2 Reyes 4:37 - Dios Iwene

³⁷ Weioko, Eliseo oba a'o ichibö, nijakwö bȩbachibö jöbamatinobe, —Otiwanö pjakatajabe chuluwo̧, —jö̧ba̧lö. Jemi ikenama, jitji̧nö kabebö, jȩko̧tjö labebö je'ewinobe.

2 Reyes 4:37 ပူးပေါင်းရင်းမြစ်များ

Génesis 48:12

Ikenama Joséma i̧tji̧munö, abe'do u̧yu̧kiju yöne jamatajadönö ödökwönönö tjöjamatobö junijetö. Ikenama abe'do öba a'otjö öba nijakwö bȩbachibijetö Joséma.

1 Reyes 17:24

Jejenö iyoko yöja̧linobe Eliasnö, —Babema chöwaisa, isabenö Dios ömöayo̧ja ökwöma, ja̧danö ju'wibi chöwaisa, ökwö yökawi̧ma, Isabenö Jo̧ yöawi̧da yöbawo̧ja, —jö̧ba̧lö yöja̧linobe.

2 Reyes 2:15

Jobekwö baledi̧ tjedinobe Jericonö ju̧kwadö Dios yöawi̧ yöbawadöma, ja̧danö badeibö Eliseonö tjedenama, edö yötja̧linobe, —Aaa, ajayinö Dios ujulutjö Elias ujuna̧linama, Eliseoda ujuna̧lobe babema, —jö̧ba̧lö. Ja̧danö Eliseo ichobekwö 'ya̧wibö, öba a'o bȩbachibö tjöbamatinobe, —Duluwo̧ja, —jö̧ba̧lö.

2 Reyes 4:27

Jo̧kwaijayonö, mösa'obe, Eliseo öba a'o jichibenama, öba a'o bamatö ömasapiya do̧jatinobe, —Chuluwo̧, pjabatitjö, —jö̧ba̧lö. Jobekwö uluwo̧ ömasapiya do̧ja̧tiökwe, Giezima uluwo̧tjö 'da̧batö junö jiebotö jö̧ba̧lö ichinobe, jo̧kwaijayonö Eliseoma jo̧banö yöa̧linobe, —'Wainö ju̧ju. Bisuma jwiinö jo̧'wo tjo̧bekwö ju̧ju̧, jo̧kwaijayonö tajawedöjö jö̧ba̧lö wajwita, Isabenö Jo̧ma chöwaisapji jö̧ba̧lö tojajobetjö̧, —jö̧ba̧lö.

2 Reyes 4:36

Jobekwö balediökwe, ömöayo̧ Giezinö jwöinobe, ja̧danö weinobe, —Sunem jojosujunö jwöbi, —jö̧ba̧lö. Weökwe, jobujunö jwöinobe, ja̧danö Eliseo öba a'o jichibenama, —Kwiti̧nö kabebö emi, —jö̧ba̧lö weinobe.

Hebreos 11:35

Ja̧danö, ju'wedöbi Diosnö tjo̧'wo̧ wana̧ladö tjuju̧kwinobe, ya̧dö. Jobadö ya̧döma, Dios wobajaletjö tjeatajinawö̧ tjömöledö. Ja̧danö ju'wedöbi, ömadöma Diosnö tjo̧'wo̧ wana̧lö tjuju̧kwinobe. Jobadöma inia tjötjinö ja̧tjobö tje'ewinawö̧. Yelösöda inia tjötjinö baledinobe jobadönöma. Ja̧danö, jobadönö wetjinobe Diosnö katjatibobö, Chöpöjödökwe, jö̧ba̧lö. Ja̧danö, jejenö katjatibitjö̧ma inia tjötjoko jö̧tja̧linena. Jo̧kwaijayonö jejenöma katjatibinokobe, ju'wi möle tjö̧jakwa̧ tjomukwatobetjö̧, yemidanö tjebachajö Dioskwö ba̧kwȩlö̧jatebö tjö̧jakwa̧ möle. Ja̧danö, Diosnöma chöpöjödökwe, jö̧ba̧lö, jö̧tja̧lokobetjö̧ inia tjötjinö baledinobe, wotjenanö baibanö.