo̧banö atjeba̧linobe: —Ida̧ökö möle baledibajabe, ja̧danö juluwanö yi̧ibakobe, jo̧kwajabetjö̧ tebachö ökwödökwö ja̧wi— jö̧ba̧lö. Atjebiökwe, jobadökwö ja̧nö teachinobe.

Hechos 16:15

Ikenama jobujunöbi, jobujukwö jejunö ju̧kwadönöbi ojwenö tjubu̧datijatö. Ikenama Lidiama ökwödönö jö̧ja̧lijatö: —Babema ötjönöma kwöwaisaduwa, Jesúsnö chösödi̧ma. Jejenö ötjönö otiwanö kwedaduwitjö̧ma ötjö chejunö kwuju̧kwaduwo, bemi yöbawöma— jö̧ja̧lijatö. Ikenama jobujuma jejunö duju̧kwobö jwiinö ösödö ajebitjö̧, Jau kwatjö̧ma, jö̧ba̧lö, di̧'yijatö jejube duju̧kwobö.

Josué 19:18

Isacar niji comunidadma, Jezrel comunidadbi, Quesulot comunidadbi, Sunen comunidadbi,

Jueces 19:20

Atadökwe, pöema yöa̧linobe, —Wene jwiinö kwö̧jaduwobö chösöda. Ja̧danö, ötjöma ökwödönö pjatatobö chösöda, ötjöda okobe jwiinö jwiköbaduwi̧ iyö pjatatobö chösöda. Ja̧danö bada comunidad ö'weje kwabaduwoko, chejube kwichaduwo, —jö̧ba̧lajo̧,

1 Samuel 28:4

Ja̧danö, ja̧ baledaja̧ okobe, filisteo jojodöma ko̧ko̧kwö tjichinobe, ja̧danö Sunem comunidadtjö tjabemi tjujuninobe. Ja̧danö, Saulma okobe deinö israel jojodötjö ölakwabikwawa jojodönö ko̧ko̧dö, filisteo tjö̧jemi badeibö Gilboatjö tjabemi tjujuninobe.