2 Reyes 18:37 - Dios Iwene

³⁷ Jemi ikenama, Eliaquinbi, Sebnabi, Joabi, yöbawo̧kwö yöba̧lakwawajadö, tjuluwo̧ Ezequias ö̧jobekwö tjȩwa̧jinobe, yötja̧lakwawaja̧ yötjawobö. Jwiinö o̧'wo tjo̧achö, tjökamisi kȩekwö lotjinobe, ja̧danö kȩekwö lobajadö, Ezequias öba a'o ichibö yötjawinobe, yöbawo̧ yöa̧laja̧ jawama.

2 Reyes 18:37 ပူးပေါင်းရင်းမြစ်များ

Génesis 37:29

Ja̧danö, Josénö mikwanö jö̧ba̧lö tjiyena abönö pöe Rubén, öjawo̧ Josénö pjaatobö jö̧ba̧lo̧ma debijetö. Wajwibijetö ö̧ja̧wo̧dö Josénö mikwanö jö̧ba̧lö tjiyaja̧ma. Ikenama ȩwa̧bijö jo̧bama laju jo̧bekwö 'ya̧wibö edemi öjawo̧ Joséma debijetö. Jejenö edö jwiinö o̧'wo̧ tjo̧ baibiökwe ökamijido̧ kȩ'ekwijetö, o̧'wo̧ tjo̧ekwi̧ i̧sebö.

Génesis 37:34

Ja̧danö, Israelma yelösöda o̧'wo̧ tjo̧ baibökwe ökamijido̧ kȩ'ekwijetö. Ikenama leluwo̧ babibajo̧ma, pjewökado̧ 'dubawijetö. Itji̧minenö omukwata̧lö o̧'wo̧ tjo̧bekwijetö lekwe möle.

2 Samuel 8:16

Ja̧danö David ömöayedötjö luwedöma, bidö: Sarvia jitji̧ Joab mikwo̧ma, ölakwabikwawa jojodö tjuluwo̧ ö̧jinobe. Ajilud itji̧ Josafat mikwo̧ma, baledaja̧ wene wȩyukwa luwo̧ ö̧jinobe.

2 Reyes 18:18

Ichibajadö, inesö la'aka luwo̧ Ezequias ichobö jwötjinobe, ja̧danö ichibö jwötjiawö̧, Ezequias ömöayedöma jobadökwö yötja̧lakwawobö tji̧'yinobe, Ezequias eju teada̧lakwawa luwo̧ Eliaquin mikwo̧bi, wȩyukwa luwo̧ Sebna mikwo̧bi, weawa wȩyu̧kwa luwo̧ Joa mikwo̧bi.

2 Reyes 18:26

Jobekwö Juda jojodö tjiwenenö yöa̧liawö̧, Eliaquinbi, Sebnabi, Joabi yötja̧linobe, —Ökwödö kwömöayedöma, kwiwene arameo waisadösa, jo̧kwajabetjö̧ kwiwenenöda yöka̧lodönö. Ju'wedö Juda jojodö comunidad tjöekwemi ja̧dö tja̧ja̧kwa̧lonö, Juda jojodö diwenenö yöka̧loko, yöda̧lakwawi̧ tja̧ja̧kwapji jö̧ba̧lö, —yötja̧linobe.

2 Reyes 18:36

Ja̧danö jobekwö yöa̧li̧awö̧, atadökönö tjö̧jinobe, Jerusalen jojodöma. Ajayinö la'aka luwo̧ Ezequiasma jweinö weinobe, —Yöbawo̧ yöawi̧ a̧ja̧kwajadö, kwatadaduwoko, —jö̧ba̧lö, ja̧danö wei̧ a̧ja̧kwö atadökönö wi̧inö tjö̧jinobe.

2 Reyes 19:1

Asiria luwo̧ yöa̧laja̧ yötja̧liökwe, inesö la'aka luwo̧ Ezequiasbi jwiinö o̧'wo tjo̧achinobe, ja̧danö o̧'wo tjo̧achö, ökamiji̧do̧ kȩ'ekwö loinobe. Ikenama o̧'wo tjo̧achadö 'dubawajitja̧do̧ epju̧yunö kalukaa̧do̧ 'duawinobe, ja̧danö 'dubawajo̧, Isabenö Jo̧ ejube i̧'yinobe.

2 Reyes 22:11

Ja̧danö, Safan Dios wȩi̧ wȩyukwa'ye yöa̧li̧ a̧ja̧kwö, o̧'wo tjo̧bekwibö ökamiji̧do̧ kȩ'ekwö loinobe Josiasma, —Ayö, Dios öba a'otjö wene juna̧ladösa, —jö̧ba̧lö.

2 Reyes 22:19

ja̧danö a̧ja̧kwajo̧, weti̧ öpöjödökönö, -Isabenö Dios wei̧ cha̧ja̧kwobö jö̧ba̧lo̧sa, -jö̧ba̧lö chöba a'o kwi̧sebajabe. Jau Josias, bemi niji söbebö loawobe baibanö lȩtebakwa̧ wenebi, bemi niji ju̧kwadönöbi inesö lȩtebakwawö̧ batjibanö lȩtebakwa̧ wenebi kwa̧ja̧kwenama, kwökamijido̧ kȩ'ekwö lobö, chöba a'otjö kwubudekwajabe, ja̧danö budekwö akebi̧ cha̧ja̧kwajabe Josias.

2 Reyes 5:7

Jobekwö iyajökwe, yeaibinobe Israel la'aka luwo̧ma, ja̧danö ökamiji̧do̧ kȩ'ekwö lobö yöa̧linobe, —Ötjöma Diosbö̧kö̧sa, ötjöma ö'wö batjibanö wetoböbi, 'yatja̧linö wetoböbi juluwö̧kö̧sa. Siria la'aka luwo̧ ötjönö weaja̧ma, tajawedö weobejö, bite ömöayo̧ ö'wöchi̧tjö ö̧bibajinö pjatatoböma. Ötjönö suli̧ öwaedotö jö̧ba̧lö jobekwö weajena, pjabatökönö chöjiökwe, sulabenö pjabatö̧kö̧ jö̧ba̧lö ötjönö ölakwabikwawakobetjö̧, —jö̧ba̧lö.

2 Reyes 6:30

Jobekwö yöja̧liökwe, jwiinö o̧'wo tjo̧achinobe la'aka luwo̧ma, ja̧danö o̧'wo tjo̧achö, ö̧ka̧miji̧do̧ kȩ'ekwö loinobe. Jobekwö kȩ'ekwö loenama, jojodö tjöba a'o comunidad tjöekwemi wame ö̧jinobe la'aka luwo̧ma, ja̧danö ö̧ka̧miji̧do̧ kȩ'ekwö loenama, ida̧ökö epjuyunö kalukaado̧ 'duawobe tjedinobe. Kweachakwa̧ abönö, okwasa̧do̧ baibanö, la'aka luwo̧ma epjuyunö kalukaado̧ 'duawinobe, ja̧danö wamenö 'duawajiado̧ 'duawinobe, jo̧kwajabetjö ökamijido̧ kȩekwö loenama, jobe ju̧kwadö edö tjöwaisachibinobe, —Aaa, o̧'wo tjo̧achobetjö̧, la'aka luwo̧ 'duawajiado̧ okwa, ida̧ökö o̧'wo tjo̧achö ȩpju̧yunö kalukaa̧do̧ 'dubawo̧tö duluwo̧ma, —jö̧ba̧lö.

Diosnö ösödo̧ Job mikwo̧ usula emawina jawa 1:20

Jejenö yötjawiökwe, Jobma jwiinö o̧'wo tjoachinobe, ja̧danö a̧la̧ibö ö̧kamijido̧ kȩ'ekwö loinobe, ja̧danö öwö'ye jwobawö loinobe, jwiinö o̧'wo tjo̧acho̧sa, jö̧ba̧lö. Ja̧danö, Dios öba a'o mebö bamatö, Diosnö ösödinobe,

Isaías 22:20

—–Ja̧danö ökwönö labebajo̧, ötjöda chömöayo̧nö jwötocha, ökwö kwotidinemi jo̧bada otidakobetjö̧. Chömöayo̧ Jilquias itji̧ Eliaquin mikwo̧nö chujunocha, ökwö kwotidinemi otidobö.

Isaías 33:7

Babe möle, isabenö usula emawadösa! Ditebo comunidad manatjö, ökwödötjö juluwadöma tjo̧'wo tjo̧bekwö jwöbeba̧ladö. Ja̧danö ölakwabikwawökönö dö̧jobö pjabatö yöbawadöma, o̧'wo tjo̧achö budekwadö, —Wene jwiinö dö̧jobö disakwi̧ma waekwobe, ökwödöwe, —jö̧ba̧lö.

Mateo 26:65

Jejenö yöa̧lökwe, ö'weje pjabatadö la'aka tjuluwo̧ma ökamijido̧ kȩ'ekwö lobö yöa̧linobe: —Bitema Diosnö sulabenö yöa̧lajabe. Ökwödöma ökwödöda dölakiyunö jo̧ba sulabenö yöa̧laja̧ da̧ja̧kwobetjö̧, ju'wedö jo̧ba sulabenö ja̧ina edinadönö abebö da̧ja̧kwobö jwiobe, ökwödöda da̧ja̧kwajabetjö̧.