2 Reyes 2:13 - Dios Iwene

¹³ Ja̧danö, Elias mölejȩbe kaekwajenama, ökamiji̧do̧ wamesa̧do̧ma nijakwö meinobe, jo̧kwajabetjö̧ ja̧do̧ eminobe Eliseoma. Ja̧danö, tjeachajinobe Jordan ojwebe, ja̧danö ojwe ö'öbö öjamatinobe.

2 Reyes 2:13 ပူးပေါင်းရင်းမြစ်များ

1 Reyes 19:19

Weökwe, jobetjö labebö ȩwa̧jinobe Eliasma, ja̧danö Safat itji̧ Eliseonö öbadekwajinobe, pakayadökwö batjo sobö otido̧nö. Ja̧yu Eliseo otidayunö, veinticuatro pakayadöma du̧ju̧tajakwena sobö tjotidinobe, ja̧danö Eliseoma bajaleapo otidadönö jwebebö sobö otidinobe. Eliseo ipjeanö baledö, Eliasma iteda ökamijido̧ wamesa̧do Eliseonö öwaninobe, —Dios omudawö ujunökweja, —jö̧ba̧lö, ja̧danö wanajo̧, tupakwö kweachinobe.

1 Reyes 9:26

Ju'wibi otidinobe la'aka luwo̧ Salomonma. Jwaibalawa Duwobutjö, Edom niji comunidad Elat yöneawemi Ezion Gueber tjolatjö isowibiya owiyawi̧ otidinobe, tea emö kwetjachobö.

2 Reyes 2:12

Ja̧ baledi̧ edinobe Eliseoma, ja̧danö edö jwöeba̧linobe, —Chabe'do Elias, chabe'do. Ökwö Israel niji ju̧kwadötjö inesö tjöbeba̧lö pjabato̧nö Dios emajabe!—jö̧ba̧lö. Ja̧danö, Eliseo ö̧jelö debi baibinobe Eliasma, edökenanö. Jobekwö edajo̧, o̧'wo tjo̧achö iteda ökamiji̧do̧ kȩ'ekwö loinobe, dö̧do̧lataja baibanö.

2 Reyes 2:14

Ichibajo̧, Elias iteaja̧ wamesa̧do̧ 'bo̧dibö ojwenö kwabö yöa̧linobe, —Eliasnö pjabatina Isabenö Jo̧ Diosma ötjönöbi Dios ujulu chi̧sȩbobö pjaatakwa̧ji̧? —jö̧ba̧lö. Ja̧danö, kwaenama, bakwachobebi, bakwachobebi lamatinobe ojwema, ja̧danö ö'wejenö öbaledinobe.

2 Reyes 2:8

Ja̧danö, ojwe ö'öbö ichibajadö, Eliasma ökamijido̧ wa̧mesa̧do̧ 'bo̧dibö, ojwenö kwainobe, ja̧danö kwaenama, ö'wejenö 'da̧bachibö bakwachobebi, bakwachobebi lamatinobe, ö'wejenö mana kököama lamatinö. Ja̧danö, Eliasbi, Eliseobi mana kököamabenö tjöbaledinobe, ojwe bakwachödöbe.

Hebreos 11:37

Ja̧danö ju'wedönö, Diosnö tjo̧'wo̧ wana̧ladönöma inawiya tjikwawinobe. Ja̧danö, ju'wedö Diosnö tjo̧'wo̧ wana̧ladönöma bulabinö lotjinobe, ja'ösedönöbi. Ja̧danö, ju'wedö Diosnö tjo̧'wo̧ wana̧ladönöma kwölöte ödöötenö dodobö lotjinobe. Ja̧danö, ju'wedö Diosnö tjo̧'wo̧ wana̧ladöma yelösöda jwibinadö. Jobadöma usulasedöda kwetjachinobe obeja i̧sȩdo̧tjö, chiwo i̧sȩdo̧tjö otikwado̧da 'dubawö. Jejenö tjuju̧kwinobe usula emawö inia tjötjinö ja̧tjawö̧.

1 Samuel 28:14

Jatadökwe, —Dakwö ichejekwo̧? —jö̧ba̧lö aeboko, —Pöema a̧la̧ibö öwawachobe, wamesa̧do̧ ödöado̧ jwabawo̧ma, —jö̧ba̧lö yöjawinobe. Yöjawökwe, Saulma öwaisachibinobe, isabenö Samuelda jö̧ba̧lö, ja̧danö öba nijakwö, bȩachibinobe.