2 Reyes 21:2 - Dios Iwene

² Manasesma jwiinö sulabenö ja̧bö ö̧jinobe Isabenö Jo̧ öba a'otjö. Israel nijinö ajayinö ji̧nadö, israel jojodö tjöba a'otjö Isabenö Jo̧ a'dewö loinawö̧ sulabenö ja̧bö tjö̧jina jawa, Manasesbi sulabenö ja̧bö ö̧jinobe.

2 Reyes 21:2 ပူးပေါင်းရင်းမြစ်များ

2 Reyes 17:2

Isabenö Jo̧ öba a'otjö, sulabenö ja̧bö ö̧jinobe Oseasma, jo̧kwaijayonö jo̧batjö ajayinö ji̧nadö Israel la'aka luwedö inesö sulabenö ja̧tji̧nadanömaökö.

2 Reyes 21:11

—Juda la'aka luwo̧ Manasesma bi̧ya inesö suli̧ jawa sulabenö ja̧ajabe, jo̧batjö ajayinö ji̧nadö amorita jojodö sulabenö ja̧tjinatjö bajalekwönönö sulabenö ja̧ajabe. Ja̧danö, o̧'wo jawa otidajo̧, itedama sulabenö ösödinokobe, ju'wibi ju'wedö Juda jojodö sulabenö otidajawö̧nö tjösödobö sulabenö weinobe.

2 Reyes 21:16

Isabenö jwiinö sulabenö ja̧bö ö̧jinobe Manasesma. Manasesma sulabenö webö öibinobe Juda jojodönö, tjösödo jö̧tja̧lökwe Isabenö Jo̧ öba a'o sulabenö ja̧tjobö, jo̧kwaijayonö ja̧damaökö. Ju'wi sulabenö ja̧aja̧tjö bajalekwönönö, ju'wibi ba̧jȩkwadö wene jwibadönö kwabawö loinobe, Jerusalen comunidad ba̧kwemeachibanö tjökwösobu ku̧kwö isuwenanö baibanö.

2 Reyes 21:20

Abe'do Manases sulabenö ja̧bö ö̧jinadanö, Amonbi Isabenö Jo̧ öba a'otjö sulabenö ja̧bö ö̧jinobe.

2 Reyes 21:21

Okobe jwiinö abe'do sulabenö ja̧bö ö̧jina jawama, bakwainö sulabenö ja̧inobe Amonma, ja̧danö abe'do ösödinawö̧ o̧'wo jawama, Amonbi bȩbachibö jobadönö ösödinobe, —Chuluwedö chösödawö̧ja, —jö̧ba̧lö.

2 Reyes 21:7

Isabenö jwiinö sulabenö ja̧bö ö̧jinobe Manasesma. Asera ötjaboko jo̧'wo jawa otidajo̧, a̧dekwanö Isabenö Jo̧ eju okwa ujuninobe. Ja̧ ejuma, Isabenö Jo̧ma ajayinö Davidnöbi, itji̧ Salomonnöbi yöawinobe, —Okobe jwiinö israel nijitjö, bejuda, ja̧danö bemi comunidad Jerusalenda 'da̧batö chujunajabe, ba̧kwelöjatebö ötjöda cheju baibanö, ja̧danö ba̧kwelöjatebö chitebo comunidad baibanö.

2 Reyes 22:17

Bemi niji jojodöma isabenö ötjönö katjatibinobe, ja̧danö juwedö tjösödawö̧nö iyawa kwabö juwö tjiyinobe, ja̧danö jobekwö sulabenö ja̧bö, chödameakwinö sulabenö ja̧tjinobe. Isabenö jwiinö dameakwo̧sa bemi niji jojodönö, ja̧danö chödameakwi̧ söawökönö, isabenö lȩtebakwo̧sa, –jö̧ba̧lö Isabenö Jo̧ yöawi̧ yökawaduwo kwuluwo̧duwinö.

2 Reyes 23:32

A'dödö sulabenö ja̧bö tjö̧jinadanö, Joacazbi bakwainö Isabenö Jo̧ öba a'o sulabenö ja̧bö ö̧jinobe.

2 Reyes 24:9

Ja̧danö, la'aka luwo̧ ja̧nö, abe'do Isabenö Jo̧ öba a'otjö sulabenö ja̧bö ö̧jinadanö, Joaquinbi bakwainö sulabenö ja̧bö ö̧jinobe.

Isaías 66:4

Isabenö labinö lȩtebakwo̧sa jobadönö. Weti̧ öpöjödö, idöda tjösödi̧ ja̧tjobö omudawö tjujuninobetjö̧, jobadönö lȩtebakwa̧ omudawö chujunakwo̧sa, inesö yetjabi̧ jawa jobadönö baledobö omudawö chujunakwo̧sa. Isabenö jobekwö lȩtebobö jo̧be, baikwö yöta̧la: Jobadönö jwötenama, atadinöködö, ja̧danö yötawenama, a̧ja̧kwinöködö. A̧ja̧kwökönö, ju'wida omudawö juninadö, chöba a'otjö sulabenö ja̧tjoböda omudawö tjujuninobe. Ötjö chösödi̧ jawa tjöwaisijayonö, ja̧ jawa ja̧bökönö, inesö chöpöjödi̧ jawada sulabenö ja̧badö, jo̧kwajabetjö̧ isabenö jobadönö lȩtebobö jo̧be, jö̧ba̧lö laebobe Isabenö Jo̧ yöawi̧ma.

Deuteronomio 12:31

Jau chömöledö, jobadö tjösödinadanöma kwösödaduwoko kwuluwo̧duwi Isabenö Jo̧ Diosnö chömöledö, baikwö yötawa: Jobadö tjösödawö̧nö ösödö ja̧tji̧ma, jwiinö suli̧ jawa ösödö ja̧badö, inesö suli̧ Isabenö Jo̧ öpöjödi̧ jawa. Jau chömöledö, isabenö jwiinö sulabenö ja̧bö tjösodobe o̧'wo jawa tjösödawö̧nö, idöda tji̧tji̧munöbi juwö tjiyobe, tjösödawö̧nö̧ iyawa baibanö chömöledö, jobadö tjösödi̧danö kwösödaduwoböma kwisakwaduwoko, la'akatjöda.