2 Reyes 4:25 - Dios Iwene

²⁵ Yöba̧laju, juluwanö ji̧'yinobe, Carmelo mösa'o, Eliseo ö̧jobekwö. Ja̧danö, jichibiökwe, ödötjö jichobe edinobe Eliseoma, ja̧danö edajo̧ ömöayo̧ Giezinö weinobe, —Edi, Sunem jojosuju dö̧jobekwö jichobeta.

2 Reyes 4:25 ပူးပေါင်းရင်းမြစ်များ

1 Reyes 18:19

—Babema baikwö wetakwö: Ötjöma Carmelo mösa'o chö̧jocha, ja̧danö kwömöayedönö weköbo, okobe deinö israel jojodönö ko̧ko̧dö, öbibö tjichejebobö chö̧jobekwö, Carmelo mösa'obe. Jadanö ju'wibi kwilekwo Jezabel jitea mesasötetjö kwadönöbi kwichejebo, tjösödökwe Baal yöawi̧ yöbawadö cuatrociento cincuentabedönöbi, tjösödoko Asera yöjawi̧ yöbawadö cuatrocientosbedönöbi, —jö̧ba̧lö weinobe Eliasma, Acabnö.

1 Reyes 18:42

Weökwe, ba'ali ukwobö, ja̧danö owobö i̧'yinobe Acabma, ja̧danö Acab ba'ali ukwonö, Eliasma Carmelo mösa'o wa̧pekwa'obe önöchinobe, ja̧danö nijinö, u̧yu̧kijunö ja̧nö, öba nijakwö, öba u̧yu̧ju̧kijunö waneba̧lö bȩachibinobe, Diosnö abebö.

2 Reyes 1:9

Jemi ikenama la'aka luwo̧ Ocoziasma iteda ömöayo̧ ölakwabikwawadö cincuentabedö tjuluwo̧nö weinobe, ömöayedönö öbibö, Eliasnö do̧batö ichejebobö. Ja̧danö weökwe, labebö öbadekwajinobe Eliasnö, mösa'o ja'yuwa'o wa̧pekwa'o bo̧nö. Jo̧banö badekwajo̧, jwöinobe: —Ökwö Dios yöawi̧ yöbawo̧, inesö la'aka luwo̧ma weobe, –Yutubajö ichi, —jö̧ba̧lö.

2 Reyes 2:25

Ja̧danö, jemi ikenama, Beteltjö labebö, Carmelo mösa'obe i̧'yinobe Eliseoma, ja̧danö jemi ikenama, bajaliyanö Samaria comunidadbe ȩwa̧jinobe.

2 Reyes 4:24

Ikenama bulu oma'anö wanawaka jöwaninobe, ja̧danö wanaju, bulu oma'anö wanö jömöayujunö wejinobe, —Juluwanö chajwinö öbibi, ja'yubebi tjo̧'omanöma di̧'yoko. Juluwanö chi̧'yobö chösöda, jo̧kwajabetjö̧ tjo̧'omanö jö̧ba̧lö wetökötjö̧ma, jwaikwöda juluwanö öbibi, —jö̧ba̧lö wejinobe.

2 Reyes 4:26

Juluwanö jö̧jobekwö ö'öbakwawi, ja̧danö ichibajo̧, abebö kwa̧ja̧kwo, –Wene jwiiji̧? Ökwöbi, kwilekwebi, kwitji̧bi, otiwanö wene jwiinö kwö̧jaduwiji̧? —jö̧ba̧lö weinobe. Weökwe, Giezi abebö a̧ja̧kwenama, —Wene jwiobe, —jö̧ba̧lö jatadinobe.

2 Reyes 4:27

Jo̧kwaijayonö, mösa'obe, Eliseo öba a'o jichibenama, öba a'o bamatö ömasapiya do̧jatinobe, —Chuluwo̧, pjabatitjö, —jö̧ba̧lö. Jobekwö uluwo̧ ömasapiya do̧ja̧tiökwe, Giezima uluwo̧tjö 'da̧batö junö jiebotö jö̧ba̧lö ichinobe, jo̧kwaijayonö Eliseoma jo̧banö yöa̧linobe, —'Wainö ju̧ju. Bisuma jwiinö jo̧'wo tjo̧bekwö ju̧ju̧, jo̧kwaijayonö tajawedöjö jö̧ba̧lö wajwita, Isabenö Jo̧ma chöwaisapji jö̧ba̧lö tojajobetjö̧, —jö̧ba̧lö.

2 Reyes 5:20

Eliseo ömöayo̧ Giezima yöa̧linobe itedada, —Chuluwo̧ Eliseoma Naaman iyi̧tjö emo jö̧a̧lajabe, midökönö jo̧ba siria jojo ȩwa̧jobö weoko jö̧a̧lajabe. Iyobö ichejebajayonö, emö̧kö̧ chuluwo̧ma. Jo̧kwaijayonö ötjöma isabenö iyi̧tjö chemakwo̧sa, Isabenö Jo̧ öba a'o, isabenö yöta̧la, ökömanö ö'öbakwawö, iyi̧tjö chemakwo̧sa, —jö̧ba̧lö.

2 Reyes 8:4

Ja̧danö, jobe ji̧'yenama, la'aka luwo̧ma Eliseo ömöayo̧ Guiezikwö yöba̧lakwawö ö̧jinobe, ja̧danö jo̧banö abebö a̧ja̧kwinobe, —Okobe jwiinö Eliseo juluwi̧ ji̧ i̧sȩbina jawa, yökawotjö, —jö̧ba̧lö abebö a̧ja̧kwinobe.

Isaías 35:2

Otiwanö nöinö o̧bubiya bo̧akobe, ba'ali junö lo̧obedanö ichejekwinö. Jojodö deajemi kököajemima, Libanö niji otiwi̧danö otiwakobe, Carmelo ötjabobebi, Saron ötjabobebi otiwanö pokwö wa̧ji̧danö otiwanö pokwakobe, ajayinö jojodö deobe kököinemima. Jobetjö Isabenö Jo̧ inesö ujuluwi̧ öwawakobe, jobetjöda öwawinö tjedakwedö, —Dösödökwe Diosma inesö dejatinö otiwo̧, —jö̧ba̧lö.