2 Reyes 18:27 - Dios Iwene

²⁷ Yötja̧liökwe, —Ja̧maökö, ökwödökwöda yöta̧lakwawoböma weinokobe chuluwo̧ Asiria luwo̧ma, okobe deinö bai ju̧kwadökwö yöta̧lakwawobö weinökwesa, baikwö yöta̧la: Kwuluwo̧duwi Ezequias chuluwo̧ wei̧ a̧ja̧kwökötjö̧ma, jobadö tjöekwemi wame wa̧döbi usula tjemawakwedö, jwiinö usula kwemawaduwobetjö̧, ökwödöbi jobadöbi a̧wi̧chi̧ tjöbö, ökwödöda kwide'oduwi kwadö bakibaduwakwedöja, ja̧danö jwiinö ojwiyo o̧ti̧ tjöbö, kwibi̧esobu kwowaduwakwedöja. Jo̧kwajabetjö̧ isabenö jobadöbi yöda̧lakwawi̧ tja̧ja̧kwobö jo̧be, Ezequias chuluwo̧ yöawi̧ otiwanö a̧ja̧kwökötjö̧ma, jobadöbi usula tjemawakobetjö̧, —jö̧ba̧lö atadinobe Asiria la'aka luwo̧ yöawi̧ yöbawo̧ma.

2 Reyes 18:27 ပူးပေါင်းရင်းမြစ်များ

2 Reyes 18:17

Jo̧kwaijayonö, jobekwö iyajayonö, yayonö Asiria la'aka luwo̧ma iteda ömöayedönö, ölakwabikwawadötjö la'aka luwo̧nöbi, eju teada̧ladötjö la'aka luwo̧nöbi, yöawi̧ la'aka yöbawo̧nöbi weinobe, ba̧jȩkwadö ölakwabikwawadönö öbibö, Jerusalenbe 'yanö Ezequiaskwö yötja̧lakwawobö. Ja̧danö, Jerusalenbe ichibajadö, kamisi dichawemibe 'ya̧kwawama mananö tjöjamatinobe, möakwö ojwese'dotjö i̧sa̧la sotjinemi bajale ö'öbö.

2 Reyes 18:26

Jobekwö Juda jojodö tjiwenenö yöa̧liawö̧, Eliaquinbi, Sebnabi, Joabi yötja̧linobe, —Ökwödö kwömöayedöma, kwiwene arameo waisadösa, jo̧kwajabetjö̧ kwiwenenöda yöka̧lodönö. Ju'wedö Juda jojodö comunidad tjöekwemi ja̧dö tja̧ja̧kwa̧lonö, Juda jojodö diwenenö yöka̧loko, yöda̧lakwawi̧ tja̧ja̧kwapji jö̧ba̧lö, —yötja̧linobe.

2 Reyes 18:28

Ikenama, jobekwö atadajo̧, Asiria luwo̧ yöawi̧ yöbawo̧ma a̧la̧ibö, labinö jwöeba̧li̧nobe Juda jojodö tjiwenenö: —A̧ja̧kwaduwi inesö juluwo̧ Asiria la'aka luwo̧ ökwödönö yöawi̧ma.

2 Reyes 6:25

Ja̧danö, jobekwö tjötjösawiawö̧, jwiinö a̧wi̧chi̧ lö̧jinobe Samaria jojodönö, kwakwawa tjichejebobö jwiinobetjö̧. Lekwe tjötjösawiawö̧, mikwawökö ji̧ bulu uuma, mikwawachibinobe plata ö̧pi̧biya ochenta ö̧pibiya mikwawenanö baibanö, ja̧danö deja'do̧ bakwa'do̧ yunuku̧dö tjide'oma, bakwamu jawa plata ö̧pibiya mikwawenanö baibanö, jwiinö a̧wi̧chi̧ lö̧jawö̧, ja̧bi tjukwobö tjisakwobetjö̧.

Isaías 36:12

Yötja̧liökwe, —Ja̧maökö, ökwödökwöda yöta̧lakwawoböma weinokobe chuluwo̧ Asiria luwo̧ma, okobe deinö bai ju̧kwadökwö yöta̧lakwawobö weinökwesa, baikwö yöta̧la: Kwuluwo̧duwi Ezequias chuluwo̧ wei̧ a̧ja̧kwökötjö̧ma, jobadö tjöekwemi wame wa̧döbi usula tjemawakwedö, jwiinö usula kwemawaduwobetjö̧, ökwödöbi jobadöbi a̧wi̧chi̧ tjöbö, ökwödöda kwide'oduwi kwadö bakibaduwakwedöja, ja̧danö jwiinö ojwiyo o̧ti̧ tjöbö, kwibi̧esobu kwowaduwakwedöja. Jo̧kwajabetjö̧ isabenö jobadöbi yöda̧lakwawi̧ tja̧ja̧kwobö jo̧be, Ezequias chuluwo̧ yöawi̧ otiwanö a̧ja̧kwökötjö̧ma, jobadöbi usula tjemawakobetjö̧, —jö̧ba̧lö atadinobe Asiria la'aka luwo̧ yöawi̧ yöbawo̧ma.