Jobekwö laebobe Dios yöawi̧ yöbawo̧ Jeroboannö lȩbebö yöawina wenema. Jo̧kwaijayonö, jweinö yöawinajayonö, a̧ja̧kwinokobe Jeroboanma, ina jwaikwöda sulabenö ja̧bö ö̧jinobe. Dios weina a̧ja̧kwökönö, jo̧kwadabedönö Diostjö jojodötjö ö'weje pjabatadö batjibanö ujuninobe, okobe deinö ö'weje pjabatadö batjibobö jö̧ba̧ladönö 'da̧batö ujuninobe, möemiteniatjö kwabö juwö Diosnö tjiyobö. Jwiinö sulabenö ja̧inobe Jeroboanma, Dios wei̧ a̧ja̧kwökönö.
2 Reyes 3:3 - Dios Iwene3 Jo̧kwaijayonö, Baalnö ösödakwawa kaatibinajayonö, ajayinö ji̧na Israel la'aka luwo̧ Jeroboan mikwo̧ sulabenö ja̧bö ö̧jinadanö ja̧bö ö̧jinobe. Jeroboanma pakayadö o̧'wo jawa otidajo̧, israel jojodönö sulabenö weinobe, —Bidöma dösödawö̧ diosbedö, —jö̧ba̧lö jobadönö tjösödobö, ja̧danö ja̧ ösödakwawa kabatibökönö, Jorambi jwaikwöda Jeroboan sulabenö ja̧bö ö̧jinadanö ja̧bö ö̧jinobe. အခန်းကိုကြည့်ပါ။ |
2 Reyes 3:3
20 ပူးပေါင်းရင်းမြစ်များ
Jau jojosuju, kwilekwe Jeroboan sulabenö ja̧iökwe, jobekwö lȩebakobe Diosma israel jojodönö, kwilekwe isabenö jwiinö sulabenö ja̧inobetjö̧. Kwilekwe Jeroboanma Dios weökö jawa sulabenö ja̧inobe, ja̧danö ju'wibi iteda sulabenö ja̧aja̧danö ju'wedö israel jojodönöbi sulabenö Dios weökö jawa sulabenö ja̧tjobö weinobe, ja̧danö jejenö sulabenö ja̧tjiökwe, israel jojodönö le'dedö loakobe Isabenö Jo̧ma, —jö̧ba̧lö yöawinobe Ahiasma, Jeroboan ilekwonöma.
Jo̧ba ja̧bö ö̧jinadanö ja̧bö kwö̧jo jö̧ka̧linobe Jeroboan, jo̧kwaijayonö jejenö ja̧bökönö, jwaikwöda sulabenö ja̧köbajabe, okobe deinö ökwötjö ajayinö ji̧nadötjö bajalekwönönö jwiinö sulabenö jabo̧ja. Jau Jeroboan, ötjönö öpöjödö, kwösödakwawö̧nö kwotidinobe, 'dii jawatjö o̧'wo jawa kwösödakwawö̧nö kwotidajabe, ja̧danö jejenö ja̧bö chödameakwinö ja̧köbajabe.
Jeroboan sulabenö ja̧i̧nadanö sulabenö jainobe Acabma, jo̧kwaijayonö ja̧damaökö, jemi bajalekwönönö jwiinö sulabenö jainobe Acabma, Jeroboan sulabenö jainama, sule ja'yubeda sulabenö jainobedanö ichejekwenanö baibanö. Baikwö laebobe Acab inesö sulabenö jaina wenema: Acabma sidonio jojodötjö la'aka luwo̧ Et Baal mikwo̧ itjiju Jezabel mikwujunö eminobe, ja̧danö jobujunö emajo̧, Acabma o̧'wo jawa tjösödökwe Baal wei̧ ja̧bö ö̧jobö isakwinobe, ja̧danö Baalnö bȩbachibö ösödinobe.
Joacazma Isabenö Jo̧ öba a'otjö sulabenö ja̧bö ö̧jinobe, ja̧danö Jeroboan sulabenö ja̧bö ö̧jinadanö, Joacazbi sulabenö ja̧inobe. Jeroboanma sulabenö o̧'wo jawa otidajo̧, israel jojodö otidajawö̧nö tjösödobö weinobe, ja̧danö Joacazbi Jeroboan otidinawö̧nö kabatibökönö, bakwainö israel jojodö sulabenö ja̧tjobö weinobe.
Jo̧kwaijayonö, jobekwö otiwanö israel jojodönö pjaatinajayonö, Jeroboan sulabenö otidinawö o̧'wo jawa katjatibinokobe. Ajayinö, Jeroboanma israel jojodönö sulabenö weinobe, otidinawö̧ o̧'wo jawa tjösödobö, ja̧danö jwaikwöda jobadönö ösödö tjö̧jinobe israel jojodöma. Ja̧danö, ju'wibi Asera ötjaboko jo̧'wo jawa Samarianö ju̧junö söbebö lotjinokobe, ja̧danö jemi tupakwö Asera jo̧'wo jawama ina Samaria comunidadnö jö̧jobö sulabenö wetjinobe.
Isabenö Jo̧ öba a'otjö sulabenö ja̧bö ö̧jinobe Jeroboanma, ajayinö ji̧na Jeroboan o̧'wo jawa otidinawö̧nö kabatibökönö. Ajayinö ji̧na Jeroboanma sulabenö o̧'wo jawa otidajo̧, israel jojodö otidajawö̧nö tjösödobö weinobe, ja̧danö Yoas itji̧ Jeroboanma, jwaikwöda ajayinö ji̧na Jeroboan otidinawö̧nö sulabenö ösödö ö̧jinobe.
Mahanemma Isabenö Jo̧ öba a'otjö sulabenö ja̧bö ö̧jinobe, ja̧danö Jeroboan sulabenö ja̧bö ö̧jinadanö, Mahanembi sulabenö ja̧inobe. Jeroboanma sulabenö o̧'wo jawa otidajo̧, israel jojodö otidajawö̧nö tjösödobö weinobe, ja̧danö ö̧jemi baledibanö, Mahanembi Jeroboan otidinawö̧nö kabatibökönö, bakwainö israel jojodö sulabenö ja̧tjobö weinobe.
Ja̧danö, a'dödö sulabenö Isabenö Jo̧ öpöjödi̧ jawa sulabenö ja̧bö tjö̧jinadanö, Zacariasbi sulabenö Isabenö Jo̧ öpöjödi̧ jawa ja̧bö ö̧jinobe, ajayinö ji̧na Jeroboan o̧'wo jawa otidinawö̧nö kabatibökönö. Jeroboanma sulabenö o̧'wo jawa otidajo̧, israel jojodö otidajawö̧nö tjösödobö weinobe, ja̧danö Zacariasma jwaikwöda Jeroboan otidinawö̧nö sulabenö ösödö ö̧jinobe.
Ajayinö israel sasoteniatjö domulataja jawa oso David ömöledö tjujulutjö Dios 'yebö loenama, jobadö domulataja jawa oso jojodöma Nebat itji̧ Jeroboannö tjujuninobe, idöda tjuluwo̧ inesö la'aka luwo̧ baibanö. Ja̧danö Israel la'aka luwo̧ babibajo̧, ömöayedö israel jojodönö Isabenö Jo̧ ö̧jelö 'da̧bachibö tji̧'yobö weinobe, ja̧danö inesö sulabenö ja̧awa ja̧tjobö weinobe.
bajaliyanö Isabenö Jo̧ma iteda ö̧jelö israel jojodönö a'dewö loenanö baibanö. Ja̧ a'dewö loinama, ajayinö Isabenö Jo̧ yöawinadanö badekwachinobe. Isabenö Jo̧ yöawi̧ yöbawadöma yötjawinobe, a̧jakwökönö tjö̧jitjö̧ma Dios a'dewö loakwa̧ wenema, ja̧danö yöawinadanö Israel jojodönö idöda tjitebotjö a'dewö loinobe, ja̧danö babe mölebi baibanö, ina Asiria nijinö tju̧ju̧kwobe.
Isabenö jwiinö sulabenö ja̧bö ö̧jinobe Manasesma. Manasesma sulabenö webö öibinobe Juda jojodönö, tjösödo jö̧tja̧lökwe Isabenö Jo̧ öba a'o sulabenö ja̧tjobö, jo̧kwaijayonö ja̧damaökö. Ju'wi sulabenö ja̧aja̧tjö bajalekwönönö, ju'wibi ba̧jȩkwadö wene jwibadönö kwabawö loinobe, Jerusalen comunidad ba̧kwemeachibanö tjökwösobu ku̧kwö isuwenanö baibanö.
Ju'wibi ajayinö ji̧na, Israel la'aka luwo̧ Jeroboan, ömöayedö israel jojodö sulabenö ja̧tjobö öbibina Betel comunidadtjö otidina iyawemi söbebö loinobe Josiasma. Ja̧ inawatjö otikwemi iyawemi pjolö loinobe, ja̧danö inawiya 'dobö, i̧so̧pja baibanö 'dobö loinobe, ja̧danö Asera jo̧'wo jawa juwö loinobe.
ကြော်ငြာတွေ