2 Reyes 4:16 - Dios Iwene

¹⁶ Jichibiökwe, —Jojosuju, makösaba, babedajayenö, ökwö kwitji̧nö wo̧ba̧lö do̧ka̧lakwujuja, —jö̧ba̧lö yöawinobe Eliseoma. Yöawioko, —Ayö chuluwo̧ Dios yöawi̧ yöbawo̧, jobekwö chujuna̧lobö jwiena ichejekwa, jobekwö chösödachibanö omöna yökawoko, jweinöda yöbawitjö, —jö̧ba̧lö.

2 Reyes 4:16 ပူးပေါင်းရင်းမြစ်များ

Génesis 17:21

Jo̧kwaijayonö kwitji̧ Isaacnö, ja̧danö Isaactjö tupadanö jojodönöbi chiwene yöbawö chujunina badekwachinö dösölö̧jinö edö pjatatakwo̧sa. Abraham, yötawakwö, ju'wi o̧ba babedajayena Sarama jo̧banöma jemakobe— yöbawijetö Diosma Abrahamnöma.

Génesis 18:10

Ja̧danö jobadötjö bakwo̧ yöbawijetö: —Abraham. Isabenö, babedajayena ju'wi o̧banö yemidanö chichocha. Chichenama kwilekwo Sarama ida̧ökö jitji̧nö jujuna̧lakobe— yöbawijetö. Ja̧danö, Sarama apjude okwakwöchobe, yö̧ne ja̧nö jo̧ba yöawi̧ma a̧ja̧kwa̧lijotö.

1 Reyes 17:18

Jejenö ö'wö baibioko, Eliasnö yöja̧linobe, —Ökwö Dios ömöayo̧ma, tajawedö ötjönö suli̧ kwöwaedaja̧da? Sulabenö ja̧tinobetjö̧, ja̧ sulabenö ja̧tina i̧sȩbö, ötjönö lȩbebö chitji̧ ö'wö baibobö weköbaji̧? —jö̧ba̧lö.

1 Reyes 17:24

Jejenö iyoko yöja̧linobe Eliasnö, —Babema chöwaisa, isabenö Dios ömöayo̧ja ökwöma, ja̧danö ju'wibi chöwaisa, ökwö yökawi̧ma, Isabenö Jo̧ yöawi̧da yöbawo̧ja, —jö̧ba̧lö yöja̧linobe.

1 Reyes 18:9

Jejenö weökwe, jwiinö yeabinobe Abdiasma, ja̧danö yebabinö jö̧a̧linobe Eliasnö: —Chuluwo̧ Elias, tajawedö ötjönö suli̧ kwöwaedotö jö̧ba̧lö, Acabnö jejenö yötawobö weköbökwesa? Ju'wi jaye sulabenö ja̧tiökwe, chuluwo̧ Acab ötjönö kwabö loobö kwisakwobeji̧?

2 Reyes 2:19

Ja̧danö, Jerico comunidad jojodöma Eliseonö yötja̧linobe, —Duluwo̧ Eliseo, kwöwaisa, wamenö bemi comunidadma, otiwobe ja̧dösa, jö̧tö? Jo̧kwaijayonö, wamenö otiwobe ichejekwijayonö, bemi ojwese'dotjö, ojwiyo sulobuda welachobe, ja̧danö sulobuda dowobetjö̧, bemi nijinö ju̧kwadöma di̧tji̧munö emöködösa, —jö̧ba̧lö yötja̧linobe.

2 Reyes 4:15

Yöawökwe, —Jwöbijö, chöba a'o jichibobö, —jö̧ba̧lö weinobe. Ja̧danö, jwöoko, ichö, apjude a'o jöjamatinobe.

2 Reyes 4:17

Ja̧danö, Eliseo yöawaja̧danö baledinobe, ja'yubenö lekwajabetjö metu'wo bajibinobe, ja̧danö ikenasaba, o̧ba baibena jenanö, jitji̧nö jeminobe.

2 Reyes 4:28

Ikenama Eliseonö yöja̧linobe, —Chuluwo̧, ökwönö atebijökötö, chi̧tji̧nö chujuna̧lobö, jö̧tö? Ja̧danö, chitji̧nö chujuna̧lakwa̧ yökawenama, omöna yöba̧lökönuitjö, jö̧ba̧lö chatadijatö, jö̧tö? Ötjöwe! —jö̧ba̧lö yöja̧linobe.

Lucas 1:13

Jejenö yeabiökwe, ángelma jo̧banö yöawinobe: —Yebabökönuwi Zacarías, akebiökwe Diosma isabenö akebi̧ a̧ja̧kwinobetjö̧. Ja̧danö, akebi̧danö kwilekwo Elisabetma kwitji̧nö jemakobe, ja̧danö kwitji̧nö Juan jö̧ba̧lö kwimidakobe.