2 Reyes 2:19 - Dios Iwene

¹⁹ Ja̧danö, Jerico comunidad jojodöma Eliseonö yötja̧linobe, —Duluwo̧ Eliseo, kwöwaisa, wamenö bemi comunidadma, otiwobe ja̧dösa, jö̧tö? Jo̧kwaijayonö, wamenö otiwobe ichejekwijayonö, bemi ojwese'dotjö, ojwiyo sulobuda welachobe, ja̧danö sulobuda dowobetjö̧, bemi nijinö ju̧kwadöma di̧tji̧munö emöködösa, —jö̧ba̧lö yötja̧linobe.

2 Reyes 2:19 ပူးပေါင်းရင်းမြစ်များ

1 Reyes 16:34

Ja̧danö ju'wibi baledinobe Acab la'aka luwo̧ ö̧jenama. Damötjö, israel jojodö ajayinö tjitebo niji tebachö, Jerico comunidad söbebö lotjenama, Josue yöawinobe, —Bemi comunidad la'akatjöda tjotidobö jwiobe, baikwö yötawa: Bemi comunidad yemidanö tjotiditjö̧ma, otidakwo̧ comunidad la'aka jamatö otidenama, iteda itji̧ abönö pöema ö'wö baibakobe, ja̧danö otidö kabatö comunidad apjude ujunenama, itji̧ bajaleapo jojo ö'wö baibakobe, —jö̧ba̧lö. Ja̧danö, Acab luwo̧ ö̧jena, Betel comunidad jojo Jiel mikwo̧ma yemidanö otidinobe Jerico comunidadma, ja̧danö otidenama, Josue yöawinadanö badekwachinobe. Comunidad la'aka otidenama, Jiel itji̧ abönö pöe Abiran mikwo̧ma ö'wö baibinobe, ja̧danö otidö kabatö comunidad apjude ujunenama, Jiel itji bajaleapo jojo Segub mikwo̧ma ö'wö baibinobe, Josue damötjö lȩbebö yöawinadanö.

1 Reyes 18:13

—Isabenö Diosnö ösödo̧sa chuluwo̧, ökwönö yötjawinökiji̧ Isabenö Jo̧ yöawi̧ yöbawadönö pjatatina wenema? Jezabel Isabenö Jo̧ yöawi̧ yöbawadönö kwabawö lojinenama, Dios yöawi̧ yöbawadö cienbedönö pjabatö, inawa ötöla bakwölanö cincuentabedönö chotojijatö, ja̧danö jelölanö cincuentabedönö chotojijatö, jadanö tojajo̧, kwakwawabi, ojwiyobi jobadönö iyö pjatatijatö, ja̧ wene ökwönö yötjawinökiji̧?

1 Reyes 18:7

Ja̧danö, Abdias i̧'yemi ja'ötjö, Eliasma jo̧bakwö öbadekwajinobe, ja̧danö Eliasnö edö öwaisachibinobe Abdiasma, ja̧danö nijakwö bȩbachibö abebö a̧ja̧kwinobe, —Chuluwo̧ Elias, isabenö ökwödaji̧?

2 Reyes 2:18

Ja̧danö, isakwö kabatajadö, Jericobe tjȩwa̧jenama, Eliseoma ina Jericonö ö̧jinobe, ja̧danö badekwajökönö tjichibiökwe, —Yöta̧linadanö jo̧be, jö̧tö? Belö yötawijatö, kwisakwaduwobö jwiobe, kwa̧ja̧kwaduwo jö̧ka̧linaduwobe, —jö̧ba̧lö.

2 Reyes 2:20

Yötja̧lökwe, jobadönö weinobe Eliseoma, —Deja̧pa̧ 'yayapa̧ ichejebaduwi, ja̧danö ja̧pa̧nö sayu anaduwi, —jö̧ba̧lö weinobe. Weawö̧, weaja̧danö tjichejebinobe.

Éxodo 15:23

Ja̧danö, tupakwö 'ya̧nö Mara mikwobe ichibö ojwese'do ji̧jayonö jwiinö o̧'di̧awö̧ tjowoböma jwiijetö. Je'dotjö ojwiyoma o̧'dobetjö̧ jobema Mara, jö̧ba̧lö, mikwinemi.

Éxodo 23:26

Ja̧danö, ötjönöda kwösödaduwitjö̧ma pjatatakwo̧sa ya̧dö metu'wadönöma, tjemunö 'debawö lotjokobö. Ja̧danö, okobe deinö Israel jojodö ya̧döma tjemunö tjemakwedö, bakwujubi tjemunö debö̧kö̧ju tjö̧jinö. Ja̧danö, lekwe mölȩ kwö̧jaduwobö pjatatakwo̧sa.

Éxodo 7:19

Ina webijetö: —Faraónnö yöba̧lö kwö̧jonö Aarónnö weköbo kwotokwa'o do̧ba̧lö kabebö i̧sebo ojwe wamenö. Jejenö i̧sebenama, okobe jwiinö Egipto ojwebiyanö, pjei̧ ödöbiyanöbi, o̧jwese'dijunöbi, o̧pesobubiyanöbi i̧sebi̧danö baibakobe. Jejenö i̧sebo weköbo, okobe jwiinö Egipto ojwema kwu̧kwinöda baibanö ji̧nö. Aarón jejenö i̧sebena okobe jwiinö Egiptonö ojwebiyama kwu̧kwinöda baibakobe. Ojwiyoma balde'dijunö towitjö otikwa o'dijunö okwi̧bi, pa̧la̧ka'dijunö okwi̧bi, kwu̧kwinöda baibakobe Egipto nijinö— jö̧ba̧lijetö Isabenö Jo̧ma Moisésnöma.

Deuteronomio 28:11

—Isabenö Jo̧ otiwanö pjaatakwawö̧ja isabenö nöinö juna̧ladö bakibaduwanö. Kwitji̧muduwibi tjö̧ba̧jekwachobö pjaatakwawö̧ja, ja̧danö kwajwimuduwi pakayadö tjö̧ba̧jekwachobö pjaatakwawö̧ja, ja̧danö kwöbatjoduwi wa̧ji̧ nöinö wa̧jö̧ ba̧jekwachobö pjaatakwawö̧ja. Jau chömöledö, damötjö̧ Isabenö Jo̧ma kwa'dödönö yöbawö ujuninobe, kwiteboduwi niji ökwödönö iyobö, ja̧danö wei̧ a̧ja̧kwö kwö̧jaduwitjö̧ma, ja̧ nijinö otiwanö kwö̧jaduwobö pjaatakwo̧.

1 Timoteo 5:17

Ja̧danö, Jesúsnö ösödadönö te'ada̧lakwawa luwedönö yötawa. Jesúsnö ösödadönö te'ada̧lakwawa luwedöma, otiwanö te'ada̧lö tjö̧jitjö̧ma, tjite'ada̧lawö̧ Jesúsnö ösödadöma jobadönö tjösödobö jo̧be, otiwanö jobadönö omukwatöbi, böjȩ tjö̧ji̧ jawa pjabatöbi. Ja̧danö, te'ada̧lakwawa luwedötjö nöinö Dios iwene yöbawö, nöinö Jesúsnö ösödadönö ba̧ja̧dö otidadönö isabenö tjösödobö jo̧be, otiwanö omukwatöbi, böjȩnö tjö̧ji̧ jawa pjabatöbi.

Josué 6:17

Ja̧danö, Isabenö Jo̧ Diosnö iyawa baibanö, okobe jwiinö comunidad söbebö loköbaduwobö ja̧kobe, okobe deinö jojodönöbi, tjajwimunöbi, tjiteabi jwiinö söbebö loköbaduwobö ja̧kobe. Okobe deinö bemi comunidad jojodötjö, sule jilekwamuböködökwö 'da̧'da̧bakwawö ju̧ju̧ Rajab mikwujuda, ja̧danö jejunö ju̧kwadöda tjö̧jibakwedö, Rajabma otiwanö dömöledö Jerico tjedobö wedinawö̧nö pjajatinobetjö̧.

Josué 6:26

Ja̧danö ja̧ möle Josuema jojodönö yöawinobe: —Isabenö bemi comunidad yemidanö tjotidobö jwiobe. Isabenö lȩebakwo̧ Isabenö Jo̧ma, bemi comunidad otidakwo̧nö. Baikwö lȩebakwa̧ wene yötawa, bemi comunidad otidakwo̧ jamatö comunidad la'aka otidenama, itji̧ abönö pöema ö'wö baibakobe, ja̧danö otidö kabatö comunidad apjude ujunenama, itji̧ bajaleapo jojo ö'wö baibakobe. Isabenö bemi comunidad otidakwo̧nö lȩebakobe Isabenö Jo̧ma, —jö̧ba̧lö yöawinobe Josuema.