2 Reyes 20:19 - Dios Iwene

¹⁹ Jobekwö yöawiökwe, Ezequiasma omukwatinobe, —Jobekwö yadakwö baledobö ji̧jayonö, ina 'yata̧layi, ötjöbi ju'wedö chömöledö Juda jojodöbi otiwanö dö̧jakwedösa, debö chi̧'yaja̧ okobe baledakwa̧da yöawajabe, —jö̧ba̧lö. Ja̧danö jobekwö omukwatö, Isaias yöawi̧ ösödö atadinobe: —Jau Isaias, Isabenö Jo̧ yöawi̧ yökawajama, otiwa, otiwanö yökawajabe, —jö̧ba̧lö.

2 Reyes 20:19 ပူးပေါင်းရင်းမြစ်များ

1 Reyes 11:12

Jo̧kwaijayonö, kwabe'do Davidminenö omukwatö, ina 'ya̧kalayima 'dötebökakwo̧sa, ökwö kwitji̧tjöda israel jojodö tjuluwedö kwö̧ja̧duwi̧ 'dötebakwo̧sa.

1 Reyes 2:38

Yöa̧li̧ökwe, —Jau chuluwo̧, yöka̧li̧ma otiwa, ökwö la'aka chuluwo̧ weköbaja̧danö ja̧takwo̧sa, —jö̧ba̧lö atadinobe Simima. Ja̧danö jö̧ba̧lajo̧, lekwe möle Jerusalennö ö̧jinobe Simima.

2 Reyes 20:20

Jobekwö ja'yubenö laebobe Ezequias Juda la'aka luwo̧ ö̧jina jawama. Ju'wibi nöinö ja̧bö ö̧jinobe Ezequiasma, ja̧danö ja̧ ja̧bö ö̧jina jawabi, ujulu i̧sȩbina jawabi, o̧pesobu sobö otidinabi, ojwiyo Jerusalen comunidad okwa ichibanö niji teebe soawemi tjotidobö weinabi, Juda la'aka luwedö tjö̧jina'ye mikwa'yenö laebobe.

2 Reyes 22:20

Ja̧danö, a̧ja̧kwajo̧, baikwö yötawakwö, inesö lȩtebakwa̧ma kwedökakwo̧ja. Jau Josias, inesö lȩtebakwa̧ badekwachakwa̧ abönö, ina wene jwiinö kwö̧jaduwonö, ö'wö bakibakwo̧ja, ja̧danö ö'wö babibajo̧nö kwa'dödökwö otiwanö tjo̧tja̧kwo̧ja. Jo̧kwajabetjö̧, inesö lȩtebakwa̧ badekwachobö ji̧jayonö, ökwönö baledobö wetökakwo̧sa, ökwöma ina wene jwiinö kwö̧jaduwonö ö'wö bakibakwo̧ja, —jö̧ba̧lö Isabenö Jo̧ yöawi̧ yötjawobö wejinobe Huldama. Ikenama, jobekwö yöjawawö̧, tjebachajö yötjawinobe la'aka luwo̧ Josiasnö.

Diosnö ösödo̧ Job mikwo̧ usula emawina jawa 1:21

—Chojo'do ötjönö jemenama, chitea jwibo̧nö jemijatö, ja̧danö ö'wö batibenama, chitea jwibö chȩwa̧jakwo̧sa. Chujuna̧linama, Isabenö Jo̧ chujuna̧lobö iyinobe, ja̧danö babe Isabenö Jo̧ma chujuna̧lina 'döebajabe. Isabenö Jo̧nö dösödobö jobe, –Otiwo̧ja, –jö̧ba̧lö, —Diosnö ösödö yöa̧linobe Jobma.

Lucas 2:10

Jo̧kwaijayonö, jejenö yetjaibiökwe, ángelma jobadönö yöawinobe otiwanö pjabatö: —Yebabökönaduwi. Ötjöma otiwa jawa wene ökwödönö yöbawö chichajabe. Ja̧ wenema okobe deinö jojodö tjo̧'wo̧ ösöwachibobö ji̧ wene,

Lucas 2:14

—Mölejȩbe jo̧ Diosnö jwiinö tjösödobö jo̧be, ja̧danö böjȩtjö jojodö Dios o̧'wo̧ ösöwanö edawö̧ma wene jwiinö tjö̧jakobe— jö̧ba̧lö yötja̧linobe.

1 Samuel 3:18

Weökwe, Samuelma okobe jwiinö Dios yöawaja̧ yöawinobe Elinö, ja'yubebi tojö junökönö. Jadanö yöawökwe, Elima atadinobe, —Jau, jo̧bama duluwo̧ Isabenö Jo̧, iteda omukwatö ujuni̧danö ja̧obö jo̧be, —jö̧ba̧lö.