2 Reyes 19:25 - Dios Iwene

²⁵ Jobekwö yöka̧litjö̧, baikwö atadö yöta̧lakwö: Kwa̧ja̧kwinökiji̧, ötjö Diosda jobekwö kwujuluwobö webinasa. Damötjö ja̧ baledakwa̧ omukwatö chujunijatö, damötjö ajayinö ji̧nadö tjö̧jayi ida̧ökö baledakwa̧ omukwatö chujunijatö, ja̧danö babe omukwatö chujuninadanö badekwachinö baledobö wetobe. Jau, omukwatö chujunijatö tjöbebö tjotidina comunidad kwujuluwobö, ja̧danö pjolö lobö, mö japopo baibanö söbebö loköbobö.

2 Reyes 19:25 ပူးပေါင်းရင်းမြစ်များ

Isaías 10:15

—Jobekwö ötjö Diosnö omukwatökönö sulabenö yöa̧li̧tjö̧, baikwö yöta̧lanö Asiria la'aka luwo̧nö: Bakwo̧ o̧tomo'anö towibiya juenama, o̧tomo'a jö̧a̧lenaji̧, –Ötjö o̧tomo'ama ötjönö do̧ba̧lö jubo̧tjö bajalekwönönö juluwo̧sa, –jö̧ba̧lö jö̧a̧lenaji̧? Ja̧danö löawakama, –löbo̧tjö bajalekwönönö mikwakasa, –jö̧ba̧lö yöa̧lenaji̧? Kwöwaisaduwa, ja̧maökö, jö̧tö? Jojoda ö̧sö̧'a kabebo̧ kwabo̧ma, ö̧sö̧'ama la'akatjöda jojodönö kabebö kwaö̧kö̧'a, towitjö otikwö̧'a ö̧sö̧'ama la'akatjöda towitjö otikwöködönö kaebö̧kö̧'a, jö̧tö? Jo̧kwaijayonö, ite Asiria la'aka luwo̧ma, sule chitea ö̧sö̧'adanö ichejekwijayonö, ötjönö omukwatökönö, –Ötjöda juluwo̧sa, –jö̧ba̧lö sulabenö omukwato̧.

Isaías 45:7

Jau, ötjödasa dewi̧ otido̧ma, ja̧danö yȩa'wobi otido̧ma ötjödasa. Ötjödasa wene jwiinö tjö̧jobö pjabato̧ma, ja̧danö ju'wibi suli̧ waekwö wene tjujuna̧lobö webo̧bi ötjödasa. Okobe jwiinö ja̧ jawa otido̧ma, ötjö Isabenö Jo̧ Diosda, jö̧ba̧lö yöa̧lobe Diosma, omudawö ujuninökwe Cironö.

Isaías 45:8

Ju'wibi yöa̧lobe Diosma: Mölȩjȩbe ji̧ ojwiyo'wotjö ojwiyo o̧benama, niji okwa söbibö, batjo otiwanö pokwobö pjaati̧, ja̧danö otiwanö wa̧jobö pjaati̧, jö̧tö? Jobekwö chömöledönö baledobö weta, baikwö wanedö yöta̧la: Mölejȩbetjö ji̧bakwawa tjoduwobö weta, mölejebetjö jojodö tjö̧jibinö pjaatakwawa tjoduwobö weta, bö̧jȩnö söibena otiwanö tjö̧jibakobetjö̧, ja̧danö otiwanö weti̧ a̧ja̧kwö tjö̧jakobetjö̧. Ötjö Isabenö Jo̧ma, jobekwö baledobö otido̧sa, jö̧ba̧lö yöa̧lobe Diosma.

Isaías 54:16

Jau Jerusalen, bi̧ya wene kwomukwato: Ölakwabikwawa jawa otido̧ma, ökwöla ubö̧'a pjubö tubedö otido̧, ölakwabikwawa jawa otidakobetjö̧, jo̧kwaijayonö jo̧banö otidinama ötjödasa. Ja̧danö jojodönö ölakwabikwawö suli̧ waedadönö otidinabi ötjödasa.