Ja̧danö, pebibajadö, Davidbi jo̧bakwö kwebachadöbi tupakwö Majanayin comunidadbe tji̧'yinobe. Ja̧danö, Ajitofel waisanö lȩebaja̧ Absalon a̧ja̧kwiökökwe, Ajitofelma öwaisinobe, Davidnö ujuluwobö omukwati̧ waekwakobe jö̧ba̧lö. Jo̧kwajabetjö̧ ajwi bulu oma'anö wanawaka wanajo̧, bulunö wa̧nö ȩwa̧jinobe itebo comunidad Guilobe. Jobe ichibö, woaja̧ ikena jawa ömöledönö weinobe, ö'wö batibaja̧ ikenama chitea jawa baikwö ja̧baduwi jö̧ba̧lö. Ikenama, webajo̧, nubawö ö'wö baibinobe. Ikenama ömöledöma Ajitofelnö tjödinobe, abe'donö tjödinemi ötölanö. Ja̧danö, Absalonma israel jojodö ölakwabikwawa jojodökwö Jordan ojwe peibinobe, Davidnö lubö.
2 Reyes 20:1 - Dios Iwene1 Ja̧ möle jenanö, la'aka luwo̧ Ezequiasma jwiinö 'dö̧achinobe, ö'wö baibo jö̧a̧lenanö. Ja̧danö, Dios yöawi̧ yöbawo̧ Isaiasma ichibö yöawinobe, —Baikwö yöawobe Isabenö Jo̧ma ökwönö, –Juluwanö ö'wö bakibakwo̧ja, bi̧ya kwö'wöchi̧tjö kwö̧bibajökakwo̧ja, jo̧kwajabetjö̧ ö'wö bakibaja̧ ikena jawa webö yökawo kwömöledönö, —jö̧ba̧lö yöawinobe Isaiasma. အခန်းကိုကြည့်ပါ။ |
2 Reyes 20:1
15 ပူးပေါင်းရင်းမြစ်များ
La'aka luwo̧ Ocozias öba a'o ichibajo̧, jo̧banö yöawinobe Eliasma: —Baikwö yöawobe Isabenö Jo̧ma ökwönö: –Ocozias, ökwöma kwömöayedönö weköbatö, Ecron jojodö tjösödökwe Baal Zebub ötjabökwenö abebö tja̧ja̧kwobö, jö̧tö? Tajawedö jobekwö weköbaja̧da? Kwedemi bemi israel nijitjö, Dios deobetjö̧, ju'wedö tjitebo jojodö tjösödökwenöda abebö kwa̧ja̧kwobö jo̧beji̧? Ötjönöda abebö kwa̧ja̧kwo jö̧ka̧lajabe. Jo̧kwajabetjö̧ baledakwa̧ baikwö yötawakwö, kwö̧bapjo kamapjotjö a̧la̧ibökönö, isabenö ö'wö bakibakwo̧ja, –jö̧ba̧lö yöawobe Isabenö Jo̧ma, —Ocoziasnö yöawinobe Eliasma.
Jobekwö sulabenö abebö kwi̧'yaduwiökwe, baikwö yöawobe Isabenö Jo̧ma, kwuluwo̧duwi Ocoziasnö: -Ökwöma kwö̧bapjo camapjotjö kwa̧la̧ibökakwo̧ja, isabenö a̧la̧ibökönö, ö'wö bakibakwo̧ja, –jö̧ba̧lö yökawo Ocozias ömöayedönö, —jö̧ba̧lö weinobe angelma. Ja̧danö weökwe, a̧la̧ibö i̧'yinobe Eliasma, ja̧danö weaja̧danö yöawinobe Ocozias ömöayedönö.
Jemi ikenama Isabenö Jo̧ma Moisesnö yöa̧linobe, —Moises, ö'wö bakibakwa̧ mölema ida̧ökö yöneawachibobe. Jo̧kwajabetjö̧ Josuenö jwököbo, kwö̧jobekwö ichobö, ja̧danö jo̧bakwö chejube chöba a'o kwi̧sȩkwaduwobö kwicho, israel jojodö tjuluwo̧ baibanö Josuenö 'da̧batö chujunakobetjö̧, —jö̧ba̧lö. Yöa̧liawö̧, Moisesbi, Josuebi Dios ejube tji̧'yinobe, Dios öba a'o tji̧sȩkwobö,
Ja̧danö, Isabenö Jo̧ma yöawinobe: —Moises, ökwöma juluwanö kwa'dödökwö bakibanö ö'wö bakibakwo̧ja. Ikenama, ö'wö bakibaja̧ ikenama, bidö kwömöledö israel jojodöma juluwanö sulabenö ja̧tja̧kwedö, baikwö wanedö yötawa, bakwuju jilekwamuböködökwö sulabenö 'da̧'da̧bakwawö jalewi̧danö, bidö israel jojodöma juluwanö ju'wedö tjösödawö̧ o̧'wo jawanö tjösödakwedö. Jau Moises, bakobe jobadökwö isabenö ötjönöda tjösödobö yöbawö dujuninajayonö, juluwanö ötjönö kabatibö, tjitebonö tjö̧'da̧de ju̧kwadö tjösödawö̧nöda tjösödakwedö, sulabenö.
Isabenö kwa̧ja̧kwinaduwadanö ö'wöchinobe chömöledö, ja̧danö ö'wö baibo jö̧a̧linobe, nöinö ö'wöchobetjö̧. Jo̧kwaijayonö Diosma jo̧banö lȩlö̧jinö edö pjaatinobe chömöledö, ja̧danö ötjönöbi lȩlö̧jinö edö Epafroditonö pjaatinobe chömöledö, ö'wö baibitjö̧ ajayinö cho̧'wo̧ tjo̧achi̧tjö bajalekwönönö cho̧'wo̧ tjo̧achapji jö̧ba̧lö.
Jau chömöledö, jo̧ba Epafroditoma, Cristo jawa otidobetjö̧, ö'wö baibo jö̧a̧linobe. Jau chömöledö, ökwödö Filipos jojodöma ötjönö pjakataduwobö jö̧ka̧linaduwijayonö, jelobe kwö̧jaduwobetjö̧, jo̧banöda weköbinaduwobe, kwimiduwinö ötjönö pjaato jö̧ba̧lö. Ja̧danö, ja̧ weköbaduwi̧ otidobetjö̧ ö'wö baibo jö̧a̧linobe, jo̧kwajabetjö̧ jo̧banö otiwanö kwomukwataduwonö chömöledö.
ကြော်ငြာတွေ