La'aka luwo̧ Ocozias öba a'o ichibajo̧, jo̧banö yöawinobe Eliasma: —Baikwö yöawobe Isabenö Jo̧ma ökwönö: –Ocozias, ökwöma kwömöayedönö weköbatö, Ecron jojodö tjösödökwe Baal Zebub ötjabökwenö abebö tja̧ja̧kwobö, jö̧tö? Tajawedö jobekwö weköbaja̧da? Kwedemi bemi israel nijitjö, Dios deobetjö̧, ju'wedö tjitebo jojodö tjösödökwenöda abebö kwa̧ja̧kwobö jo̧beji̧? Ötjönöda abebö kwa̧ja̧kwo jö̧ka̧lajabe. Jo̧kwajabetjö̧ baledakwa̧ baikwö yötawakwö, kwö̧bapjo kamapjotjö a̧la̧ibökönö, isabenö ö'wö bakibakwo̧ja, –jö̧ba̧lö yöawobe Isabenö Jo̧ma, —Ocoziasnö yöawinobe Eliasma.
2 Reyes 22:15 - Dios Iwene15 Tjichibioko, jobadönö yöjawinobe Huldama: —Baikwö yöawobe Israel jojodö tjösödökwe Isabenö Jo̧ma: –Ötjönö abebö kwa̧ja̧kwaduwobö webajo̧ Josiasnö yökawaduwo baikwö: အခန်းကိုကြည့်ပါ။ |
2 Reyes 22:15
6 ပူးပေါင်းရင်းမြစ်များ
Abebö a̧ja̧kwawö̧, —Bakwo̧ ökwödönö öbadekwajinobe, ja̧danö badekwajo̧, ökwödönö yöbawö weinobe: –Tjebachajö, ökwödönö webina la'aka luwo̧nö yökawaduwonö: -Isabenö Jo̧ Diosma baikwö yöawobe: Ocozias, tajawedö Ecron jojodö tjösödökwe Baal Zebubnö abebö tja̧ja̧kwobö weköbobeda? Kwedemi Israel nijitjö Dios deobeji̧? -Chitebotjö deobe Diosma, -jö̧ba̧lö ju'wedö tjitebo jojodö tjösödökwenöda abebö tji̧'yobö weköbaji̧? Jobekwö sulabenö weköbobetjö̧, kwö̧bapjo camapjotjö kwa̧la̧ibökakwo̧ja, isabenö a̧la̧ibökönö ö'wö bakibakwo̧ja, –jö̧ba̧lö ökwönö yödawobö weatö, —jö̧ba̧lö yötjawinobe.
Weawö̧, ö'weje pjabato̧ Hilciasbi, Ahicambi, Acborbi, Safanbi, Asaiasbi Dios yöawi̧ yöbawuju Hulda mikwujunö abebö a̧ja̧kwö tji̧'yinobe. Jobuju Huldama, tjö̧ka̧mijido̧ otiwa̧do̧ teada̧lakwawa luwo̧ Salum mikwo̧ ilekwo, ja̧danö Jerusalen comunidadtjö 'yayinö tjotidinena jö̧jinobe, ja̧danö jejube ichibajadö, Huldakwö yötja̧lakwawinobe.
ကြော်ငြာတွေ