Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Reyes 18:24 - Dios Iwene

24 Jo̧kwaijayonö chedemi kwömöayedötjö dos milbedö kabayudönö wanö ölakwabikwawadö deobe Ezequias, jo̧kwajabetjö̧ ökwödökwö kwölakwabikwawobö juluwö̧kö̧ja. Jau, chuluwo̧ ömöayedö ölakwabikwawa luwedötjö, ju'wedötjö baikwönönö juluwö̧kö̧nöbi kwujuluwobö jwibo̧ja. Ja̧danö, –Egipto jojodöma kolukiyanö ölakwabikwawadönöbi, kabayudönö wanö ölakwabikwawa jojodönöbi wetjakwedö, –jö̧ba̧lö kwo̧'wo kwöwana̧lobö jwiobe, isabenö ökwödötjö kwö̧jibobö jwibo̧ja.

အခန်းကိုကြည့်ပါ။ ကော်ပီ




2 Reyes 18:24
21 ပူးပေါင်းရင်းမြစ်များ  

Ja̧danö, ju'wedöma ka̧ba̧yu̧dö tötji̧ kolukiyanö 'yi̧jadötö. Ja̧danö, ju'wedöma kabayunö wanö 'yi̧jadötö. Ba̧jekwadö 'yi̧jadötö Josékwö abe'donö lödö i̧'yobe.


Ikenama, yemidanö iteda yöa̧li̧ weinobe Acabnö: —Weti̧ kwa̧ja̧kwokobetjö̧, isabenö jwiinö kwitebo comunidad söbebö lodakwawö̧sa. Jau Acab, jwiinö söbebö lodobetjö̧, comunidad nijiso̧pja̧bi jwienanö baibanö, isabenö jwiinö söbebö lodakwedösa kwitebo comunidadma. Jejenö söbebö lodökötjö̧ma, chösödawö̧ diosbedö ötjönö lȩtjebobö ja̧kobe, —jö̧ba̧lö yöa̧li̧ yötjawinobe Acabnö.


Chedemi Egipto la'aka luwo̧nö kwo̧'wo wa̧na̧lö kwö̧jena, -Chöjibobö pjaatakwo̧, -jö̧ba̧lö. Jo̧kwaijayonö baikwö yöta̧lakwö: Jobadönö tjo̧'wo wana̧ladönö pjabatökönö, suli̧ waedadö Egipto jojodöma, tokwöte juluwanö 'deawötedanö. Jau, bakwo̧ ja̧jaye tokwöte öwanawitjö̧ma, 'deawena, ja̧danö 'debawö, ömamunö söibena, jö̧tö? Jobekwö ichejekwo̧ Egipto la'aka luwo̧ Faraonma, jo̧banö tjo̧'wo wana̧ladönöma.


—Jau, kwuluwo̧duwi Ezequiasnö yökawaduwo: –Chujuluwobö jo̧be, –jö̧ba̧lö yöka̧lijayonö, juluwö̧kö̧ja. Jau, inesö la'aka chuluwo̧ ömöayo̧ ja̧nö, jo̧ba iminö baikwö yötawakwö: Kwömöayedötjö kabayudönö wa̧nö ölakwabikwawadö dos milbedönö kwöbadekwaitjö̧ma, kabayudö dos milbedönö chiyakwo̧sa, ökwödökwö kwölakwabikwawobö.


—Ju'wibi yötawakwö, –Isabenö Jo̧ma pjaatakwo̧, –jö̧ba̧lö kwo̧'wo kwöwana̧loböma jwiobe, baikwö yöta̧la: Kwedemi Isabenö Jo̧ Dios weokonö, baikwö ökwödökwö dölakwabikwawobö dichinenaji̧? Ja̧maökö, Isabenö Jo̧ Diosda ökwödönö weinobe, –Juda nijibe 'ya̧nö, kwujuluwaduwo, –jö̧ba̧lö, isabenö ökwödö dujulutjö kwö̧jibobö pjaatökakwo̧, —jö̧ba̧lö yöa̧linobe Asiria la'aka luwo̧ ömöayo̧ yöawi̧ yöbawo̧ma.


Ötjö Diosnö omukwatökönö, baikwö yöba̧lo̧ Asiria la'aka luwo̧ma, itedada: –Okobe deinö chömöayedö ölakwabikwawa jojodö tjuluwedöma, inesö la'aka luwedöbedö, isabenö juluwo̧ inesö la'aka luwo̧sa.


Baikwö yöawobe Isabenö Jo̧ma: —Chitji̧mu kwuuduwi 'dibadö, isabenö usula kwemawaduwakwedöja. Ökwödöma omukwatö kwujunaduwaja̧danö badekwachinö ja̧badöja, jo̧kwaijayonö ötjö omukwatö chujuninadanömaökö. Ja̧danö ju'wedökwö bakobe pjabatakwawö kwöjaduwakwa̧ wene yöbawö kwujunaduwajabe, jo̧kwaijayonö ötjö cho̧'wo luwo̧ weawö̧, jobekwö yöbawö junöködöja. Jau, ida̧ökö sulabenö ja̧bajadö, ajayitjö̧ bajalekwönönö tupakwö sulabenö jabadöja.


Ayö, isabenö usula tjemawakwedö, Egipto niji jojodö pjatjatakwa̧ tjo̧'wo wana̧ladöma. Jobadöma Egipto nijibe 'ya̧dö, —Isabenö otiwanö pjatjatakwedö Egipto jojodöma, —jö̧ba̧lö. Ja̧danö ju'wibi kabayudönö tjo̧'wo wana̧lö tjö̧jobe, —Egipto jojodöma nöinö ölakwabikwawa jawa kolukiya tjujuna̧lobetjö̧, ja̧danö jobadötjö kabayudönö wa̧nö ölakwabikwawadöma juluwadötjobetjö̧, dö̧jibinö pjatjatakwedö, —jö̧ba̧lö tjomukwatobe. Isabenö tjo̧'wo tjöwana̧lo jö̧tja̧lökwema, Israel jojodö tjösödökwe Sulabe Jwibo̧ Diosda. Abebö tja̧ja̧kwo jö̧tja̧lökwema, Isabenö Jo̧ Diosda, jo̧kwaijayonö jo̧banö omukwatökönö, wajwibö Egipto jojodönöda tjo̧'wo wana̧ladö, sulabenö.


Diosdanöböködö, tjo̧'wo tjöwana̧lawö̧ Egipto jojodöma. Jobadö Egipto jojodöma, diosböködö, sule bö̧jȩ jojodöda, ja̧danö tja̧jwi̧mu kabayudöma, mölȩjȩbe ju̧kwadö juluwadöböködö, sule bö̧jȩ kabayudö juluwöködöda. Ja̧danö, jobadönö lȩebobö, Isabenö Jo̧ iteda ömamu kabebö i̧sȩbenama, pjatjatakwedö jö̧tja̧linawö̧ Egipto jojodöma töbö metjakwedö, ja̧danö pjatjato jö̧tja̧lawö̧ Juda jojodöma metjakwedö. Jau, Dios lȩebenama, pjatjato jö̧ba̧ladöbi, pjatjato jö̧tja̧lawö̧bi bakobe debö tji̧'yakwedö.


Chedemi Egipto la'aka luwo̧nö kwo̧'wo wa̧na̧lö kwö̧jena, -Chöjibobö pjaatakwo̧, -jö̧ba̧lö. Jo̧kwaijayonö baikwö yöta̧lakwö: Jobadönö tjo̧'wo wana̧ladönö pjabatökönö, suli̧ waedadö Egipto jojodöma, tokwöte juluwanö 'deawötedanö. Jau, bakwo̧ ja̧jaye tokwöte öwanawitjö̧ma, 'deawena, ja̧danö 'debawö, ömamunö söibena, jö̧tö? Jobekwö ichejekwo̧ Egipto la'aka luwo̧ Faraonma, jo̧banö tjo̧'wo wana̧ladönöma.


Jo̧kwaijayonö chedemi kwömöayedötjö dos milbedö kabayudönö wanö ölakwabikwawadö deobe Ezequias, jo̧kwajabetjö̧ ökwödökwö kwölakwabikwawobö juluwö̧kö̧ja. Jau, chuluwo̧ ömöayedö ölakwabikwawa luwedötjö, ju'wedötjö baikwönönö juluwö̧kö̧nöbi kwujuluwobö jwibo̧ja. Ja̧danö, –Egipto jojodöma kolukiyanö ölakwabikwawadönöbi, kabayudönö wanö ölakwabikwawa jojodönöbi wetjakwedö, –jö̧ba̧lö kwo̧'wo kwöwana̧lobö jwiobe, isabenö ökwödötjö kwö̧jibobö jwibo̧ja.


Baikwö yötawakwö la'aka chuluwo̧ Nabucodonosor, jowi badekwachökwema ökwöda. Ökwöma isabenö juluwo̧ bakibajabe, ja̧danö wanedö yötawa, mölejȩbe ichibanö juluwo̧ bakibajabe ichejekwa, ja̧danö böjȩ bakwameachibanö ju̧kwadönö kwujuluwajabe, tjuluwo̧ bakibanö.


Ja̧danö, babema ötjö Nabucodonosorma, Diosnö otiwanö omukwatö chösödobe, mölejȩbe jo̧ Diosnö. Okobe jwiinö Dios otidi̧ma otiwanö otidobe, ja̧danö okobe jwiinö ja̧i̧ma, jweinö otiwanö ja̧obe. Ja̧danö otiwadösa jö̧ba̧lö omukwatadönö nijakwönönöbedösa jö̧ba̧lö omukwatadö batjibanö ujunobö waiso̧ Diosma, jö̧ba̧lö yöbawö iwȩyudinobe Nabucodonosorma, böjȩ bakwameachibanö ju̧kwadö jojodönö.


—Ja̧danö 'da̧batö kwujunaduwakwo̧nö weawa baikwö yötawa: Kabayudönö ba̧jekwadönö ajikwoböma isakwoko, ja̧danö israel jojodö Egipto nijibe 'ya̧nö, kabayudönö tjemoböma weoko. Jau chömöledö, Isabenö Jo̧ma ökwödönö weinobe, la'akatjöda Egipto nijibe tjekachaduwoko jö̧ba̧lö, jo̧kwajabetjö̧ jejenö weoböma jwiakobe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ