2 Reyes 21:1 - Dios Iwene

¹ Juda la'aka luwo̧ baibenama, a̧linösa̧mutjö dötölataja o̧biya ujuna̧linobe Manasesma, ja̧danö cincuenta y cinco o̧biya baledibanö Jerusalen comunidadnö ja̧nö webö ö̧jinobe. Manases ojo'doma, Hepsiba mikwuju.

2 Reyes 21:1 ပူးပေါင်းရင်းမြစ်များ

2 Reyes 20:21

Ja̧danö, Ezequiasma ö'wö baibinobe, ja̧danö Juda la'aka luwo̧ ö̧jinemi, Ezequias itji̧ Manases mikwo̧ma Juda la'aka luwo̧ baibinobe.

1 Crónicas 3:13

Ja̧danö Jotam itji̧ma Acaz mikwo̧. Ja̧danö Acaz itji̧ma Ezequias mikwo̧. Ja̧danö Ezequias itji̧ma Manases mikwo̧.

Proverbios 5:19

Kwilekwoma jwiinö otiwuju, ja̧danö ejeanö kwebachuju. Jo̧do'bi̧ ba̧kwȩlö̧jatebö jotiwiökwe kwösödojö. Ja̧danö, jobujukwö bakobe kwö̧jobö jwiinö kwösödo chitji̧.

Isaías 62:4

Ja̧danö ajayinö ökwönö, —Le'dedö loinoko, —jö̧ba̧lö ötjabinajayonö, ja̧danö kwitebo niji —Söbebö loawemi, —jö̧ba̧lö ötjabinajayonö, ja̧ möle 'yayi kwimi ötjabikwujuja, ja̧danö kwitebo nijima 'yayi imi ötjabikobe. Jau, ja̧ möle, —Jwiinö chösödoko, —jö̧ba̧lö ötjabikwujuja, ja̧danö kwitebo niji, —Jilekwenö emaju, —jö̧ba̧lö ötjabikobe. Jau Jerusalen, jobekwö ötjabikwujuja, Isabenö Jo̧ma jwiinö ökwönö ösödobetjö̧, ja̧danö kwitebo nijima Dios ilekwodanö ichejekwakobe, jwiinö otiwanö pjaatobetjö.

Mateo 1:10

Ezequíasma Manasés mikwo̧ abe'doinobe, ja̧danö Manasésma Amón mikwo̧ abe'doinobe, ja̧danö Amónma Josías mikwo̧ abe'doinobe.