2 Reyes 20:14 - Dios Iwene

¹⁴ Jemi ikenama Dios yöawi̧ yöbawo̧ Isaiasma ichibö, la'aka luwo̧ Ezequiasnö abebö a̧ja̧kwinobe: —Idöma dakwö yötja̧linada? Ja̧danö, didö tjitebotjö tjichinada? —jö̧ba̧lö. Aebökwe, —Ödö tjitebotjö tjichinobe, Babilonia nijitjö, —jö̧ba̧lö atadinobe Ezequiasma.

2 Reyes 20:14 ပူးပေါင်းရင်းမြစ်များ

2 Reyes 20:13

Tjichibiökwe, ösödinobe Ezequiasma, —Otiwanö kwichaduwajabe chömöledö, —jö̧ba̧lö. Ja̧danö, Ezequiaskwö tjö̧jonö, okobe jwiinö itea jobadönö i̧sȩbinobe, nöinö mikwawi̧ jawa lödawejunö ujuna̧li̧ jawabi, ölakwabikwawa jawa ujuna̧li̧bi, okobe jwiinö ju'wi jaye ko̧ko̧dö lödawejubiyanö ujuna̧li̧bi. Okobe jwiinö iteda ejunö ji̧bi, ju'wi itebonö ji̧bi tojökönö i̧sȩbinobe Ezequiasma.

2 Reyes 20:15

Atadökwe, —Kwejunö ji̧ jawatjö, diya jawa tjedinada? —jö̧ba̧lö abebö a̧jakwinobe Isaiasma. Aebökwe, —Okobe jwiinö chejunö ji̧ jawa tjedajabe, ja̧danö okobe jwiinö lödawejubiyanö ji̧ jawabi tjedajabe, ju'wi jayebi tojökönö, okobe jwiinö chi̧sȩbajabe, —jö̧ba̧lö atadinobe Ezequiasma.

Proverbios 25:12

Ja̧danö, ju'wibi yötawa: Bakwo̧, jweinö omukwato̧ jwebebö yöawi̧ ösödö a̧ja̧kwitjö̧ma jwiinö mikwawena. Wanedö yötawa: Lawosopja orotjö otikwopja mikwawi̧danö ja̧danö, sasiyu orotjö otikwayu mikwawi̧danö mikwawobe jwebebö yöawökwe ösödö a̧ja̧kwi̧ma.

Isaías 13:5

Ja̧danö jobekwö o̧ko̧kodajawö̧, ödö tjitebo, bö̧jȩ bajale ji̧ tjitebotjö ichadö. Jau, ja̧ ökwöi̧ kwa̧ja̧kwaduwi̧ma, Isabenö Jo̧ lȩebakwa̧ tjotidakwedö tjichobe ökwöobe, ja̧danö weawö̧, jwiinö söbebö lotjakwedö Babilonia nijima.

Deuteronomio 28:49

—Jo̧banö öpöjödö kwö̧jaduwiökwe, Isabenö Jo̧ma ödö ju̧kwadö ju'wedö tjitebo ju̧kwadönö jwiinö ödöobetjö öibakobe, ökwödönö metji̧bobö. Ja̧danö, jobadö tjiwene wainö yöba̧ladöma, wiyuli mötjö juluwanö nijakwö jwibachö meibi̧danö, jobadöma ödötjö ichajadö juluwanö ökwödönö metjibakobe.

Josué 9:6

Ikenama, ja̧ jawa emajadö, ju'wedöma Josue ö̧jobekwö tji̧'yinobe Guilgalbe, jobadökwö yötja̧lakwawobö. Jobe ichibajadö, Josuenöbi, ju'wedö israel jojodötjö luwedönöbi yötja̧linobe baikwö: —Ökwödö diteboma, jwiinö ödöobe, ja̧danö ökwödö israel jojodökwö, dösölö̧jinö ölakwabikwawökönö dö̧ja̧kwa̧ wene yöbawö dujunobö dösödobe, ökwödöbi, israel jojodöbi bakobe dösölö̧jinö dö̧jakwa̧ wene yöbawö dujunobö, —jö̧ba̧lö yötja̧linobe.

Josué 9:9

Abebö a̧ja̧kwawö̧, —Ökwödö kwömöayedöma ditebo jwiinö ödöobetjö dichajabe, Kwuluwo̧ Isabenö Jo̧ Dios ujulu da̧ja̧kwinobetjö̧. Jau, jo̧ba ujuluwi̧ wene da̧ja̧kwijatö, okobe jwiinö Egipto nijitjö ja̧ina wenebi,