2 Reyes 4:24 - Dios Iwene

²⁴ Ikenama bulu oma'anö wanawaka jöwaninobe, ja̧danö wanaju, bulu oma'anö wanö jömöayujunö wejinobe, —Juluwanö chajwinö öbibi, ja'yubebi tjo̧'omanöma di̧'yoko. Juluwanö chi̧'yobö chösöda, jo̧kwajabetjö̧ tjo̧'omanö jö̧ba̧lö wetökötjö̧ma, jwaikwöda juluwanö öbibi, —jö̧ba̧lö wejinobe.

2 Reyes 4:24 ပူးပေါင်းရင်းမြစ်များ

Génesis 22:3

Jejenö weajökwe ju'wi dewachö Abrahamma wilubö, a̧laibö imi pabijetö, Diosnö ösödö iyö ujuwakwa̧. Pabajo̧ bulu oma'anö wanabijetö imima. Wanabijo̧ itji̧ Isaacnö, ömöayedö du̧ju̧tajanöbi labeibö öbibö 'yi̧jetö Dios weajobekwö 'ya̧nö.

1 Reyes 13:13

Tji̧sebökwe, itjimunö weinobe, —Chajwi bulo oma'anö, wa̧kwawaka kwöwanaduwo, jo̧ba ökömanö lubö chi̧'yakobetjö̧, —jö̧ba̧lö. Weajawö̧, wanawaka tjöwaninobe ajwi oma'anö, jadanö tjöwanajö̧kwe oma'anö wamatö,

1 Reyes 13:23

Jemi ikenama, Juda nijitjö ichajo̧ Dios yöawi̧ yöbawo̧ kwanö kaatibenama, ajwi bulu oma'anö wanawaka öwaninobe, ajwinö wanö ȩwa̧jakobetjö̧.

2 Reyes 4:23

Yöja̧lökwe, —tajawedö jo̧ba ö̧jobekwö kwi̧'yobö chilekwo? Babema otikwökö mölemaökö, ja̧danö ju'wibi yö̧te jawo̧ 'yabayo̧ jawa ba'ali mölemaökö. Tajawedö ö̧jobekwö kwi̧'yobö, wene jo̧beji̧? —jö̧ba̧lö abebö a̧ja̧kwoko, —Wene jwia, —jö̧ba̧lö jatadinobe.

2 Reyes 4:25

Yöba̧laju, juluwanö ji̧'yinobe, Carmelo mösa'o, Eliseo ö̧jobekwö. Ja̧danö, jichibiökwe, ödötjö jichobe edinobe Eliseoma, ja̧danö edajo̧ ömöayo̧ Giezinö weinobe, —Edi, Sunem jojosuju dö̧jobekwö jichobeta.

Éxodo 4:20

Jo̧kwaobetjö̧ Moisésma ilekwonö, i̧tji̧munö bu̧lu̧dö tjoma'a wamenö wanibö öbibö ȩwa̧jijetö Egiptobe. Ja̧danö, otokwa'o, Dios, do̧balö kwi̧'yo, jö̧ba̧lö weina'o ömamunö do̧ba̧lö ȩwa̧jijetö Moisésma.