2 Reyes 18:26 - Dios Iwene

²⁶ Jobekwö Juda jojodö tjiwenenö yöa̧liawö̧, Eliaquinbi, Sebnabi, Joabi yötja̧linobe, —Ökwödö kwömöayedöma, kwiwene arameo waisadösa, jo̧kwajabetjö̧ kwiwenenöda yöka̧lodönö. Ju'wedö Juda jojodö comunidad tjöekwemi ja̧dö tja̧ja̧kwa̧lonö, Juda jojodö diwenenö yöka̧loko, yöda̧lakwawi̧ tja̧ja̧kwapji jö̧ba̧lö, —yötja̧linobe.

2 Reyes 18:26 ပူးပေါင်းရင်းမြစ်များ

2 Reyes 18:18

Ichibajadö, inesö la'aka luwo̧ Ezequias ichobö jwötjinobe, ja̧danö ichibö jwötjiawö̧, Ezequias ömöayedöma jobadökwö yötja̧lakwawobö tji̧'yinobe, Ezequias eju teada̧lakwawa luwo̧ Eliaquin mikwo̧bi, wȩyukwa luwo̧ Sebna mikwo̧bi, weawa wȩyu̧kwa luwo̧ Joa mikwo̧bi.

2 Reyes 18:25

—Ju'wibi yötawakwö, –Isabenö Jo̧ma pjaatakwo̧, –jö̧ba̧lö kwo̧'wo kwöwana̧loböma jwiobe, baikwö yöta̧la: Kwedemi Isabenö Jo̧ Dios weokonö, baikwö ökwödökwö dölakwabikwawobö dichinenaji̧? Ja̧maökö, Isabenö Jo̧ Diosda ökwödönö weinobe, –Juda nijibe 'ya̧nö, kwujuluwaduwo, –jö̧ba̧lö, isabenö ökwödö dujulutjö kwö̧jibobö pjaatökakwo̧, —jö̧ba̧lö yöa̧linobe Asiria la'aka luwo̧ ömöayo̧ yöawi̧ yöbawo̧ma.

2 Reyes 18:27

Yötja̧liökwe, —Ja̧maökö, ökwödökwöda yöta̧lakwawoböma weinokobe chuluwo̧ Asiria luwo̧ma, okobe deinö bai ju̧kwadökwö yöta̧lakwawobö weinökwesa, baikwö yöta̧la: Kwuluwo̧duwi Ezequias chuluwo̧ wei̧ a̧ja̧kwökötjö̧ma, jobadö tjöekwemi wame wa̧döbi usula tjemawakwedö, jwiinö usula kwemawaduwobetjö̧, ökwödöbi jobadöbi a̧wi̧chi̧ tjöbö, ökwödöda kwide'oduwi kwadö bakibaduwakwedöja, ja̧danö jwiinö ojwiyo o̧ti̧ tjöbö, kwibi̧esobu kwowaduwakwedöja. Jo̧kwajabetjö̧ isabenö jobadöbi yöda̧lakwawi̧ tja̧ja̧kwobö jo̧be, Ezequias chuluwo̧ yöawi̧ otiwanö a̧ja̧kwökötjö̧ma, jobadöbi usula tjemawakobetjö̧, —jö̧ba̧lö atadinobe Asiria la'aka luwo̧ yöawi̧ yöbawo̧ma.

2 Reyes 18:37

Jemi ikenama, Eliaquinbi, Sebnabi, Joabi, yöbawo̧kwö yöba̧lakwawajadö, tjuluwo̧ Ezequias ö̧jobekwö tjȩwa̧jinobe, yötja̧lakwawaja̧ yötjawobö. Jwiinö o̧'wo tjo̧achö, tjökamisi kȩekwö lotjinobe, ja̧danö kȩekwö lobajadö, Ezequias öba a'o ichibö yötjawinobe, yöbawo̧ yöa̧laja̧ jawama.

Isaías 22:15

Baikwö yöawobe inesö la'aka luwo̧, Isabenö Jo̧ Okobe Jwiinö Juluwo̧ Diosma: —La'aka luwo̧ eju teada̧lakwawa luwo̧ Sebna mikwo̧nö yöbawaji, baikwö:

Daniel 2:4

Jejenö i̧'wi̧dikwa̧ja̧ jawa yöbawökönö, yötjawobö weawö̧, si̧li̧'idönö waisachadöma tjatadinobe Babilonia jojodö tjiwenenö: —La'aka duluwo̧, lekwe duluwo̧ kwö̧jobö dösöda. Ökwödö kwömöayedönö kwi̧'wi̧dikwaja̧ yökawo, ja̧danö a̧ja̧kwajadö, laebi̧ jawa labebö lobö yödawakobe— jö̧ba̧lö tjatadinobe.