2 Reyes 18:21 - Dios Iwene

²¹ Chedemi Egipto la'aka luwo̧nö kwo̧'wo wa̧na̧lö kwö̧jena, -Chöjibobö pjaatakwo̧, -jö̧ba̧lö. Jo̧kwaijayonö baikwö yöta̧lakwö: Jobadönö tjo̧'wo wana̧ladönö pjabatökönö, suli̧ waedadö Egipto jojodöma, tokwöte juluwanö 'deawötedanö. Jau, bakwo̧ ja̧jaye tokwöte öwanawitjö̧ma, 'deawena, ja̧danö 'debawö, ömamunö söibena, jö̧tö? Jobekwö ichejekwo̧ Egipto la'aka luwo̧ Faraonma, jo̧banö tjo̧'wo wana̧ladönöma.

2 Reyes 18:21 ပူးပေါင်းရင်းမြစ်များ

2 Reyes 17:4

Jo̧kwaijayonö, ja'yubenö lekwajabetjö̧, Salmanasar wei̧ kaatibobö jö̧a̧linobe Oseasma, ja̧danö imido jö̧a̧li̧ jawa midökönö, Egipto la'aka luwo̧ So mikwo̧nö aebinobe, Asiria la'aka luwo̧ Salmanasar ujulutjö ö̧jibinö pjaatobö. Ja̧ wei̧ kaatibobö jö̧a̧li̧ma öwaisachibinobe Asiria la'aka luwo̧ma, ja̧danö waisachibajo̧, Oseasnö do̧atinobe, ja̧danö ka̧lena ba̧kwawejunö ödinobe.

Isaías 1:1

Baikwö laebobe Dios yöawi̧, Amos itji̧ Isaias mikwo̧nö i̧sȩbö yöawina jawa. Juda niji inesö la'aka luwedö Uzias mikwo̧bi, Jotan mikwo̧bi, Acaz mikwo̧bi, Ezequias mikwo̧bi bakwo̧nökwena webö tjö̧jonö, Diosma iteda yöawi̧ i̧sȩbö yöawinobe Isaiasnö, Jerusalen comunidad baledakwa̧ jawabi, ju'wi Juda niji baledakwa̧ jawabi. Jadanö ja̧ yöawinama baikwö laebobe:

Isaías 20:5

Jobekwö balediawö̧, okobe deinö ajayinö Egipto jojodönöbi, Etiopia jojodönöbi tjo̧'wo wana̧linadöma, isabenö yebabinö ja̧nö, tabakwö tjö̧jakwedö.

Isaías 30:1

Baikwö yöawobe Isabenö Jo̧ma: —Chitji̧mu kwuuduwi 'dibadö, isabenö usula kwemawaduwakwedöja. Ökwödöma omukwatö kwujunaduwaja̧danö badekwachinö ja̧badöja, jo̧kwaijayonö ötjö omukwatö chujuninadanömaökö. Ja̧danö ju'wedökwö bakobe pjabatakwawö kwöjaduwakwa̧ wene yöbawö kwujunaduwajabe, jo̧kwaijayonö ötjö cho̧'wo luwo̧ weawö̧, jobekwö yöbawö junöködöja. Jau, ida̧ökö sulabenö ja̧bajadö, ajayitjö̧ bajalekwönönö tupakwö sulabenö jabadöja.

Isaías 30:7

Jau, Egipto la'aka luwo̧ma pjaatakwo̧, jö̧ba̧lö omukwatö tji̧'yijayonö, Egipto niji la'aka luwo̧, –Pjatatakwo̧sa, —jö̧a̧li̧ma mikwawokobe. Jau, inesö juluwo̧ Rahab ötjabökwedanö juluwo̧ Egipto luwo̧ma, jö̧ba̧lö ichejekwijayonö, ja'yubebi pjabatö̧kö̧. Jo̧kwajabetjö̧ jo̧banö baikwö ötabocha, –Ba̧nöda bo̧ Rahab, –jö̧ba̧lö jo̧banö ötabocha, ja'yubebi pjaatokobetjö̧, —jö̧ba̧lö laebobe Dios yöawi̧ma.

Isaías 36:6

Chedemi Egipto la'aka luwo̧nö kwo̧'wo wa̧na̧lö kwö̧jena, -Chöjibobö pjaatakwo̧, -jö̧ba̧lö. Jo̧kwaijayonö baikwö yöta̧lakwö: Jobadönö tjo̧'wo wana̧ladönö pjabatökönö, suli̧ waedadö Egipto jojodöma, tokwöte juluwanö 'deawötedanö. Jau, bakwo̧ ja̧jaye tokwöte öwanawitjö̧ma, 'deawena, ja̧danö 'debawö, ömamunö söibena, jö̧tö? Jobekwö ichejekwo̧ Egipto la'aka luwo̧ Faraonma, jo̧banö tjo̧'wo wana̧ladönöma.