2 Reyes 23:29 - Dios Iwene

²⁹ Ja̧danö, Josias la'aka luwo̧ ö̧jena, Egipto la'aka luwo̧ Necao mikwo̧ma Asiria la'aka luwo̧ ö̧jobekwö i̧'yinobe Eufrates ojwebe. Jobekwö i̧'yiökwe, öpöjödinobe Josiasma, ja̧danö i̧'yobe tjöeba̧lotö jö̧ba̧lö, Meguido comunidadbe i̧'yinobe, Egipto la'aka luwo̧ Necaokwö ölakwabikwawobö. Ja̧danö, tjölakwabikwawenama, Egipto jojodöma Josiasnö 'böbö lotjinobe, ja̧danö jobekwö ö'wö baibinobe Josiasma.

2 Reyes 23:29 ပူးပေါင်းရင်းမြစ်များ

1 Reyes 4:12

Ajilud itji̧ Bana mikwo̧ma, Tanac comunidadbi, Meguido comunidadbi, okobe jwiinö Saretan ö'öbö Betsean ötjabobe niji̧bi, Jezrel wabekotjö a̧li̧kwö Betsean comunidadtjö, Abel Mejola comunidadbe baibanö nijibi, Jocmean comunidad tupakwö baibanö nijibi la'aka luwo̧ ö̧jinobe.

2 Reyes 14:11

Jobekwö yöa̧lijayonö, a̧ja̧kwobö öpöjödinobe Amasiasma, ina ölakwabikwawobö ösödinobe. Jo̧kwajabetjö̧, Israel la'aka luwo̧ Yoasma Juda la'aka luwo̧ Amasiaskwö ölakwabikwawobö i̧'yinobe, ja̧danö Juda niji comunidad Bet-semestjö, tjöbabiyakwena tjölakwabikwawinobe.

2 Reyes 14:8

Ikenama, Edom jojodönö juluwajo̧, Israel jojodökwö ölakwabikwawobö jö̧a̧linobe Amasiasma, jo̧kwajabetjö̧ yöbawadönö weinobe Israel la'aka luwo̧ Yoasnö yöa̧li̧ yötjawobö: —Duluwo̧ Amasias yöa̧lobe, chö̧jobekwö kwicho, döbabiyakwena ja̧nö dölakwabikwawakobetjö̧, —jö̧ba̧lö.

2 Reyes 22:20

Ja̧danö, a̧ja̧kwajo̧, baikwö yötawakwö, inesö lȩtebakwa̧ma kwedökakwo̧ja. Jau Josias, inesö lȩtebakwa̧ badekwachakwa̧ abönö, ina wene jwiinö kwö̧jaduwonö, ö'wö bakibakwo̧ja, ja̧danö ö'wö babibajo̧nö kwa'dödökwö otiwanö tjo̧tja̧kwo̧ja. Jo̧kwajabetjö̧, inesö lȩtebakwa̧ badekwachobö ji̧jayonö, ökwönö baledobö wetökakwo̧sa, ökwöma ina wene jwiinö kwö̧jaduwonö ö'wö bakibakwo̧ja, —jö̧ba̧lö Isabenö Jo̧ yöawi̧ yötjawobö wejinobe Huldama. Ikenama, jobekwö yöjawawö̧, tjebachajö yötjawinobe la'aka luwo̧ Josiasnö.

2 Reyes 23:28

Jobekwö ja'yubenö laebobe Josias Juda la'aka luwo̧ ö̧jina jawama. Ju'wibi nöinö ja̧bö ö̧jinobe Josiasma, ja̧danö ja̧ ja̧bö ö̧jina wenema, Juda la'aka luwedö tjö̧jina'ye mikwa'yenö laebobe.

2 Reyes 24:7

Ja̧ möle jenanö, Babilonia la'aka luwo̧ma, Egipto la'aka luwo̧kwö ölakwabikwawinobe, ja̧danö okobe jwiinö Egipto la'aka luwo̧ webö ö̧jinemi, ja'yuwödö Egipto ojwe ötjabödötjö, Eufrates mikwödöbe ichibanö, iteda webö ö̧jemi baibanö 'döebinobe Babilonia la'aka luwo̧ma. Jo̧kwajabetjö̧, jobekwö ujuluwiökwe, jemi tupakwö ölakwabikwawotö jö̧ba̧lö Egipto nijitjö laebinokobe, Egipto la'aka luwo̧ma.

2 Reyes 9:27

Juda niji la'aka luwo̧ Ocoziasma ja̧ baledobe edinobe, ja̧danö edajo̧, iteda iteakanö döibajinobe, Bet-hagan comunidad jo̧bekwö. Ja̧danö jo̧banöbi luinobe Jehuma, ja̧danö ömöayedönö weinobe, —Ocoziasnöbi 'böbaduwinö, —jö̧ba̧lö. Ja̧danö, iteaka kolukanö a̧jonö Ocoziasnö 'bötjinobe, Ibleam comunidad pjeanö, nöchawemi Gur ötjabemi nöchawemi ja'ötjö. 'Bötjökwe, tupakwö döibajinobe, Meguido comunidadbe, ja̧danö jobe Meguido comunidadtjö ö'wö baibinobe Ocoziasma.

Romanos 11:33

Diosma isabenö otiwanö lȩlö̧jinö edo̧ chömöledö, otiwa jawa mikwa jwiinö iyö. Isabenö okobe jwiinö waiso̧ Diosma, ja̧danö okobe jwiinö ja̧i̧ma, waisanö ja̧bo̧. Bakwo̧bi deobe okobe jwiinö Dios omukwati̧ waiso̧ma, jweinö labebö lobö yöawo jö̧ba̧lö. Ja̧danö, bakwo̧bi deobe Dios ja̧i̧ waiso̧ma chömöledö.

Josué 17:11

Ja̧danö, Aser niji okwabi, Isacar niji okwabi, Manases jojodöma tjitebo comunidad tjujuna̧linobe, Betsean comunidadbi, Ibleam comunidadbi, Dor comunidad ju'wi imi Nafot comunidadbi, Endor comunidadbi, Tanac comunidadbi, Meguido comunidadbi. Ja̧ comunidadbiyabi, ö'öbö pjei̧ comunidadbi̧yabi, jeleso niji okwa ji̧najayonö, Manases jojodö tjitebo comunidad ji̧nobe.

Apocalipsis 16:16

Ja̧danö, Awetja ömöayedöma, böjȩ okobe jwiinö ju̧kwadö la'aka luwedökwö, tjömöayedö guardiakwö bakobe ko̧ko̧kwachö tjite'ada̧lobe chedijatö, Armagedón mikwena. Armagedón, jö̧ba̧löma, hebreo tjiwenenö jejenö baledobe.

Jueces 1:27

Manasessaso jojodöma tjitebo niji ju̧kwadönö a'dewö lotjo jö̧tja̧linobe, jo̧kwaijayonö Betsean comunidad ju̧kwadönöbi, Tanaac comunidad ju̧kwadönöbi, Dor comunidad ju̧kwadönöbi, Ibleam comunidad ju̧kwadönöbi, Meguido comunidad ju̧kwadönöbi a'dewö lotjinokobe. Ja̧ comunidadbiya ju̧kwadönöbi, ö'öbö ji̧ pjei̧ comunidad ju̧kwadönöbi a'dewö lotjinokobe, jo̧kwajabetjö̧ a'dewö lotjo jö̧tja̧lijayonö, cananeos jojodöma ina jobe tjö̧jinobe.

Jueces 5:19

Döpöjojodö cananeo jojodötjö la'aka luwedöma, ichö ökwödönö tjujuluwotö jö̧ba̧lö tjölakwabikwawinobe, Meguido ojwese'do o'obö Tanactjö ökwödökwö tjölakwabikwawinobe, jo̧kwaijayonö tjujuluwinokobe, ja̧danö ditea plata jawa tjeminokobe.