2 Reyes 19:37 - Dios Iwene

³⁷ Jo̧kwaijayonö, jobe ö̧jemi ja'ötjö, baikwö baledinobe: Ju'wi möle iteda ösödökwe Nisroc eju okwa tebachö, ösödökwe o̧'wo jawa ösödemi ja'ötjö, itji̧mu Adramelec mikwo̧bi, Sarezer mikwo̧bi kwölöte'onö dȩdȩbö lotjinobe tjabe'donö, ja̧danö dȩdȩbö lobajadö, jobetjö labebö dötjibajinobe Ararat nijibe. Jemi ikenama Senaquerib itji̧ Esarjadon mikwo̧ma, abe'do ö̧jinemi Asiria jojodötjö inesö la'aka luwo̧ baibinobe.

2 Reyes 19:37 ပူးပေါင်းရင်းမြစ်များ

2 Reyes 17:31

ja̧danö avitas jojodöma tjösödawö̧ Nibhaz ötjabökwe o̧'wo jawabi, Tartac ötjabökwe o̧'wo jawabi tjotidinobe, ja̧danö otidajadö jobadönö ösödö tjö̧jinobe. Ja̧danö Sefarvaim jojodöma Adramelec ötjabökwe o̧'wo jawabi, Anamelec ötjabökwe o̧'wo jawabi tjotidinobe, ja̧danö otidajadö, jobadö Sefarvain jojodö tjösödawö̧nö ösödö, idöda tji̧tji̧munö kwabö juwö tjiyinobe.

2 Reyes 18:30

Jau, Ezequiasma ökwödönö yöa̧lena, –Isabenö Jo̧ma isabenö dö̧jibinö pjaatakwo̧, ditebo comunidad Asiria la'aka luwo̧ ujuluwapji jö̧ba̧lö, dö̧jibinö pjaatakwo̧, –jö̧ba̧lö yöa̧lena. Jobekwö yöa̧litjö̧ma, yöa̧li̧ kwösödaduwoko, isabenö waekwakobetjö̧.

2 Reyes 18:5

Ezequiasma jwaikwöda o̧'wo wa̧na̧lö, Isabenö Jo̧ israel jojodö tjösödökwe Diosnö ösödö ö̧jinobe. Okobe deinö Juda la'aka luwedö Ezequias abönö ji̧nadötjöbi, ikena ji̧nadötjöbi bakwo̧bi Ezequiasdanöbo̧ma Diosnö o̧'wo wana̧lo̧ma deinobe.

2 Reyes 19:10

—Juda niji la'aka luwo̧ Ezequiasnö baikwö yöbawö kwi̧'yaduwo: –Ezequias, isabenö ötjö Asiria luwo̧ chujulutjö kwö̧jibobö jwibo̧ja. Kwösödökwe Diosma ökwönö yöa̧lobe, -Asiria la'aka luwo̧ma Jerusalen comunidad ujuluwökakwo̧, -jö̧ba̧lö, jo̧kwaijayonö ö'öbönö kwomukwatobö öibijayonö, Dios ökwönö omöna yöa̧li̧ kwösödoko Ezequias.

2 Reyes 19:17

—Jau chuluwo̧ Dios, isabenö yöa̧laja̧danö, Asiria la'aka luwedöma okobe deinö tjitebotenia jojodönö tjujuluwinobe, ja̧danö tjitebo niji suli̧ waedö söbebö lotjinobe.

2 Reyes 19:31

—Jau Ezequias, ökwödö Juda jojodötjö Asiria jojodö tjujulutjö ji̧bajadöma, o̧bukwedöda kwö̧jaduwijayonö, Jerusalentjö labebö Juda nijinö kwö̧jaduwakwedöja, isabenö ji̧bajadö Sion mösa'otjö otiwanö lakebaduwakwedöja. Jobekwö isabenö baledakobe Ezequias, Isabenö Jo̧ Dios jobekwö ökwödönö pjaatobö jö̧a̧lobetjö̧.

2 Reyes 19:7

Baikwö yöta̧lakwö baledakwa̧ma: Asiria la'aka luwo̧ omukwati̧ balewö lotocha, ja̧danö ju'wedö yötja̧li̧ a̧ja̧kwobö wetocha. Ja̧danö yötja̧li̧ a̧ja̧kwajo̧, iteda itebobe ȩwa̧ja̧kwo̧. Jemi ikenama, iteda itebo nijinö ö̧jonö, ju'wedö dȩdȩbö lotjökwe ö'wö baibobö wetakwo̧sa, –jö̧ba̧lö Isabenö Jo̧ yöawi̧ yökawaduwo kwuluwo̧duwi Ezequiasnö, —jö̧ba̧lö yöawinobe Isaiasma.

Deuteronomio 32:31

Jobadö döpöjojodö tjo̧'wo tjöwana̧lawö̧ma, ökwödö duluwo̧ inesö inawadanöbo̧ ujuluwi̧danöma juluwöködö, döpöjojodöbi edö tjöwaisobe, ökwödö dösödökwe Diosma jobadö tjösödawö̧tjö bajalekwönönö juluwo̧, jö̧ba̧lö.