2 Reyes 23:2 - Dios Iwene

² Ja̧danö, tjichibiökwe, la'aka luwo̧ Josiasma jobadönö öbibö i̧'yinobe Isabenö Jo̧ ejube, ja̧danö ba̧jȩkwadö ju'wedöbi jobadökwö tji̧'yinobe, Diostjö jojodötjö ö'weje pjabatadöbi, Dios yöawi̧ yöbawadöbi, jojodötjö nöinö juna̧ladöbi, jo̧kwadabedöbi, jwiinö ba̧jekwadö Isabenö Jo̧ ejube tji̧'yinobe Josiaskwö. Ja̧danö, Isabenö Jo̧ ejube ichibajadö, tja̧ja̧kwa̧lonö, la'aka luwo̧ Josiasma labinö yöa̧linobe, okobe jwiinö Dios wei̧ wȩyukwa'ye, Isabenö Jo̧ eju okwatjö tjöbadekwajina'ye laebi̧ jawama.

2 Reyes 23:2 ပူးပေါင်းရင်းမြစ်များ

Génesis 19:11

Ikenama ángelesdöma o̧pekwöchobe ju̧kwadönöma möayedönöbi, damönöbi tjöbajale tjewawachibanö ja̧bijadötö, apjudebi tjedökönö.

1 Reyes 8:9

Dios iteapjo okwa, sule Dios wei̧ wȩyukwa öbiya döbölatajada okwa a̧ji̧nobe, damötjö Sinai mösa'otjö Moises anina öwiyama. Jau, Egipto nijitjö labebajadö, jobe Sinai mösa'otjö ko̧ko̧kwö tjö̧jenama, Isabenö Jo̧ma jobadönö iteda wei̧ weinobe, jadanö a̧ja̧kwajadö, —Jau, isabenö da̧ja̧kwakwedösa, —jö̧ba̧lö tjatadinobe. Ja̧ Sinaitjö Dios weina wȩyukwa öbiya döbölatajada Dios iteapjo okwa a̧ji̧nobe.

2 Reyes 22:8

Ja̧danö, Josias weaja̧danö Safan yöbawö i̧'yenama, ö'weje pjabato̧ Hilciasma Safannö yöawinobe: —Isabenö Jo̧ eju okwatjö, bi'ye Dios wei̧ wȩyukwa'ye chöbadekwajabeta, —jö̧ba̧lö. Ja̧danö, Hilciasma öbadekwaja'ye Safannö iyinobe, ja̧danö iyajökwe, wȩyukwa'ye yöa̧linobe Safanma.

Diosnö ösödo̧ Job mikwo̧ usula emawina jawa 3:19

Ö'wö batjibaja̧ ikenama, luwedöbinadöbi, jo̧kwadabedöbinadöbi bakwaibebö tjö̧jobe, ja̧danö tjömöayedöbinadöma, tjuluwedö wetjö̧kö̧wö̧ batjibanö tjö̧jobe. Isabenö ö'wö batibinatjö̧ma otiwo jö̧a̧linena, ötjöwe!

Hechos 26:22

Jo̧kwaijayonö Dios kabatökönö pjaatobe ötjönöma, belöbi, babebi. Ja̧danö, pjaatijatö babe mölema ichibö yötawobö ökwödö kwöbaduwi a'otjö ja̧nö, ökwödö la'aka luwedönöbi, jo̧kwadabedönöbi. Ötjö yötawi̧ma Moisés iwȩyudinadanö, ju'wedö Dios yöawi̧ yöbawinadö tjiwȩyudinadanö bakwainö yötawa chuluwo̧, ju'winö badekwachakwa̧ ajayinö tjiwȩyudinadanö.

Deuteronomio 31:26

—Bi'ye Dios wei̧ wȩyukwa'ye emö, kwuluwo̧duwi Isabenö Jo̧ Dios wei̧ wȩyukwa öbiya döbölataja a̧ja̧pjo ö'öbö kwujunaduwo. Ja̧danö, jobe ja̧nö, bi'yema ba̧kwelöjatebö i̧sȩkwadanö ja̧kobe, –Isabenö israel jojodöma Dios wei̧ tja̧ja̧kwobö jo̧be, –jö̧ba̧lö.

Apocalipsis 20:12

Ikenama okobe deinö wobinadönöma, la'aka luwedönöbi, jo̧kwadabedönöbi chedijatö, Dios öba a'o ja̧dönöma, ba̧kwawakanö ö̧bemi badeibö. Ja̧danö, ojwe okwatjö o̧bibinadönöbi wobinadö tjuju̧kwena ji̧nadönöbi chedijatö, Dios öba a'o ja̧dönö. Ja̧danö, kwialu'yebiya chedijatö, 'boekwobe wa̧ji̧. Ja̧'yebiyatjö bakwa'ye, okobe jwiinö jojodö sulabenö tjö̧jinabi, otiwanö tjö̧jinabi wȩyukwa'ye. Ja̧danö, jele'ye, ba̧kwȩlö̧jatebö ja̧kwawa juna̧ladö tjimibiya ba̧ja'ye. Ikenama Diosma kwialu'yenö wȩyukwi̧ eda̧lö yöawobe chedijatö, jojodönö bakwo̧nökwena lȩebakwa̧.

1 Samuel 5:9

Jo̧kwaijayonö, Gatbe tjichejebaja̧ ikenama, Isabenö Jo̧ma jobadönöbi jwiinö usula tjemawinö lȩebinobe, jwiinö yetjaibanö. Ja̧ comunidad jojodötjö ömadönö nöinö tutuyubiya saaminö weinobe, damönöbi, ina möayedönöbi, usula tjemawinö.