2 Reyes 18:15 - Dios Iwene

¹⁵ Weökwe, Ezequiasma okobe jwiinö ujuna̧li̧ plata jawa, Isabenö Jo̧ ejunö tjujuna̧li̧bi, iteda eju lödawȩko̧nö ujuna̧li̧bi Asiria la'aka luwo̧nö midö iyinobe.

2 Reyes 18:15 ပူးပေါင်းရင်းမြစ်များ

1 Reyes 15:15

Ja̧danö, Diosnö ösödö, abe'do 'da̧batö ujunina jawama Isabenö Jo̧ eju okwa teatinobe, Isabenö Jo̧ itea baibanö, ja̧danö iteda 'da̧batö ujunaja̧ jawa Dios ejunö teatinobe Asama, plata jawabi, oro jawabi, ju'wi dȩja̧piya jawabi.

2 Reyes 12:18

Jobekwö itebo Jerusalen comunidad meibobö omukwatiökwe, Juda la'aka luwo̧ Joasma yeabinobe, —Ichitjö̧ma chitebo Jerusalen comunidad ujuluwena, —jö̧ba̧lö. Jo̧kwajabetjö̧, ajayinö jinadö Juda la'aka luwedö Josafatbi, Yorambi, Ocoziasbi, Isabenö Jo̧ itea baibanö 'da̧batö tjujunina jawabi, iteda Isabenö Jo̧ itea baibanö 'da̧batö ujunina jawabi, ju'wi Isabenö Jo̧ eju mikwawi̧ jawa lödawȩko̧nö öbadekwajina oro jawabi o̧ko̧kodinobe, ja̧danö ko̧ko̧dajo̧ Siria la'aka luwo̧ Hazaelnö webö iyinobe, —Bi̧ya mikwawi̧ jawa chiyakwö, chitebo comunidadbe ichö mekibapji, —jö̧ba̧lö. Ja̧danö, iyajökwe, Jerusalen comunidad mebibökönö, itebobe ȩwa̧jinobe.

2 Reyes 12:19

Jobekwö ja'yubenö laebobe Joas ötidö ö̧jina wenema. Ju'wibi nöinö ja̧bö ö̧jinobe Joasma, ja̧danö okobe jwiinö ja̧ Joas ja̧bö ö̧jina jawama, Juda jojodö la'aka tjuluwedö tjö̧jina wȩyukwa'ye mikwa'yenö laebobe.

2 Reyes 16:8

Ju'wibi Isabenö Jo̧ ejunö ji̧, ja̧danö iteda ejunö ji̧ oro jawabi, plata jawabi o̧ko̧kodinobe Acazma, ja̧danö ko̧ko̧dajo̧ iyawa baibanö weinobe Asiria la'aka luwo̧nö, —Pjakatobö chiyakwö, —jö̧ba̧lö.

2 Reyes 18:16

Ju'wibi ja̧ möle Ezequiasma Isabenö Jo̧ eju apjude tjöpöchina oro kalebö eminobe, ja̧danö apjudenö ji̧ okwi'ijutjöbi oro kalebö eminobe, ajayinö Ezequias jobe pöchö otidina oroma, ja̧danö kalebö emajo̧, ja̧bi Asiria la'aka luwo̧nö iyinobe.

Isaías 39:2

Tjichibiökwe, ösödinobe Ezequiasma, —Otiwanö kwichaduwajabe chömöledö, —jö̧ba̧lö. Ja̧danö, Ezequiaskwö tjö̧jonö, okobe jwiinö itea jobadönö i̧sȩbinobe, nöinö mikwawi̧ jawa lödawejunö ujuna̧li̧ jawabi, ölakwabikwawa jawa ujuna̧li̧bi, okobe jwiinö ju'wi jaye ko̧ko̧dö lödawejubiyanö ujuna̧li̧bi. Okobe jwiinö iteda ejunö ji̧bi, ju'wi itebonö ji̧bi tojökönö i̧sȩbinobe Ezequiasma.