2 Reyes 23:28 - Dios Iwene

²⁸ Jobekwö ja'yubenö laebobe Josias Juda la'aka luwo̧ ö̧jina jawama. Ju'wibi nöinö ja̧bö ö̧jinobe Josiasma, ja̧danö ja̧ ja̧bö ö̧jina wenema, Juda la'aka luwedö tjö̧jina'ye mikwa'yenö laebobe.

2 Reyes 23:28 ပူးပေါင်းရင်းမြစ်များ

1 Reyes 14:29

Jobekwö laebobe Roboan ja̧bö ö̧jina wȩyukwa'yema, ja̧danö ju'wibi nöinö ja̧inobe Roboanma. Okobe jwiinö ja ju'wi Roboan ja̧bö ö̧jina wenema, jele'yenö laebobe, Juda jojodötjö la'aka luwedö tjö̧jina wanekwacha'ye jö̧ba̧lö mikwa'yenö laebobe.

2 Reyes 20:20

Jobekwö ja'yubenö laebobe Ezequias Juda la'aka luwo̧ ö̧jina jawama. Ju'wibi nöinö ja̧bö ö̧jinobe Ezequiasma, ja̧danö ja̧ ja̧bö ö̧jina jawabi, ujulu i̧sȩbina jawabi, o̧pesobu sobö otidinabi, ojwiyo Jerusalen comunidad okwa ichibanö niji teebe soawemi tjotidobö weinabi, Juda la'aka luwedö tjö̧jina'ye mikwa'yenö laebobe.

2 Reyes 23:27

Baikwö yöawinobe Isabenö Jo̧ma: —Israel jojodönö lȩtebinadanö, Juda jojodönöbi lȩtebocha, jobadönöbi chö̧jelö a'dewö lotakwo̧sa, ja̧danö ötjöda chitebo comunidad baibanö omudawö chujuninemi Jerusalen katatibakwo̧sa, ja̧danö ötjö cheju, ötjönö tjösödakwelö jö̧ba̧lö jö̧ta̧lineju katatibakwo̧sa, —jö̧ba̧lö yöawinobe Isabenö Jo̧ma, Juda jojodönö lȩebakwa̧ jawa.

2 Reyes 23:29

Ja̧danö, Josias la'aka luwo̧ ö̧jena, Egipto la'aka luwo̧ Necao mikwo̧ma Asiria la'aka luwo̧ ö̧jobekwö i̧'yinobe Eufrates ojwebe. Jobekwö i̧'yiökwe, öpöjödinobe Josiasma, ja̧danö i̧'yobe tjöeba̧lotö jö̧ba̧lö, Meguido comunidadbe i̧'yinobe, Egipto la'aka luwo̧ Necaokwö ölakwabikwawobö. Ja̧danö, tjölakwabikwawenama, Egipto jojodöma Josiasnö 'böbö lotjinobe, ja̧danö jobekwö ö'wö baibinobe Josiasma.

2 Reyes 8:23

Jobekwö ja'yubenö laebobe Yoram la'aka luwo̧ ö̧jina wenema, ja̧danö okobe jwiinö ju'wi Yoram otidina jawama, Juda jojodö la'aka tjuluwedö tjö̧jina wȩyukwa'yenö laebobe.