2 Reyes 3:13 - Dios Iwene

¹³ Jobekwö tjichibiökwe, Eliseoma Israel la'aka luwo̧ Joramnö yöa̧linobe: —Ökwödöma bakwaiböködösa, ötjöma Diosnö ösödo̧ chö̧jonö, ökwöma ju'wedönö ösödo̧ja. Jo̧kwajabetjö ötjönö abebö a̧ja̧kwökönö, kwabe'do ja̧danö kwojo'do abebö tja̧ja̧kwinawö̧, tjösödawö̧ yötjawi̧ yöbawadönö abebö kwa̧ja̧kwo, —jö̧ba̧lö. Yöa̧liökwe, —Ja̧maökö Eliseo, Isabenö Jo̧ Diosda ökwödönö ko̧ko̧dö jwöbina, baikwö dichibanö iyö loobö, Moab la'aka luwo̧ ökwödönö ujuluwakobetjö̧. Ja̧danö jo̧bada ökwödönö iyö loobetjö̧, jo̧ba yöawi̧ abebö da̧ja̧kwakwö, —jö̧ba̧lö atadinobe Israel luwo̧ Joramma.

2 Reyes 3:13 ပူးပေါင်းရင်းမြစ်များ

1 Reyes 17:18

Jejenö ö'wö baibioko, Eliasnö yöja̧linobe, —Ökwö Dios ömöayo̧ma, tajawedö ötjönö suli̧ kwöwaedaja̧da? Sulabenö ja̧tinobetjö̧, ja̧ sulabenö ja̧tina i̧sȩbö, ötjönö lȩbebö chitji̧ ö'wö baibobö weköbaji̧? —jö̧ba̧lö.

1 Reyes 18:19

—Babema baikwö wetakwö: Ötjöma Carmelo mösa'o chö̧jocha, ja̧danö kwömöayedönö weköbo, okobe deinö israel jojodönö ko̧ko̧dö, öbibö tjichejebobö chö̧jobekwö, Carmelo mösa'obe. Jadanö ju'wibi kwilekwo Jezabel jitea mesasötetjö kwadönöbi kwichejebo, tjösödökwe Baal yöawi̧ yöbawadö cuatrociento cincuentabedönöbi, tjösödoko Asera yöjawi̧ yöbawadö cuatrocientosbedönöbi, —jö̧ba̧lö weinobe Eliasma, Acabnö.

1 Reyes 22:6

Aebökwe, israel la'aka luwo̧ Acabma Dios yöawi̧ yöbawadönö o̧ko̧kodinobe, cuatro cientos jenanö ba̧jȩkwadö yöbawadönö. Ko̧ko̧dajo̧, jobadönö abebö a̧ja̧kwinobe: —Dakwö weobeda Diosma, Ramot Galaadbe ölakwabikwawö chi̧'yobö jo̧beji̧? Ölakwabikwawö chi̧'yobö jwiobeji̧? —jö̧ba̧lö. Abebö a̧ja̧kwawö̧, —Jau, ölakwabikwawö kwi̧'yo, ja̧danö duluwo̧ Diosma ökwö la'aka duluwo̧ kwujuluwobö pjaatakwo̧, —jö̧ba̧lö tjatadinobe.

2 Reyes 3:10

Jobekwö ojwiyo 'dö̧ibiökwe, Israel la'aka luwo̧ Joramma yöa̧linobe, —Ayö, Isabenö Jo̧ma ökwödö Israel la'aka luwo̧nöbi, Juda la'aka luwo̧nöbi, Edom la'aka luwo̧nöbi baikwö dichibobö jwöajabe, Moab la'aka luwo̧nö iyö loobö, ökwödönö ujuluwakobetjö̧, —jö̧ba̧lö.

2 Reyes 3:12

Atadökwe, —Jo̧bama Isabenö Jo̧ yöawi̧ isabenö yöbawo̧, jo̧banö abebö da̧ja̧kwo, —jö̧ba̧lö yöa̧linobe Josafatma. Jo̧kwajabetjö Josafatbi, israel la'aka luwo̧bi, Edom la'aka luwo̧bi Eliseonö abebö tja̧ja̧kwobö tji̧'yinobe.

Proverbios 1:28

Ja̧danö, ja̧ labi jawa ökwödönö ichena yebaibö ötjönö jwökeba̧laduwakobe, ökwödönö pjabati, jö̧ba̧lö. Jobekwö jwökeba̧la̧duwijayonö la'akatjöda cha̧ja̧kwökakobe. Ja̧danö, ötjönö kwisakwaduwijayonö kwöbadekwajaduwökakobe ötjönöma— jobekwö yöbawö jwöbuju, jweinö omukwatö ja̧kwawa wanekwachujuma.

Mateo 8:29

Jobadöma Jesús ichobe edö, labinö jwötjeba̧linobe baikwö: —Ökwö Dios i̧tji̧ma, ¿tajawedö dö̧jobekwö kwichobeda? Lȩebakwa̧ möle ina baibököjayonö, ¿ökwödönö lȩbebö kwichaji̧?— jö̧ba̧lö jwötjeba̧linobe.

Juan 2:4

—¿Tajawedö ötjönö yöka̧la?— jö̧a̧linobe—. Ina chujulu chi̧seboböma jwiobe— jö̧a̧linobe Jesúsma ojo'donöma.

2 Corintios 5:16

Jo̧kwajabetjö̧ chömöledö, jojodönö domukwatenama, böjȩ jojodö wame jawa tjomukwati̧danöma domukwatokobe babema. Jau chömöledö, isabenö ajayinöma jojodö tjomukwati̧danö, wame jawada domukwatijatö, ja̧danö ajayinö Jesúsnö dedenama, wame jawada omukwatö dedijatö, böjȩ jojo jö̧ba̧lö. Jo̧kwaijayonö babema sule wame jawadama omukwatöködösa.

2 Corintios 6:15

Ja̧danö Cristoma, Awetja omukwati̧danö ¿bakobe omukwatenaji̧? Dios yöawi̧ ösödakwawama, Dios yöawi̧ öpöjödakwawakwö ¿bakobe pjabacha̧lö jenaji̧?

Jueces 10:14

Ökwödöma ju'wedönöda omudawö kwujunaduwajabe, kwuluwedö diosbedö tjö̧jobö, jo̧kwajabetjö̧ babe usula kwemawaduwenama, jobadö omudawö kwujunaduwajawö̧nöda akebaduwo, kwö̧jibaduwinö pjatjatobö. Jau, jobadö omudawö kwujunaduwajawö̧da pjatatobö jo̧be, ötjö kakatibinaduwökwema pjatatobö jwiobe, —jö̧ba̧lö atadinobe Diosma.