2 Reyes 3:7 - Dios Iwene

⁷ Ja̧danö ju'wibi yöawi̧ yöbawadönö weinobe, Juda niji la'aka luwo̧ Josafat mikwo̧nö yötja̧lobö, baikwö: —Chömöledöso̧ Josafat, Moab niji la'aka luwo̧ma weti̧ a̧ja̧kwökönö kaatibajabe. Jo̧kwajabetjö̧, jo̧banö chujuluwobö ölakwabikwawö chi̧'yakwo̧sa, ökwöbi ichö chujuluwobö pjakatakwaji̧? —jö̧ba̧lö. Aebökwe, —Jau chömöledöso̧, ökwöbi ötjöbi bakwaibedösa, ja̧danö chömöledöbi, ökwö kwömöledöbi bakwaibedö, ja̧danö chajwimu kabayudöbi, kwajwimu kabayudöbi bakwaibedö, isabenö bakwaibedö ja̧nö, ökwönö pjadatakwedösa, —jö̧ba̧lö atadinobe Josafatma.

2 Reyes 3:7 ပူးပေါင်းရင်းမြစ်များ

1 Reyes 22:4

Ja̧danö, Josafatnö abebö a̧ja̧kwinobe Acabma: —Ramot Galaad comunidadbe mebibö chi̧'yenama, ökwöbi pjabatö kwichakwa̧ji̧? —jö̧ba̧lö. Abebö a̧ja̧kwökwe, Josafatma israel la'aka luwo̧ Acabnö atadinobe, —Jau, isabenö pjatatocha, ökwöbi ötjöbi bakwaibedösa, ja̧danö ötjö chömöayedöbi, ökwö kwömöayedöbi baikwaibedö, ja̧danö chajwi̧mu kabayudöbi, kwajwimu kabayudöbi bakwaibedö, isabenö ökwönö pjatatakwo̧sa chömöledöso̧, —jö̧ba̧lö atadinobe.

2 Reyes 13:20

Jemi ikenama ö'wö baibinobe Eliseoma, ja̧danö ö'wö babibajo̧nö tjo̧tjinobe. Ja̧danö, jo̧banö tjo̧tjaja̧ ikena baledina jawa, baikwö laebobe. O̧ba bakwabakwena, o̧ba baibenama, Moabitas jojodötjö 'dölanö ölakabikwawadöma israel nijibe ichibiatjinobe, israel jojodö tjitea tjö̧naukwobö.

2 Reyes 3:6

Jobekwö kaatibiökwe, Samaria comunidadtjö labebö, okobe deinö israel niji ölakwabikwawadönö o̧ko̧kodinobe Joramma, Moab niji jojodökwö tjölakwabikwawakobetjö̧.

2 Reyes 3:8

Ja̧danö ju'wibi abebö a̧ja̧kwinobe Josafatma, —Moab nijibe di̧'yenama, dima mananö di̧'yakwada, —jö̧ba̧lö. Aebökwe, —Edom niji jojodö deobe baledö kwedachakwedösa, —jö̧ba̧lö atadinobe Joramma.

2 Reyes 3:9

Ja̧danö, jobekwö yöba̧lakwawajadö, Israel niji la'aka luwo̧ Jorambi, Juda niji la'aka luwo̧ Josafatbi, Edom niji la'aka luwo̧bi bakobe tji̧'yinobe, Moab nijibema. Ja̧danö, jwaibalawa söpödö, jelemutjö dötölataja möle kwetjachaja̧ ikenama, ojwiyo 'dö̧tjekwajinobe, tjömöayedö ölakwabikwawadö tjowakwa̧bi, tjajwimu tjökömanö ichadö tjowakwa̧bi.