2 Reyes 20:13 - Dios Iwene

¹³ Tjichibiökwe, ösödinobe Ezequiasma, —Otiwanö kwichaduwajabe chömöledö, —jö̧ba̧lö. Ja̧danö, Ezequiaskwö tjö̧jonö, okobe jwiinö itea jobadönö i̧sȩbinobe, nöinö mikwawi̧ jawa lödawejunö ujuna̧li̧ jawabi, ölakwabikwawa jawa ujuna̧li̧bi, okobe jwiinö ju'wi jaye ko̧ko̧dö lödawejubiyanö ujuna̧li̧bi. Okobe jwiinö iteda ejunö ji̧bi, ju'wi itebonö ji̧bi tojökönö i̧sȩbinobe Ezequiasma.

2 Reyes 20:13 ပူးပေါင်းရင်းမြစ်များ

1 Reyes 10:10

Ja̧danö, jejenö yöba̧laju, jichejebina jawatjö jiyinobe Salomonnö. Orotjö, cuatro mil kilo jenanö jiyinobe, ja̧danö nöinö mikwawi̧ inawiyabi jiyinobe, ja̧danö jwiinö nöinö mikwawi̧ omewi̧ jawabi jiyinobe. Isabenö nöinö omewi̧ jawa Salomonnö jiyinobe ja̧ mölema, ja̧ möletjö baikwö bajalenö, la'akatjöda nöinö omewi̧ jawa jichejebinajaye ichejeböködö jojodöma, isabenö yelösöda nöinö jichejebinobetjö̧.

1 Reyes 10:15

Ju'wibi, o̧ba bakwabakwena, Salomon ömöayedöma ba̧kwelöjatebö nöinö impuestos ötjabi̧ balada tjimidinobe, nöinö kwebachö tea iyabidöbi, ju'wedö tea iyabidöbi, arabe jojodötjö la'aka luwedöbi, israel nijitjö gobernadorbedöbi. Jo̧kwajabetjö̧ ju'wi emaja̧kwö, ömöayedö tjimidaja̧kwö, o̧ba bakwabakwena isabenö yelösöda nöinö oro eminobe Salomonma.

1 Reyes 10:2

Jelobetjö ichaju, ba̧jȩkwadö jömöayedökwö jichibinobe Jerusalenbe, ja̧danö ju'wibi ja̧jwi̧mu kamellodö tjoma'anö nöinö orobi, omewi̧ jawabi, nöinö mikwawi̧ inawiyabi ichejebö jichibinobe. Ichibaju, Salomon öba a'o ji̧'yinobe Saba la'aka luwujuma, ja̧danö ichibaju, okobe jwiinö abebö ja̧ja̧kwobö jö̧ja̧li̧ jawa jo̧banö abebö ja̧ja̧kwinobe.

1 Reyes 10:25

Ja̧danö, o̧ba bakwabakwena, jelobetjö ichajadö Salomon öba a'o tjichibobö tjichenama, Salomonnö tjiyakwa̧ jawabi tjichejebinobe, platabi, orobi, kamiji̧do̧bi, ölakwabikwawa jawabi, omewi̧ jawabi, kabayudönöbi.

2 Reyes 20:14

Jemi ikenama Dios yöawi̧ yöbawo̧ Isaiasma ichibö, la'aka luwo̧ Ezequiasnö abebö a̧ja̧kwinobe: —Idöma dakwö yötja̧linada? Ja̧danö, didö tjitebotjö tjichinada? —jö̧ba̧lö. Aebökwe, —Ödö tjitebotjö tjichinobe, Babilonia nijitjö, —jö̧ba̧lö atadinobe Ezequiasma.

2 Reyes 20:15

Atadökwe, —Kwejunö ji̧ jawatjö, diya jawa tjedinada? —jö̧ba̧lö abebö a̧jakwinobe Isaiasma. Aebökwe, —Okobe jwiinö chejunö ji̧ jawa tjedajabe, ja̧danö okobe jwiinö lödawejubiyanö ji̧ jawabi tjedajabe, ju'wi jayebi tojökönö, okobe jwiinö chi̧sȩbajabe, —jö̧ba̧lö atadinobe Ezequiasma.

Proverbios 23:5

Isabenö yötawa: Ja̧ baladama juluwanö 'dö̧ibaji̧ jawa. Wanedö yötawakwö: Kwu̧kwa̧ baladama, pjiyuwa köa̧li̧danö o̧wa̧ja̧pa̧ juluwanö pokwibö jelobekwö köa̧li̧. Jao, juluwanö 'dö̧ibaji jawa. Ja̧danö, kwujuna̧li̧ baladadama juluwanö 'dö̧ibaji̧ jawaobetjö̧ kwemobö ö'wachökönö kwotidoko.

Isaías 39:2

Tjichibiökwe, ösödinobe Ezequiasma, —Otiwanö kwichaduwajabe chömöledö, —jö̧ba̧lö. Ja̧danö, Ezequiaskwö tjö̧jonö, okobe jwiinö itea jobadönö i̧sȩbinobe, nöinö mikwawi̧ jawa lödawejunö ujuna̧li̧ jawabi, ölakwabikwawa jawa ujuna̧li̧bi, okobe jwiinö ju'wi jaye ko̧ko̧dö lödawejubiyanö ujuna̧li̧bi. Okobe jwiinö iteda ejunö ji̧bi, ju'wi itebonö ji̧bi tojökönö i̧sȩbinobe Ezequiasma.